ساعدوني شنو اخذ من ماليزيا

[عروس777]

السلام عليكم ورحمه الله وبركاته
شحالكم خواتي
انا هالصيف ان شاء الله رايحه على ماليزيا
ابيكم تساعدوني شنو اشتري من هناك ابي اشياء غريبه وحلوه
انتظر افكاركم

 

[بنت الصباحيه]

انا احتمال بعد اسافر ...وابيكم تساعدوني بعد


تحياتي

 

[شهدQ]

شحاطات

ابواك شنط مقلده وساعات

بخاخ السيقان والتونيك كونين هير

 

[؛؛ أم الغلا؛؛]

فى برج التوأم سوق سوريا مول اذا تيبن تشترين جناط ماركة تلقين كل الماركات طبعا أصلية ونيو كولكشن واسعارها أقل من اللى عندنا بفرق 30 الى 80 دينار :eh_s(6):
الساعات هم حلوه ،، شفتى الساعات اللى عند روائع جنيف تلقينها بسعر حلو
ساعات وجناط جيس تلقين أشياء للحين ماوصلت الكويت تشكيلة الشتاء
الأحذية والشحاطات معروضين بكل مكان طبى وتخيري :eh_s(9):
الحي الصيني بكوالمبور وشارع الليل بجزيرة بيننغ جنط وابوكه وشحاطات وسكارفات وكبابيس تقليد الماركات بس كاسريهم على قد ماتقدرين :eh_s(15):
بالصالون تلقين مجموعة لوريال وكرستاس وكريمات الشعر ارخص من عندنا
بس لبس اليهال موشى ولبس الحريم مقاساتهم وايد اصغيره
بمانغو راح اتحصلين مجموعة الشتاء عندهم
البجايم والملابس الداخلية روعة ،، قمصان نوم ماشفت عندهم :eh_s(20):
عالعموم أسواق ماليزيا ماتملين منها ونبشى عدل مدل اتحصلين أشياءوايد حلوه وغريبة
وسلامتج وتعيشين :eh_s(6):

لاتنسينى بالصوغه:eh_s(8):

 

[asoomaa]

شوفي حبيبتي انتي وذوقج تبين تقليد ماركات تلقينهم في السوق الصيني في كولالامبور العاصمه والسوق الليلي في لنكاوي
وتبين ماركات في سوق سوريا اللي يم التوين تاور وفي على مااعتقد سوق لوت تن فيه ماركات
وفي عندهم اجهزه التليفونات واللبتوبات تحفه غريبه
واكسسواراتهم عجيبه ومثل ماقالوا خواتي ملابس الاطفال مش ولا بد بس عملي عندهم والكبار بس مقاسات s وxs بس
انت بس روحي تشوفين نفسج بس تمشين وتشيلين من الاغراض
تروحين وتردين بالسلامه ان شاء الله​

 

[dan]

حبوبه شحاطاتهم حدها عجيييبه هم الجناط مو شرط ماركه او تقليد
ملابس داخليه روعه

عندهم زيت حدا عجييب حق عوار المفاصل و الظهر اكون على جوز

واهم شي استـــــــــــــــــــــانسي هناك اذا رحتي بينينج لا يطوفج الباراشوت

 

[ساره ستايل]

1- الشحاطااااااااااااااااااااااااااااااااات
روعه عندهم
و كد و مد
انا عندي شحاطه شاريتها من ايام شهر العسل قبل 3 سنين
ولي الحين البسها وجنها يديده
لا و موديلها توا هابين فيه بالكويت

2- الجناط المقلده من السوق الصيني .. بس ديرري بالج من هالسوق لأنه في حراميه .. وكاسري اللي بيعونج .. لأن اذا شافوج خليجيه يعطونج السعر بلعالي
ف انتي كسري الرقم اللي يعطونج اياه بالنص
يعني اذا قالج سعر جنطه إب 500 رنقت
انتي قوليله 250 رنقت ..
اول شي ما راح يرضى .. بس اذا وخرتي يناديج

- الابواك والحزم والملافع والتيشيرتات تقليد الماركات روعه عندهم
انا اذكر كنت ماخذه تقليد ال lvالموديل الاسود بو احرف ملونه (كان توه نازل)
خذت منهم جنطه وبوك وحزام وشيله وبلوزة
وبس رجعت لبستهم بالدوام .. طبعال الكل بحلق اعيون علي ذاك اليوم
لأن كان شكلي روووعه

وشريت بعد جنطة إل في الدعمه الشفافه من 3 سنوات هم ابشهر العسل
وماكنت نازلة بالكويت
عقب سنه نزلوها

يعني اذا شفتي موديل يديد .. على طول اخذيه لأن عقب سنه او اكثر طبعا
تنزل بالكويت

- التيشيرتات القطنيه للكبار والصغار واااااااااااااااايد حلوة
غسيل ولبس
زوجي ليلحين يلبس ابلوزاته اللي شراهم ابشهر العسل

- اذا زوجج يشرب زقاير راح يستانس عالولاعات اللي ينباعون بالسوق الصيني .. (عن تجربه مع ريلي )

 

[مزيونه وشقره]

ماشاء الله البنات ماقصروا

وانا اخذت من عندهم سنفرات وفكس ودهانات للعضلات <<< عجوووز



مع تحياتي يا حياتي

مزيونه وشقره​

 

[عروس777]

مشكورين حبيباتي
خذت افكار حلوه منكم افكر اخذ شنط ماركات اصليه وباخذ بلايز اللي قلتو لي عنه تجي تقليد الماركات
بس حبيت اسال
مزيونه وشقره .........من وين خذتي الدهونات والسنفره والفكس <<< مفكره تجيب للوالده منهم
ساره ستايل .........من وين احصل البلايز في السوق الصيني؟؟؟
dan.........اخاف حبوبه من الباراشوت ومعي بيبي ما اعتقد يركبونه ولا شرايج <<<<<<< ممكن اغامر
مشكوره اسومه ....تتوقعين احصل المشد الاندنيسي هناك
هلا ام الغلا...... حبيت اسالج الشنط التقليد فيه اللي يبان عليهم وفيه لا مايبان انهم تقليد يكون تقليد درجه اولى مو اي كلام وين بلاقيهم
شهد.... ياقلبي من وين خذتي بخاخ السيقان والتونيك
سمعت انه عندهم الكاسات المضيئه ومكعبات الثلج صج

 

[؛؛ أم الغلا؛؛]

هلا عروس777،،
اسكنى بالفنادق اللى بشارع العرب يم فندق الماريوت فى مجمع جديد اسمه استار( على ما اظن ) كله ماركات ،، روحى تطمشى وشوفى النيو كولكشن ومن ثم روحى للسوق الصينى من بعد المغرب تفتح كل المحلات ونقي الجناط اللى تبينها على العموم تلقين جناط تقليد ابو طقه وتقليد درجة اولى تفرجى وبعدين اشترى

 

[موني موني]

بنااااات ردودكم روعه .. الله يعطيكم العافيه

ام الغلا ؟...شنو الفنادق الزينه اللي بشارع العرب ؟؟ خمس نجوم ؟؟

 

[عروس777]

هلا موني موني
انا مدحولي فندق مندرين بس مو بشارع العرب اعتقد عند البرجين
يالليت البنات يفيدونا خاطري اسكن بشارع العرب

 

[&رعبوووبه&]

انا رحت قبل سنه ونص واخذت شحاطات عزكم الله وجناط من ماركة بونيا لانها مو موجوده بالكويت والاكسسوارات عجيبه روحي مجمع ميغا مول والسن واي لاغون واخذي بدل الاطفال عجيبه وبالتوفيق

 

[مزيونه وشقره]

من صيدلياتهم ودكاكينهم اللي جنها جمعيات متروووسه كل خيير




مع



مع



مع



مع تحياتي يا حياتي

مزيونه وشقره​

 

[شهدQ]

هلا موني موني
انا مدحولي فندق مندرين بس مو بشارع العرب اعتقد عند البرجين
يالليت البنات يفيدونا خاطري اسكن بشارع العرب

لا الماندرين مو بشارع العرب اهو قريب من البرجين التؤمين

سجلي عندج الفنادق بشارع العرب

ويستن

ريجنت

ماريوت

وافضلهم الويستن

القريبين من شارع العرب عندج

استاتا

وتايم سكوير

واعتقد فندق اسمه فديرل مادري شلون مستواه

 

[جوريةkk]

قوه حبيبتي .

انا سكنت بفيدرل ‘ سوس قاردن ، وماريوت .ريجنت. كلهم بشارع العرب

وكل واحد فيه ميزه ..


1- فيدرل ...بوفيه الريوق ممتاز.بس زحمه وسعره معقول .
2 - سويس قاردن ... هادي ريوقه حلو بس تعبرين شارع علشان توصلين شارع العرب.. وسعره متوسط.
3 - ماريوت غالي و ازعاج وايد و ريوقه الله يزيد النعمه. بس مكانه بوسط السوق يعني اهو يعتبر جزء من المجمع اللي فيه الماركات.
4 - ريجنت نفس ماريوت بس اللحين ما انصحج انك تسكنيين فيه لانه فيه تعديلات و بنيان. وازعاج .

 

[جاكليت]

بصراحه ماليزيا سوقها وايد حلو :eh_s(15):

و عندهم ماركه ماليزيه للشنط والجواتي عزكم الله اسما بونيا :eh_s(15):

وفي محل جواتي رخيص وهم ماركه ماليزيه اسمه فينشي تحصلين محلهم في كل المجمعات :eh_s(15):

وأنا عن نفسي أحب أروح (( سوقو )) محل أدوار بس حلو وفيه سوالف اهو نفس طريقة دبنهامز بس ماليزي :eh_s(9):


وبالتوفيق :eh_s(8): :eh_s(8): :eh_s(8): ​

 

[قطرية حبوبة]

احلا شي يا قلبي اهناك

الساعات الكوبي وما اتحصلينها عند اي احد ترا ومايبيعونها في المحلات
اسئلي المحلات عنها وهم بيقولونلج وين ومعاج وحده على الطاير
احلا ماركة الي صج اعجبتني اوميغا اتهبل

 

[أذكري الله]

قطرية حبوبة شنو يعني الساعات الكوبي ؟ ماركتها كوبي و صناعتها ؟

 

[أوركيد]

عندهم الشحاطات حلوة ورخيييصة ..

ماركة بونيا تهبل أحذيه وشنط بس مو رخيصة بالنسبة لهم ..

التوبات ..تينن عندهم بس المشكلة مقاساتهم صغيرة ..

أي ...اخذي عسل ..ريلي عنده هواية اي ديرة لازم ياخذ من عسلهم ..بس والله طلع العسل الماليزي ممتاز ..