ساعدوني فديتكم أنا متضايقه

[الــريــان]

مرحبا خواتي والله لا غنى عنكم بالمشورات مشكلتي : انا ويهي ضعيف وخافي ملامحي يبيلي نفخ يبين ملامحي ••زوجي ؟؟؟؟ يقول ابي ويهج نفس اختي !!! سألتها وين نافخه خدودج قالت بلبنان وهي معاي بنفس البيت متى سافرت رديت لريلي وقلت مو راضيه تقولي قال انتي ما تبين تتغيرين وكأن انا اللي ما ابي (( حبايبي ساعدوني انتم أملي بعد الله ابي دكتور شاطر مو يخرب شكلي واروح فيها ؟ وجم تكاليفها ؟؟ ( ناطرتكم وكلي ثقه فيكم) رجائي لا تخيبوني ارجوكم وربي محتاجتها عشان ريلي يبي // أشكركم//

 

[3thbya]

مادري سامعه ان ماجد تقي شااطر بس بعدي عن المواد الدائمه موو زينه

 

[Jojo1000]

الله يعينك على زوجك
كذا وحده اقرأ لها نفس مشكلتك
والرجال بالعاده مايحب التجميل و المكياج
اهم من التنفيخ نوع الماده وصناعتها اهم من اسم الدكتور
والله يوفقك

 

[فاطمة 25]

موووفقه يارب

البنات يفيدونج

 

[مدّهره !]

مااأقدر أفيدج بهالمووضووع ..’


والله يووفقج ويجملج ...’

 

[فطمطم]

حبيبتي الي اعرفه ياخذون شحم منج ويملووووون الويه ويصير احلى

 

[روونه]

شوفي حبيبتي اول شي ريلج اسلوبه مو حلو معاج ولازم تبينيله ان ويهج عاجبج وانج ملكة جمال

ويحمد ربه انج زوجته والا ترى الموضوع بيصير نفخ خدود ونفخ براطم وتكبير صدر ومؤخره وماتخلصين


ثاني شي افضل حل انج تشفطين دهون من جسمج وتعبين ويهج والدهون الزايده تحتفظين فيها وتعبين مع الاشهر اذا حسيتي ان الانتفاخ قل وهالشي تقدرين تراجعين فيه مستشفى الزهير او دكتور اسماعيل ندا

الحل الاسهل ولكن مايدوم اكثر من 6 اشهر هو الابر ونصيحة روحي ماجد تقي او تهامي بعيادة الجارالله او اسماعيل ندا

وحطي في بالج الكدمات شي طبيعي يطلع بالويه اسبوع بالكثير ويروح وفي ناس مايطلع لهم عشان ماتخافين

 

[حنانو 89]

انا انصحج حبيبتي تروحين استشاره عند دكتوره شمايل السنافي اهي حدها ققه وانا قاعده اعالج بشرتي عندها روحي استشاره واساليها شنو الماده الصح للتفخ مو الخرطي الي يصير فيه تليف وجنه بعد عندها ابر تذوب الماده اذا النتيجه لا قدر الله ما اعجبتج .... انتي روحي واستشيري كذا مكان بس هذي الدكتوره ثقققققققققه..... وتاني حييييل لاتستعجلين لان في مواضيع تخرع عن التفخ والمواد مو مصرح فيها او الكميه زياده .... تاني حبيبتي اوكي