ساعدوني شلون اترك قراءة الابـــــــــــــراج

[nouf20]

• السلام عليكم ورحمة الله ​

عندي مشكله مضيقه صدري اني اقرا الابراج وتنبؤات وش بيصير وكذا ا
ساعدوني صرت اصدق الخرافات الي يقولونها ..
وعارفه انها حرام بس الشيطاان
ابي انساها واعيش حياتي

بلييز ساعدوني مرره متضاااااااااااايقه :eh_s(2):
الله يغفر لي


سساعدوني وادعولي ​

 

[منو انت]

الله يعينج ماادري شنو ممكن اقولج بس حاولي تشغلين نفسج بشي ثاني


عسى الله يشغلج ويشغلنا بطاعته يارب

 

[nouf20]

اميين اللهم اشغلني بطاعتك عن معصيتك​

 

[ڕۆۆحــي ڣــڍااگ]

والله نفس حالتي

 

[~✿ ارتـِوآآآء روح !]

وعليكم السلام ورحمه الله وبركاته ياهلا بالغاليه
شي جميييل يأنبج ضميرج وهالشي عظييييم وهذي حل نص المشكلةة
حبيبتي انتي عارفةة حلهآآآ اساسآآآ مايحتآآآآج
نقول لج اشلووون
دآمج عارفه انه حرآآآم خلاص تقلعين عن هالمعصيييية ان كنتي تحبين الله :eh_s(15):
وتحرصين على رضآآآه ادعي لله
والمشكلةة الثآنيةةة انج تصدقييين يعني ايمآآنج بالله ضعيييف :eh_s(2):
اذا انتي ماصدقتي ماتنقبل صلآتج 40 يوم
بمآ انج تصدقين فقد كفرتي على ما انزل على محمد :eh_s(2):

اولآ توبي لله توبةةة نصوووحةةة وصآدقةةة
واستغفري الله وبدال ماتقرين وتصدقييين اقري القرآن هذا شفيعج بقبرج :rerrerek:
اذكري الله سبحآآآنه وقووي ايمآنج بالله
وتذكري انج اذا صدقتي انتي كفرتي على ماا انزل على محمد
تذكري الموووت وظلمةة القبر كل هذا بيسآعدج انج تتركين قراءه الابراج
تذكري بتكونين بقبرج بروحج بظلمةة
يومئذ يعرضون لاتخفى منهم خافية متخيلة القبر وضيقه دشي اليويتوب وشوووف ضيق القبر وتقربي من الله عز وجل
كلنآآآ ذو الخطآآآء وخير الخآطئون التوابون
:eh_s(7):

 

[brstej]

حبيبتي وصلتي نص الطريج دامج حسيتي بالذنب

الحل بيدج شغلي نفسج بشي ثاني

وخلي ببالج انه كله جذذذذذذذذب واستخفاف بعقول القرآآآء

 

[فديت نفسي..~]

حبيبتي لمن كنت ب متوسط كنت مثلك مررره متعلقه
ومن اولى ثانوي بديت التركها والحمدالله الحين تركتها

اول شي انك تثقين ان ربك هو مقدر و هو الي يكتب وشو بيصير لك وبيصير للعالم
ثانين تصير نيتك صادقه و حقيقيه انك تبين تتركنيها
و بكل صلاه ادرعي ان ربي يغفر لك بمغفرته و يرحمك برحمته لان ذا من شرك ويهديك بهاديته
و ادعي بسجودك وبنص الليل
اجتهدي تخيلي تموتين وانتي للحين فيك تعلق فيه
انا مو ذاكره حديث بضبط بس قال الرسول صلى الله عليه وسلم
ان من عنده ذره شك بذي شغلات مايدخل جنه
و ثانين اي احد يتكلم عنه تجاهليه وسوي نفسك ماتسمعين وفري محطه الي تعرضه ع طول مو تقولين شوي ولا تسليه لا ع طول
و كتب و مجلات الي تطلع الابراج فري الصفحه ولا كانك تشوفين وحولي ع صفحه الثانيه


والله يهدينا اجميعين يا حبيبتي
بتووفيق يارب

 

[حكاية شهرزاد]

واقولج ترى محد يعلم الغيب الا الله .. الصدف اللي تصير ليش لانه من خيال الساحر ودوم خيالاته واقعيه وذكية ..
ومن اهني يقنعج .من خلال كتاباته بالابراج او عن طريق افنجان او غيره ..

الكلام لج ولغيرج .. كلام محفوظ متشابه .. بس يفرق بين كلمة وكلمة مراعاه لوضعج انتي كبنت وغيرج كمتزوجه ..


هذا كله كلام بدع ومن ابداع .. مستحيل احد يعرف وللتاكيد انه لو حللج ترى من مخيلته .. وصار صح .. لانه استعدادج النفسي هو اللي يبي يسمع + انه لو مهما كان خافي غضب الله يغير تفائلج بالشغله اللي تفائلتي لج فيها سواء فال او ابراج ..

تبين تتركين هالشغله وتكونين تعرفين .. وترصدين المعلومات خله يكون عنج عن طريق عقلج .. ومن خلال تربيتج لذاتج حسب القيم والاخلااق ..

مثال :
باجر بيصير حلو وبتغير وضعي ... شلون لاني انا بدرس وبتزوج لاني انا بروح لخطابة تخطب لي لاني ولاني ..


فلانة لازم احذر منها .. بس مايصير اسوء الظن محد يعلم الغيب الا الله .. لكن انا ابي احذر منها لاني مااحبها وبسبب اني مااحبها فمعمالتي معاها ولها بتكون مو سهله ..


سيارتي بتتغير .. شلون لاني لاازم اشتري .. قبل عندي السوده لكني بغير شوي باخذ بيضه .. الابيض زين للصيف ومايبين فيه الغبر ..


بشوف رفيجاتي .. بتكبر عليهم ,, لا مابتكبر ,, شهل الغباء شلي سالفه اتكبر ,, من انا ,, لازم اكون طبيعية واحط حد للثقة بالنفس ..عشان اطلع متكبرة بالاخلاق مو بسوء اخلاقي ..


زوجي يكلم .. لا مايكلم .. اكيد يكلم ,, انزين انا ليش مااهتم فيه عشان لو يبي يكلم يصير مايبي من نفسه من كثر اهتمامي فيه ..

انا بروح فرنسا .. لا مااقدر ,, لا اقدر شلون مااقدر اجمع واروح وقت التذاكر اللي سوقها ينزل ,, يعني موب بمواسم ..


ومن اهني بتصيرين تعرفين ,, بس اياج انه هالطريقة تخليج تجنين او تشكين بالناس ابتعدي عن سوء الظن واشغال راسج بغيرج ..كله بيرجع عليج قلابي ..

قلنا تفكرين مع نفسج بدال ماتروحين للمحرمات والشرك ..

 

[ޢޢޢإيمانޢޢޢะۣۨ>]

حبيبتي دام عارفة ومقتنعة إنه حرام وغلط يعني الحمدلله اختصرتي نص المشكلة
الحين شنو الحل :
لما تقرين جريدة أو مجلة وتمرّين عند صفحة الأبراج شقّي الصفحة وقطّيها
أو
غيري الصفحة على طول كأنج ما شفتي شي
والله جربت هالطريقة ونفعت معاي​

 

[حلاتي ابتسامتي]

حلو ا نج حاسه بالذنب انا كنت مثلج بس تركتها من زماان اخر شي كانت امي وكنت امنعها واكلمها دايم وانصحها وتركتها الحمدلله

 

[nouf20]

الله يجزاكم خير تاثرت بردودكم وتشجعت ,, ويـار رب ثبتني واغفر لي
...~

 

[~✿ ارتـِوآآآء روح !]

الله يجزاكم خير تاثرت بردودكم وتشجعت ,, ويـار رب ثبتني واغفر لي
...~

عآشت نوووووف :eh_s(3):
عسى ربي يثبتج يالغآآآليةةةة ويحفظجّ ويسعدجّ :eh_s(9):

 

[غلاى الغويليه]

امم الصراحه الابراج سخيفه ومو صح كلامهم ومرات صدفه وتأليف بس انتى اذا كان ودج صج صج انتى من نفسج راح تتركينها
واصلا اقنعى نفسسج انه هذا الشئ غلط وبسس ترى سهل بس اذا قالى صعب صعب راح يصير ببالج انه هذى الشغله صعبه قولى سهل سهل وراح يصير سهل لانج كثر ماتكررينها تصدقينها

وبسس

 

[جود المري]

حبيبتي ..

شي رائع انك حاسه بذنبك وحطي في بالك ياأختي ان ماشاء الله كان ومالم يشاء لم يكن

وتذكري كذلك (كذب المنجمون ولو صدقوا)

الأمر جداً خطير ولو ان هناك من يظن بأنه سهل بسيط أو ذنب صغير (وهو عند الله عظيم)

من مساوئ قراءة الأبراج أنها تجلب سوء الظن بالله والله عند ظن عبده به فليظن به عبده ماشاء ..

وفقك الله

 

[كلي تفاؤل]

لا تشترين المجلات او الجرايد اللي فيها هالسوالف مع الوقت راح تنسينها

 

[wesh jaah]

البنات ماقصرو بي بقولج شي يشجعج :eh_s(15):
بيني وبينج انا كنت مثلج من قبل جم سنة (يمكن 4-5 سنيين )
اقراهم واستغفر الله جم مره صدقتهم :eh_s(16):

بس الحين والحمدلله حتى قراية مااقراهم
:yaaaaaarb:
الحمد لله
شوفي اول شي انا قام يانبني ضميري (مثلج الحين )
وبعدين قمت استغفر ربي وادعي له اني افتك منهم
حتى مرة ليه الحين اتذكر الموقف
جذي شفتهم بلجريدة وبغيت اقراهم << قمت اقول ماراح اقراهم ..ماراح اقراهم ..ماراح اقراهم

وصج ماقريتهم والحمدلله
وعسى ربي يغفرلنا ويغفر لج اللهم اميين
:yaaaaaarb:
:yaaaaaarb:
:yaaaaaarb:

 

[شمووووخ المدينة]

حبوووووبه تقدرري تتركي لاتشيلي هم انتي عاارفه حكمهااا؟؟؟
ليش مااتركي لاشفتيها طنشي واشغلي نفسسك بلاستغفااار وادعي رربك
وصدقييني حتتركيها لانووه مااحد يعلم الغيب فطننننننشي وربي يساعدك ان شااء الله

 

[عسل سل]

تشركين بالله جذي شوفي عنها بقوقل
ابتعدي عنها نهااااائياااااااااااااااا
والله يهديج
كله جذب بجذب

 

[nouf20]

الله يجزاكم خير من جد كلها كذب بكذب يارب ثبتني وكرهني فيها تجيب لي الهم والوسوسه

 

[* ملكني الخوف *]

انا كنت نفسج بس كل ما اتذكر ان 40 يوم ماتنقبل صلاه اخاف ما اقرها والحين الحمدلله صرت اكرها ماحب اقراها الحمدلله