ساعدوني شلون أسس بنتي

[ombaza]

قوة امهات
بنتي بأولى روضه يمكن بتقولون تو الناس بس بنتي ماشالله ذكيه ويطلع منها بس ماني عارفه شلون أسسها خصوصا عربي
اهيا وايد زينه بالانجليزي تدرس بكيمبردج المعفنه بس ودي انقلها اباكستانيه ولازم عشان تلحق عليهم تدري الحروف العربي والانجليزي كتابهوالارقام لين الخمسين
شلووووووووووووون شسويييييي
ساعدوني
لقيت مدرسات بس لازم شرطهم اوديها عندهم ببيوتهمم وانا مابي ابيها تيي البيت عندي جدام عيوني
شتنصحون فيه؟

 

[NoWay2know]

ماعندي فكرة
بس حاولي تشترين فيديو ودي في دي برامج متخصصة حق التعليم يعلمونها بلاشكال والالوان والنطق السليم

وانشالله البنات يفيدونج

 

[ombaza]

مشكورة عالرد السريع انا احطلها علاطوول
بس بنات انا بيتنا بجابر العلي اللي تعرف مدرسه زينه تحاسبني بالشهر مو عالحصه تقولي بعد الله يعافيكم

 

[NoWay2know]

العفو،،

وانشالله البنات يفيدونج

 

[ombaza]

وين البنات الموضوع يفيد الكل يعني شاركونا بأفكاار

 

[nouna82]

ترى ماكو مدرسة تدرس بالشهر
اعرف وحدة وايد زينة تاخذ 10 بالحصة بس عن تجربة انتي درسيها كل يوم 5 احرف

 

[ombaza]

مبله اختي تتعامل مع واحد ايي بالشهر يدرس عيالها هندي
ولقيت وحده هنديه تاخذ 35 بالشهر بس شرطها تودين ولدج او بنتج لها البيت بس ميته من القهر ضاعت الورقه اللي كاتبه عليها الرقم

 

[سيدة الكويت]

توها بالأولى روضه شحقه تضغطين عليها وتودينها او تيبين لها مدرسه شخليتى حق المتوسط والثانوى

انا من وجه نظرى خصصى دفتر حق العربى بو خط وخليها تكتب كلمات ملوت اولى ابتدائى

ودفتر بو خطين حق الأنجليزى خل تقرا اولا شئ وبعدين تكتب دام انها شاطره ماشاء الله

وحطى دفتر ياضيات وانتى بالبيت كل ما فضيتى درسيها وعطيها واجب أنا ساعات اسوى جذى مع بنتى

والقرآن شغليه بالسياره ...والله يوفج الجميع

 

[ombaza]

اي والله ادري صغيرة بس من رحت الباكستانيه وشفت الياهال بثانية روضه شنو كاتبين ماشالله قلت بنتي يطلع منها بعد ليش ما اهتم فيها
انا ارد من الدوام ومالي خلق قلت ادفع 30 دينار وتيي تدرسها وحده وتعلمها وانا مرتاحه
شرايج

 

[ام مضاوي]

اختي والله استغربت انج ذميتي مدرسة كامبريدج

شوفي انا عيال خالتي توم صبيان
دخلو السنه الي فاتت اولى ابتدائي انجلش سكول نسيت اسمها
بس ماعلموووهم ولاااااااااااااشي ونتيجة اخر السنه انهم متفوقين واهم لايقرون ولايكتبون كانت حالتهم صعبه
والمدرسه بترفع مستواها خلت كل الطلبه متفوقين

ودخلتهم هالسنه ثانيه ابتدائي بكامبريدج
واهي تمدح المدرسه
بس انا لما اكلم عيالها احسهم مومستوى ثانيه ابتدائي كلللللش

اعذريني انا طلعت من الموضوع
بس ودي اساعدها يعني ياريت تفهميني
شنو الي حسيتي من المدرسه وحكمتي انها موزينه

 

[سيدة الكويت]

اختى كلنا دوامات وتعب

انتى ارتاحى ونامى فى فتره النوم عطيها واجبات مثلا تنسخ بعض الكلمات بس شوى عشان ما تمل خلى نص ساعه عربى وراها استراحه ونص ساعه قصص بسيطه تقراهم وبعدين تكتب الكلمات المهمه

واذا قعدتى قعدى وياها واهم شئ القراءه مو الكتابه ......المدارس الباكستانيه والهنديه همهم بس يكتبون لكن

يقرون ويفهمون لالا عكس المدارس الأمريكيه اهم شئ الفهم

وهذا الشئ صراحه لاحظته يعطون معلومات حق الطفل مو مالت سنهم بس يكتبها ما يفهمها مثل البغبغاء

 

[تولين]

نصيحتي .. مصيرها تتعلم
لا تضغطين وايد عليها .. دخليها نوادي منها تستانس و تتعلم وكافي عليها دوامها الصبح

 

[ombaza]

ام مضاوي حياج الله
انا بنتي بأولى روضه انا انتقادي حق كيمبردج بس للروضه ادري انه الابتدائي وايد زين
بس مشكلتي معاهم انهم بسنة اولى روضه طوول السنه واهم بس يلوونون ويغنوون يعني مستوى حضانه
بسنة ثانية روضه احسن يعطون واجبات ويكتبونهم عدل
ومشكلتي واذمهم حيل حطيتها بموضوعي هوشتي معاهم عشان حفلة العيد الوطني الفاشلة اللي سوها وهذي كانت غلطة مديرة الروضه توها اول سنة بالمدرسه

 

[ombaza]

اختى كلنا دوامات وتعب

انتى ارتاحى ونامى فى فتره النوم عطيها واجبات مثلا تنسخ بعض الكلمات بس شوى عشان ما تمل خلى نص ساعه عربى وراها استراحه ونص ساعه قصص بسيطه تقراهم وبعدين تكتب الكلمات المهمه

واذا قعدتى قعدى وياها واهم شئ القراءه مو الكتابه ......المدارس الباكستانيه والهنديه همهم بس يكتبون لكن

يقرون ويفهمون لالا عكس المدارس الأمريكيه اهم شئ الفهم

وهذا الشئ صراحه لاحظته يعطون معلومات حق الطفل مو مالت سنهم بس يكتبها ما يفهمها مثل البغبغاء

اقولج شي صج صج نبهتيني والله عاد صح عيال اختي كتبه 100% بس مايعرفون يتحجون انجليزي عكس بنتي ماشالله تتكلم انجليزي واد حلو حجيييها
مشكوورة

 

[ombaza]

نصيحتي .. مصيرها تتعلم
لا تضغطين وايد عليها .. دخليها نوادي منها تستانس و تتعلم وكافي عليها دوامها الصبح

النوادي زينة بس وين تلقين واحد زيين وثقه وانا ماابي اوديها مكان العصر حرام كنت ابي بالبيت بس خلاص اقتنعت انه فعلا تو الناس عليها