ساعدوني .. دخلت شهري و خرعوني الاطبه :( :( :(

[أبله هنوف]

الله اسهل عليج يارب
نصيحة جربي الحكومه
والحين الصباح مخصصين العصر حق الكويتين بس
والله المكان فاضي
وسوناراتهم ولا أروع ثلاثي ورباعي واغلبية دكاترة السونار عندهم
ماجستير اشعه تخصصية
والله خلي مراجعاتج بالصباح
بس الولادة no -no -no
أول وتالي أستخيري

الله أسهل عليج يارب

 

[Zaina-al-zaina]

قوه حبووبه !

ليش تخافين من القيصريه !

ياكثر اللي ولدوا قيصريه

انا فيني سكر حمل بنتي وولدوني قيصريه مو كل جسمها كبير
بس راسها اكبر من الحوض ! وصج حاولوافيني طبيعي بغيت امووووت
من الالم!!! ورحمه من الله القيصريه !!!

وانتي باجي لج 5 ايام!!! ترى مو كافي المفروض من السابع باديه دايت !

يبا دام قالوا لج قيصريه عطول قولي ok ليش تبينهم يبطلونج من تحت ويوسعونج !!!
واخر شي مااااكو طبيعي !!!!

شرااايج انا بحملي كله مازدت الا 6 كيلو وكان وزن البيبي 3.200 كيلو !!!!

يعني نص الوزن للبيبي والمشيمه والماي !!!
وكنت خليت الخاص ورحت الحكومه ونفس الشي قالولي !!!

 

[" ام حمود "]

بالعكس وزنه زييين ع شنو قيصري ليش يخرعونج ؟
لايقصون عليج حبيبتيء توكلي ع ربج والله يسهل الامور ..

 

[أم عزيـز]

حجمه وايد زين وما يعتبر كبير

مرت خالي ولدت طبيعي وزن البيبي ٤ ونص

اانا عيالي ماشاء الله ايبهم ٣,٤٠٠ و ٣,٦٠٠ يعني
تره هذا حجم طبيعي مو كبير بالعكس جدا طبيعي

 

[ام الشوامس]

وزن البيبي حده ماشاالله زين كلش مو مال قيصريه الا اذا حوضج صغير
استخيري و استشيري و ادعي الله يسهل عليج وعلي

هم انا هالولاده يمكن قيصريه لان راس البيبي فوق و بخلص شهري الاسبوع الياي
الله يسهل علينا يارب

 

[ديانا سبنسر]

امي ولدت اخر اخواني طبيعي وكان وزنه اربع كيلو لا وازيدج من الشعر بيت ماكانت تراجع ولاحتى تسوي سونارات وبالغزو بعد احس الدكتور مبالغ

 

[زين ودلال]

الله يسهل عليج يارب

 

[cho0ocolate]

حبيبتي انا بالنسبه لي القيصريه وايد اهون والله ببنتي قعدت شكثر يحاولون طبيعي
تمصخرت تعذبت صج ويتني القيصريه رحمة من الله
والله لا كرشه ولا شيً واول ٤ او ٣ ايام تعب بعدين سهالات ان شاءالله
توكليً علي الله ولو قيصريه لا تحاتين

 

[ام فواازي]

انا قالولي عمليه بجري عساس حجم البيبي كبير 4 كيلو دكتورتي كانت فرجينيا بالمواساة طلعت على مسؤوليتي ورحت العدان صج تعبت وتعذبت بس ولدت طبيعي الحمدالله
فنصيحه روحي الحكومه بينطرون عليج لين تولدين طبيعي انسي الخاص

 

[noo7a]

انتي باي شهر الحين
؟!
بعدج يعني مادخلتي التاسع
؟!


لان بالتاسع كل اسبوع يزيد وزن البيبي اسرع مت الاشهر الي قبل

و موشرط القيصريه 3 او 4 بيبيات على حسب الحاله
انتي ان لاسمح الله اقرو لج القيصريه عشان حجم البيبي
ديري بالج بالحمله اليايه نطري عالاقل سنه ونص او سنتين و حملي وانتبهي حق اكلج وانشالله تييبين طبيعي

 

[بيت التوت]

رفيجتي ولدت ولدها وزنه 5 كيلوو وولدت طبيعي بس شنو بالسونار بين وزنه 3 كيلو
من جذي ولدوها طبيعي

وانا لما كنت حامل الدكتور بغي يولدني قيصريه قال ان وزن البيبي 5كيلو
والحمدلله ولدت طبيعي ووزن ولدي طلع 3 كيلو الا 200 غرام يعني باجيله غرامين ويصير 3 كيلو
بس انا استخرت ربي وبعدين استشرت مشيت علي سنة الرسول صلي الله عليه وسلم
وتدرين قالولي ان ولدي ممكن ينولد وفيه نقص اوكسجين وممكن كتف اكبر من كتف
بس ربي سهلها بعد ماستخرت

كان مفروض تستخيرين وبعدين تستشيرين
ولاتستعيلين علي روحج السونار مايطلع الوزن الصجي مرات يكب ورات يصغر

الله يهون عليج

 

[خوخة الكويت]

حبيبتي لا يخرعونج هالاطباء ... وزن بنتج طبيعي مو زايد انا بنتي ولدتها طبيعي و اهي اكبر من بنتج كانت 3،400 و الحمدلله ما تعسرت ولا شي ...

انا اقول خلي خرابيط الدكاترة و نطري لي اخر موعد تالي روحي ما عليج منهم يمكن الماي وايد مو حجم البنوته ... انتي اقري ع نفسج وادعي بالولادة الطبيعية ماكو الا العافية ...

الله يسهل عليج و يرزقج بالولادة الطبيعية السهله خلال 5 دقايق الا انتي والده 

 

[عالمي المجنون]

السونار يزيد تقريبا 400 لي 300 غرام

وانا بحمالي زدت 25 كيلو بس ولدي يبته نتفه 3،060

وزنج ماله علاقة بوزن البيبي ولدته طبيعي الحمدالله

و اذا ع الكرشة سوا طبيعي والا قيصري راح تبقي كرشة عنونة يبيلها مجهود كبير

 

[حب1985]

اذا البيبي حجمه كبير القيصرية افضل لج وللبيبي ..انا امي لما ولدت قيصرية كان حجم البيبي خمسة كيلو ما شاء الله
وتره هم الحوض يأثر بقرار القيصرية في امهات يكون البيبي عندهم صغير بس حوضهم ضيج ومايقدرون يولدون طبيعي لازم قيصرية لان الطبيعي راح يكسر فك البيبي او ينحبس وما يقدر يطلع
وبالنسبة للكرش مادري بس انا سمعت دكتور مرة مقابلينه يقول كله نفس الشي اهني كرش واهني كرش
والمدة اللي تطيبين منها انا اذكر امي لما تولد قيصرية تتشافى عقب اسبوعين او خمستعش يوم بس بالمستشفى طبعا تقوم شوي شوي حق الحمام وتقعد علا حيلها هم شوي شوي وعلا كلامها ان الخياط القيصري الحديث وايد اهون من الخياط القديم اللي ياي بالطول يعور بس اللي بالعرض هاذا اهون*

 

[zbaidia]

الله يسهل عليج

 

[Miss1q8]

عسا الله ان شاالله يوفق و يسهل دروب كل من رد علي

لا خلا ولا عدم

بس بنات في بعضكم مو فاهمين .. انا توني مكمله 36 اسبوع و وزن البيبي 3.250 فاهمه خايفين يكبر علا موعد ولادتي و تتعسر العمليه . فقالولي احتمال كبير قيصري و انا وايد وايد وايييد خايفه !!

بنات القيصري يقولون في خياط تجميلي شنو يعني ؟؟ و شالفرق بين الخيط و الدبابيس ؟

 

[أبكاني ذنبي]

لا تستعجلين والله يكتب لج اللي فيه الخير يااارب


ويهون عليج استخيري وادعي ربج واهو المسهل والميسر لكل شي

 

[بيت التوت]

مس كيو والله اني خفت تدرين الله يستر

بس حتي ولو بيطلع وزن بنتج اكثر من خمسه كيلو ماعتقد بس لاتستعيلين علي روحج

 

[sweeta77]

انا توني والده قيصريه بعد ولادتين طبيعيه
والله والله ان القيصريه اسهل من الطبيعي بالولاده وماكو الم الخياط
وروحه الحمام بالحسره
سهاله السهاله
وجرح صغير في البطن من تحت
واللي يقولون غازات واذيه هذا اول الحين يعطونك حبوب وما تحسين بالغازات ابد

اذا الدكاتره قالوا قيصريه لاي سبب
توكلي على الله وسويها ولا ان يصير شي لاسمح الله في البيبي

 

[أإلع ـشق دلع ـهـأإ]

إدعي ربج إنه ييسر ولآدتج وتكوون طبيعي

فالله آه. القآدر