ساعدوني عطوني حل بالنحس؟؟؟

[قمر الليالي]

مساء الخير

انا حدي مضايقه ومتوتره وابي منكم المساعده ورايكم بالموضوع
انا من سكنت بالبيت وانا من سالفه ورا سالفه مااترقع كلش
مشاكل ويا زوجي لدرجة توصل للطلاق والسيارات جديده عندنا تخرب وحده ورا الثانيه ومانستهلكهم كلش وموديل جديد
الخدم ماتقعد ولا ينحاشون لحد الحين خسرت 2000كفالة مكتب ولا يعطوني فلوسي مع ان ادلل تليفونات والمطبخ حاطه فيه تلفزيون وطول الوقت على افلام هنديه وساكته ولازم اثنين عندي يعني وحده تساعد الثانيه مافي شغل
والبيت نصلح فيه ويرد يخرب شي ثاني مانقعد الا كل اسبوع يمر الا تصير مشكله اكبر من الثانيه
بنات عفيه ساعدوني شنو الحل ؟؟؟
الله يجزاكم خير ردوا علي محتاجه لكم

 

[قمر الليالي]

استغفرالله
ولاحول ولاقوة لا بالله

 

[درة أهل الطولات]

رد : ساعدوني عطوني حل بالنحس؟؟؟

شغلي سورة البقرة

 

[منيرة خالد]

والله يأختي الله يعينج


لا تتشائمين من البيت لكن اكثري من الصدقات وشغلي سورة البقرة كل يوم >>> وان شاء الله تفرج

 

[ام غدوورة]

والله يأختي الله يعينج


لا تتشائمين من البيت لكن اكثري من الصدقات وشغلي سورة البقرة كل يوم >>> وان شاء الله تفرج

اقري بنفسج سورة البقره وحصني البيت بالاذكار وتركي التشائم المسائله حظوظ من ناحيه الخدم وسيارات هم شي عادي لا تفكرين بنحس حبيبتي
والله يفرج عليكم

 

[قمر الليالي]

جزاكم لله خير

 

[noorq8]

حبيبتي طرشي لي عالخاص رقم فاكس ادز لج رقيه وباذن الله لو السالفه عين تفج عنكم.

 

[noonaah]

تعوذي من بليس وكثري صلاة قيام الليل وختمي صورة البقره اكثر من مره

واهم شي عليييج باذكار الصباح المساء

والله يعينج

 

[sweet dashttya]

رد : ساعدوني عطوني حل بالنحس؟؟؟

اي عين ما صلت على النبي

لا حول ولا قوة الا بالله

ترى نفس حالتنا ما ترقعنا من اول ما سكنا الجوارين عينهم حارة حسبي الله عليهم

 

[Tom ♥ Jerry]

رد : ساعدوني عطوني حل بالنحس؟؟؟

.


ما ازيد على كلام البنات شي : )

 

[عزتي مالها حد]

رد : ساعدوني عطوني حل بالنحس؟؟؟

البنات ماقصروا

 

[M!Ss Smart]

اختي تصدقي وشغلي سوره البقره بيتج

 

[الفنانة لؤلؤة]

إقري البقرة ثلاث أيام متتالية،، وأكثري من الإستغفار

ودايما شغلي سورة البقرة بالبيت

الله يعينج ويفرج همج

 

[منو انا]

اقري سوره البقره
ولا تحطين بالج ان من البيت وتشأمين مو زين

 

[Pearl Qatar]

رد : ساعدوني عطوني حل بالنحس؟؟؟

لاحول ولاقوة الا بالله


حبيبتي خلو شيخ ايي ويقرا ع البيت

الله يوفقج ويبعد عنكم كل شر

 

[خفايا قلب]

مو زين تقولين كذا استغفري ربك وتعوذي من ابليس واقري على نفسك وبيتك وبس وحطي براسك انها فترة وتعديييييييي باذن الله بس انتي توكلي على الله بكل شي ودايما رددي ( فوضت امري لله عليه توكلت واليه انيب) وربي بيكتبلك الخير

 

[*ريما*]

رد : ساعدوني عطوني حل بالنحس؟؟؟

الله يفرجها عليكم

 

[عسولة وكتكوتة]

رد : ساعدوني عطوني حل بالنحس؟؟؟

حبيبتي تعوذي من ابليس وشغلي البقرة 24 ساعة واقريها بعد واستغفري وطلعي صدقة لو 20 فلس كل يوم الله يفرج همج صدقيني

 

[..<< ندى الورد >>..]

رد : ساعدوني عطوني حل بالنحس؟؟؟

تعوذي من الشيطان واقري سوره البقره

 

[monmon12]

حبيتي كلي ذكرتي

موجود بأغلب البيوت

النحس مو موجود الا في مخج بس

عمري هل انتي قانعه بقسمة الله لج بالدنيا؟؟ هل راضية بقضائه وقدره؟؟

اذا نعم وين صبرج حبيبتي

ماكو أحد ما عنده مشاكل او مصايب

بس المشكله تيي لما احنا البشر نكبرها

عمري المشاكل الحقيقهة حق الانسان الي يروح الدوام يرجع هادمين البيت على راس أهله

حق واحد ماعنده ياكل او يشرب

حق انسان يهان ويضرب بسبب لونه او دينه

حق أطفال تقتل حق نساء تغتصب

هذي المشاكل العظيمة

اما احنا عمري عندنا كل شي من لبس ومسكن وصحة ونعم

فشنو يعني ريلي مو زين وياي او خدامتي طلعت مينونه او عيالي شياطين

او حماتي نسرة

هذي مو مشاكل حقيقة حبيتي هذي نابعه من قلة خبرة الانسان بالحياة

بطلي عينج عمري عدل وقعدي مع نفسج وفكري شنو الأسباب راح تلقينها ان شاء الله

هونيها وتهون حبيتي