ساعدوني في اماكن المجمعات

[joudiii]

مساء الورد

انا جايه الكويت بعد كم يوم وابي تدلوني على بعض الاماكن لاني جايه للشوبينج سمعت ان الكويت بدل السهرات عندهم حلوه فـ ان شاءالله القى شي بمساعدتكم طبعاً...

اول شي ابي اعرف صالون الاء دشتي كيف اسعار الصبغات والقص عندها؟ وهل هو حلو او عادي وايش الصالونات الحلوه بالصبغات والقص في منطقه اللي بجنب المارينا مول لان اوتيلنا هناك

ثاني شي
انا ابي اشياء فخمه وعليها القيمه بس مو اوفر يعني حدي في اللبس 4 الالاف ريال يمكن بالكويتي 300دينار؟؟؟اي ثنك:eh_s(6):
وبالهاند باق حدي 3 الالاف ريال

وسمعت انو فيه عندكم مجمع مادري اذا الحكي صح او اشاعه مكون من طابقين الطابق الاول الماركات الجديده والطابق اللي فوق ماركات السنه اللي فاتت وعليها ديسكاوند؟؟؟

شوفي معاي هالمجمعات وقولو لي وين بعد اذنكم..واذا فيه شي ماذكرته ويستاهل قولوه لي
مجمع الصالحيه
ليلى غاليري
مجمع الرايه
فيلا مودا سمعت انها بالمنطقه الحره يعني بعيده؟؟؟؟ عن العاصمه؟
بيت ديفا
مجمع زهره


وشكرا جزيلا لكم مقدما والله يعطيكم الف الف عافيه

 

[وواوو]

حياك الله في ديرتنا الغاليه الكويت

عندنا أكثر من مجمع روعه في الديره فيه الافينيوز بالري في كل المحلات المشهورة و الماركات العالمية

يبي لك فيه على الأقل يومين عشان تمرين محلاته كلها

عندك المارينا روعة بعد تتغدين فيه أو تشوفين فيه فيلم بالسينما وفيه محلات حلوه بعد

عندك على نفس امتداد الشارع ( سالم المبارك ) مجمع الفنار ( روعه ) و زهره ( فيه الاسطورة ملابس سهره )

و ليلى جاليرى( يونس ) و سنتر بوينت فيه لبس عملى لك او للاطفال و اكسسواوارات روعه للبيت

فيلا مودا فيه محلات مشهورة و ماركات بس ما انصحك تشترين منه الا في التنزيلات فيه بدايه شهر يونيو وبدايه ديسمبر
لأن الشنطه اللى ب 600 دينار تصير ب 300 حيل فرق

اتمنى انى فدتك واتمنى لك اقامه سعيده بالكويت

 

[بنفسجية]

اول شي ..
حياج الله بالكويت ، لما عرفت انج ياية للسوق
اندمجت بالموضوع لول فبجاوب عليج حبه حبه ..
اول شي بالنسبة لالاء دشتي ..
القص بصالونها مرة و مرة
انا ماحب الصالونه الي ايدها خفيفة بالشعر
يعني تقصر حيل عادي ، عرفتي ؟ ما تخاف على شعرج
و بالنسبة للصبغ
ناس تمدح شغلها و ناس تذمه ..
اما عن الصالونات القريبة من فندقكم و حلوة
في صالون كتنج ايدج بالسالمية
خلف مجمع بلازا السالمية
وجدا قريب عليج
شغلهم بالصبغات حلو روحي عند
وحده اسمه اودري
شغلها حلو و بضمير
و القص هم حلو عندها ..
وبعد في صالون اورينتال برنسس
الستاف الي فيه كله تايلندي و قصهم روعة
اذا ودج تجربينه اوصفلج مكانهم ..

السوق ..
المجمع الي قلتي عنه ،
اهوا فيلا مودا
تحت كله بوتيكات الماركات و فوق
الستوكات و الكولكشنات القديمه يكونون
من بقايا السيل فعليهم خصم
تقريبا اوت لت صغير
مكانهم بالمنطقة الحرة
لكن حاليا العرض الي صاير عالبضاعة الي عليها خصم
موجود بقاعة الزمردة عالبحر ..
هناك عارضين البضاعة الي فيها خصم يوصل ل 90%
من ملابس و جناط و اكسسوارات
و تعتبر القاعة قريبة من فندقكم
روحيلها على روااء و بتحصلين فيها بلاوي بالنسبة للملابس ..
و فيلا مودا الكبير الي بالمنطقة الحرة
مو بعيد لكن بضايعه كله جديدة و ماعليها خصن
ف من 300 و انتي طالعة ، مري الزمردة اول
اذا ماعجبج روحي فيلا مودا المنطقة الحرة .
و المجمعات
بقسم لج جدول
خليلج يوم روحي فيه
الصالحية و الراسة
لانهم قراب من بعض
بس على فكرة ترى اوقات العمل فيها من
10 الصبح لي 1 الظهر
ومن 5 المغرب لي 9 بليل..
يعني العصر مسكرين
و الصالحية تلقين فيه
ال في ، شانيل ، لاكوست ، فندي ، ديور
و فوق في محلات متنوعة
اذا رحتي مري على محل اسمه كوكو روبين
اهوا صغير
بس عنده قطع روعة ..
الراية تلقين في بربري ، سلين و كوب كوبين
انا عندي الصالحية للتسوق احلى ..
ليلى جاليري و زهرة و النفار
كلهم قراب عليج من فندقكم
تروحين لهم بيوم واحد لانهم بنفس الشارع
و تعتبر مجمعات صغيرة ...
فيها محلات متنوعة وحلوة تحصلين فيها اشياء ستايل
الافنيوز يعتبر شاااااااامل لكل شي تقريبا
ماعدى الماركات الكبيرة حيل ..
بيت ديفا يعرضون فيه البنات الكويتيات شغلهم
من تصاميمهم للملابس و الاكسسوارات و غيره .
بس خل اقولج عن جم محل وديت صديقاتي سعوديات
كانوا ياينا من فترة و انجنوا عليهم لان بضايعم مو موجودة عندكم
اول شي ..
لايم لايت
موجود بدانه سنتر بالسالمية
يعني قريب جدا من فندقكم
يبيع ملابس و اكسسوارات و احذية
و اكسسوارات بيت
رجالي و نسائي
و فيه اشياء تهبببببببل
و اسعارها مناسبة بحدود ميزانيتج
وعلى فكرة ترى لهم فرع بالافنيوز
بس انا اشوف ان تشكيله السالمية اكبر و احلى
ودام ان قريب من فندقكم مري عليه!

و بمجمع مارينا مول
في محل اسمه زيربافت
ورى يكون خلف فافوم و فولار
سالي عن مكانه لي و صلتي لانه شوي مدعوس
عنده ملابس حلوة و غريبة و مو متوفرة بباجي المحلات ..
و بالافنيوز في محل فوق بالجزء الجديد
اسمه
come as you are
و محل ثاني اسمه
لحظة من فضلك
هذول الاثنين عندهم تشكيلة ملابس حلوة و اكسسوارات ..
اتمنى اكون فدتج!!

 

[joudiii]

مساء الورد

وواوو
يعطيك الف عافيه ماقصرتي تسلمين والله

بنفسجية
يالبى قلبك ياشيخه من جد افدتني وتعبتك معاي مره فرحت بردك المفصل

سويتو لي جدول الله يوفقكم يارب ويرزقكم اللي تتمنون (f)

 

[بنفسجية]

حبيبتي تذكرت محل
خليني اقولك عنه ..
في مجمع الغوالي
مقابل مجمع الراية
روحيلهم بيوم واحدهناك تحصلين محل اسمه
109
يبيع مجموعة ماركات حلوة
جاليانو ، كافالي كلاس و جذي
هالفترة مسوي خصومات حلوة
تحصلين عنده بدل سهرة و اكسسوارات روعة
مري عليه يمكن تلقين شي يعجبج
بس على فكرة
ترى الراية و الغوالي اوقات العمل فيها من
10 لي 1
و من ال 5 لي 9