ساعدوني حبايبي تكفوووووووووووووووووووووووون

[فوفو ابداع]

بنات شنو احلى صابون لملابس البيبي عمره شهر واحلى ماركة منتجات للاستحمام وبغيت لفة البيبي البيت بتاع البيبي شنو احلى ماركه كشخه تبيعه طلبتكم يااهل الذوق تساعدوني

 

[tmtmt]

بالنسبه حق الصابون ما اعرف اسمه
بس لونه وردي وعليه ياهل لابس كبوس دايما استخدمه في منه سائل وبودر

والاستحمام انا كله من مذركير

واللفه مافهمت شنو قصدج
المهاد يعني ؟
اذا المهاد من سنتر بوينت حق البيت

 

[كويتيه شماليه]

حبيبتي الصابون من مواليد الى ٤ شهور الغسيل باليد صابون الوزير بالجمعيه ست حبات بجيس

وبعد ٤ شهور اي صابون والافضل ايريال بغسالة الاطفال علشان لبسه مايخترب

ومجموعة الاستحمام ( جونسون) لايعلى عليه

وسنتر بوينت اطقمهم حلوه والاسواق الشعبيه في الامهادات اللي معاها رباط احسن شي للجاهل تلم جسمه ويرتاح عليه



وبالتوفيق

 

[أميرة طفولتي]

بالنسبه للصابون

استعمل الوردي نفس علبة تايد ما تايد
بس لونها وردي وعليها رسمة بيبي

ولوازم السبوح
سباميد وايد حلو
انا استخدم من الصيدليه لان ولدي في اكزيما

واذا تبين مهاد او لفه كشخه
عندج ون مومنت بالمهلب والافنيوز
عندهم لفات ديور وماركات ثانيه