ساعدوني .. دخلت شهري و خرعوني الاطبه :( :( :(

[Miss1q8]

السلام عليكم

ابي مساعدتكم بليز . انا اول ما حملت ماكو شي ماكليته متنت ٢٤ كيلو !! علي اساس ابي البيبي يكون كبير و ماكنت ادري ان غلط ! مابقا حلو مابقا كاكاو كلشي كليت :krkrkr:

اخر مره رحت مراجعتي جان تقولي الدكتوره الماي واييييييد بجسمج بس مافيني زولال لان حللت حتي مو قادره تشوف الياهل عالسونار و الياهل كبير !!!! تقولي اكبر من حجمه و عمره ، فخلتني احلل سكو والحمدالله ماكو و قالتلي اردلها عقب اسبوع .

رديتلها عقب سبوع و قالتلي الصراحه مادري شقولج انا بنطرج تدشين التاسع و اولدج ما اقدر انطر و احتمال قيصريه !!! انا سمعت قيصريه بغيت امممممووووووت :eh_s(16)::eh_s(16)::eh_s(16)::eh_s(16):

رحت عند دكتوره ثانيه معروفه قلت اخذ راي ثاني !! و قالتلي فس الكلام !!

بنات انا وايد وايد خايفه !! منو صار معاها مثلي ؟ و شسوي علشان اولد طبيعي ؟ موعدي بعد ٥ ايام عند الدكتوره و خايفه تولدني قيصري !!

الي ولدو قيصري صح يقولون ان تبقا كرشه صغيره ماتروح طول العمر ؟؟ و جم يوم الم بعد الولاده ؟ و اثر الجرح يختفي مع الوقت ؟

امانه طمنوني !!

 

[عيالي ذيابه]

الله يسهلها عليش يارب

 

[ايمانو حلوة]

ليش جم وزن البيبي ؟؟
القيصري اذا كان وزن البيبي اكثر من 4 كيلو واذا في مشاكل بالحووض او الرحم مايفتح وبخصوص كرشة القيصري اهي تكون نازلة لتحت شوي ويبيلها عنااية ووقت اطوول عشان تخف بس بتظل كرشة صغيروونة عادي اذا حافظتي على اكلج ووزنج بتخف مع الوقت والرجح يظل خط خفيف بس

 

[om Firas]

الله يسهل عليج

 

[أوراق مبعثره !]

الله يسهل عليج جبيبتي. انتي الحين حاولي تخففين اكل شوي سوي دايت بس مو قوي يعني لا تيوعين روحج اكلي خضار فواكهه لحوممشويه تغذي الياهل و ما تزيد ورنج ابتعدي عن الحلويات المقليات المعجنات كثرة العيش وان شالله ماكو الا كل خير 

 

[الشيخه11]

ما عندي فكرة
الله يسهل أمورج وتولدين طبيعي يارب
بس انتي لا تستعجلين ع نفسج
روحي لأكثر من دكتور وعندج محسن طلبه حيل يمدحونه

 

[Miss1q8]

ايمان حلوه ٬ : وزنها ٣.٢٥٠ كغ

 

[Miss1q8]

صج العمليه القيصريه ماقدر ايب عيال علي كيفي ؟ حدي ٣ او ٤ شي جذي ؟

 

[Miss1q8]

الشيخه / اوراق مبعثره مشكورين حبايبي علرد

 

[Miss1q8]

ام فراس
عيالي ذيابه

شكرا عالرد

 

[Miss1q8]

طمنوني بنات وايد خايفه ؟ شكبر الجرح ؟ و صج ماقدر ايب عيال علا كيفي ؟

انا بجر

 

[شنوووفه]

حبيبتي وزنها زيين انا ماشالله يبت ولدي 3.700 وحته الدكتوور قالي لاتاكلين واايد احتماال قيصري قتله والله مااكل اكلي خفيف بس كانت نسااتي عالتمر وهذا الي تفخ البيبي بس الحمدلله يبته طبيعي بس تعبت بالولالاده :<
اذا بجر اولدي قيصري يمكن حووضج يكون صغيير وتتعسر ولالادتج

 

[وهــايب]

منو الدكاتره اللي رحتي لهم
وحجمه مو فوق ال٤ وبعدين السونار يزيد دايما بعد الولاده بتلاحضين ان وزنه اقل
وياما ناس ولدت ب٤ كيلو ومافيهم الا العافيه انا اقول استخيري وسوي دايت حمل بطلي حلويات وراجعي دكاتره غير ولا تقولين لهم شنو قالج اللي قبله وطمنينا عليج

 

[عنـــآق ..!]

-



انا وقفو قلبي قالولي ٤ و شوووي ..
ويوم جبته ٣.٣٠٠ السونار يزيد شووي
انا اقول روحي للحكومه اقسسسم بالله والله
ثم والله يحاولون باقصي ماعندهم يولدونج
طبيعي ..!

 

[auoma]

بيبيج نتفه ٣.٢٥٠ بس
حق شنو قيصريه اختي تيب عيالها ٣،٩٠٠ طبيعي
لاتستعيلين خل يولون هالدكاتره ماعندهم شغل غير يفتحون البطن
سمعي كلامي انا جربت الطبيعي وهالمره الله كتب أني اولد قيصري عذاااب مو مثل الطبيعي
مابي اخرعج بس لاتستعيلين خففي أكلج وان شاءالله تولدين طبيعي

 

[قشطة بعسل]

توكلي عل الله
الدكاتره تقول وقول الله ابرك من قولهم

اذكر بحملي قالولي ماتقدرين تولدين طبيعي لازم عمليه والحمدلله ربي سهل علي طبيعي

الله يسعل عليج وعل الجميع إن شاءالله

 

[L.a.v.e.n.d.e.r]

3,250 حجمها زين لو كان حجمها وانتي آخر شهرج
بس انتي توج داشه شهرج
يعني اذا كملتي شهرج يمكن يزيد كيلو بعد
حجمه شوي كبير بالنسبه حق الاسبوع اللي انتي واصلتله
انا اقول خففي اكل وامشي والله يسهل لج ولادتج
بس حاولي طبيعي مو على طول قيصري شدعوه ماشوف الحجم كبير لي هالدرجه
والسهالات من الله وفي ناس اييبون عيالهم طبيعي على ٤ كيلو وماكو اسهل من ولادتهم
وفي ناس يولدون كيلوين ونص بس تستعسر الولاده
الله يسهل عليج ويقومج بالسلامه

 

[أم سعود1]

لا تحاتين الكرش كرش سواء عمليه ولا طبيعي
اهم شي حافظي على عمرج وديري بالج على عمرج
والسهاله من الله
وانا ولاداتي كلها قيصؤيه والحمدلله سهاله
يارب يسهل عليج ويولدج بسلامه

 

[ام الحلوااات]

كـــل شــــي بـــامـــر ربــــج لـــــوكـــاتـــب لـــج قــيــصــري بــتـــولـــديــن قــيــصــري حــتـــى لــــو الــبـيـبــي صــغــــيـــروووون واايـــــد
اتــكــــلــــي عـــلـــى ربــــج واللــــه يــــهـــــووون عــــلــيـــج وتـــولـــديــــــن طــبــيــعــــي

 

[Q 8 Y A t]

تقدرين تيييبين عيال ان شاء الله عشر

عندي زميله بالدوام ٧عيال من البجر الى الاخير كلهم قيصرية

اقري عليه ولا تجيبين سيرة وزنه لاحد لا يعطونج عين افتكي

ودااايم اقري عليه