ساعدوني فندق فى بانكوك؟؟

[حضن امى]

هلا فيكم اخواتى
ابى فندق فى بانكوك ورخيص بجانب شارع العرب او بجانب فندق لاند مارك؟؟
ويكون 3غرف وصاله
لانى شفت فندق بس وايد غالى الليله 65دينار
اللى تعرف تقولى او تعرفين مكتب سفريات رخيص وكويس وموغالى
ومشكوورين حبايب قلبى

 

[ToOoTi]

شوفي ما انصحج كلش بشارع العرب


والله بتشوفين شغلات ماراح تعجبج


انا افضل النوفتيل سيام سكوير دايم اسكن فيه واحلا شي ان كل الاسواق وراج ما تاخذين تاكسي كلش

ميلينيوم بانكوك حلو

 

[um khaled]

انا امس راده

و قعدنا في grand diamond وحجزنا بالنت

ويمنا كل الاسوقه وورانا المجمعات الهاي

وتقريبا شارع العرب nano يصير يمنا على طول

اخذنا غرفتين جونيور سويت غرفه وصاله ومطبخ تحضيري مع الريوق ب 33 دينار

وفي فندق جدامنا ارخص مجرب اسمه centre point الليله ب 30

ويمنا البلاتينيوم و بينتاب بلازا مال الاجهزه

ووايد زين

شارع العرب يلوع الجبد ومو مال عوايل مال شباب او ناس تبي الفنادق اللي حدها رخيصه وعاديه

وترى 65 لثلاث غرف وايد زين اذا كان اقل شي 4 نجوم

ومكتب السفريات جلوبال اللي بالمطار ريلي صار له يتعامل وياهم عشر سنين

وبس حاضرين لاي استفسار