ساعدوني بنات وادعولي الله يعيني على خالتي الله يهديها

[سويت فانيلا]

اختي في قاعات مجانيه من متبرعين جزاهم الله خير والباقي عليك الله يوفقك

 

[M!ssq89]

حلوة القاعه وكراسيها منها وفيها ووايد بعد بس اذا تبين انتي زياده كيفج

كراسيهم نفس ملوت السينما

والقاعه حلوة و زينه عرس رفيجتي كانت فيها بس مادري جم سعرها

ريلي كان بيحجز فيها بس ماكو حجز ...


بعدين الله يهديها دام مو عاجبها سرداب بيتكم شحقه ما تسوي العرس ,.

دام الريال ما يبي يسوي العرس اوكي اسوي بس اهله مالهم شغل يتشرطووون ,

انا مسويه العرس وهذي امكانيتي ., مو عاجبهم اهما ئلي يسووون ,

عصبت انا ,

بعدين مو كل الحضر العروس ئلي تسوي العرس

احنا باهلنا تسوي العروس العرس اذا ريلها ما يبي يسوي او ساعات يكون مطلق او عندهم

احد مريض او وفاه عرفتي

عرسي انا على اهل ريلي , بس الكوشه انا نقيتها واهما ئلي دفعوا لوووووول

 

[حبيبه جاسم]

رضااا النااس غاايه لاتدرك ’’

خاالتج اكيد يهمها النااس قبل ميزااينه ولدهاا ’’ خير ان شااء الله العررس ع العرروس اوول مرره اسمع فيها’’

بعدين ريلج ماعنده من وووين يجييب ’’ وانا اقوول ماله داعي العرررس اساسا لا بسرردااب ولا بصاله عررس’’ سافرو بالفلوس اللي تكفيكم ’’ بعدين اذا رجعتي سووي حفله صغيرونه
وعزمي الحبايب ع قلبج ,, هذا حل
الحل الثااني قوولي حق ريلج ماعندنا ميزااينه تكفي ابد حق صاله ودجي وبوفيه وكووشه واللذي منه وخليه يقوول حق امه ان ماافيه فلووس بالمشرمحي عرسنا بسرراداب ’’ انا ماقوولج عصي امه عليه لا والله العظيم ’’ بس خلي ع الاقل كلمته تكوون مسموعه وانها ترراعي الظرروف شووي ’’

هذا رااي يابعد قلبي ’’ اهم شي انتي ماتتوترين ولا تعصبين ورااج ريل تسانسين معااه ’’ وتعيشون احلى ايام العسل
وتنسين امه ببعد فديتج ’’ الله يقدم اللي فيه الخير ’’ ويبعد عنج
الشر ’’ ويسخرر لج زووجج يااارب ’’

 

[بسكوته اوريوو]

حبيبتي اول شي الله يهديها خالتج ومالها حق ان تجبركم تسون

العرس بصاله ومدام اهي بتعزم اهلها وناس وايد ليش ماسوته

اهي انتي مو ملزومه بالعرس وتكاليفه انتي عليج من نفسج

اجهزين عمرج من ملابس وجناط واحذيه وميك اب وعطورات

قمصان نوم و ملابس طلعه وملابس حق البيت وملابس حق الزواره

والصالون يبيلج برنامج قبل العرس من غير يوم العرس شعر وميك اب

وبدلة العرس وانتي عروس اكيد كل لبسج بيكون ماركات ومن الغالي مو

مو معقوله بتشترين من الرخيص وبو طقه و يبيلج طقم تلبسينه يوم العرس

اكيد ماراح تلبسين اكسسوار وساعه ماركه يعني الماص او ذهب ابيض

حسسسسسسسسسسسسسبييي هذا كله ومافي شي رخيص ترا كل شي غالي


وبعدين على الصاله .. حبيبتي الصاله انا شايفتها صح كلام البنات كبيره وشرحه

بس كراسيهم مو حلوه نفس كراسي السينما ثابتين الكرسي اللي تقومين يتصفط

وشكلهم قديم ومبقعين .. واذا انتي معزمه بتسوين فيها على الاقل يبيلج اتييبين

السطرتين اللي على اليمين والسطرتين على اليسار كراسي ملكيه نظيفه حق

المعازيم الخاصين والحريم الكبار .. واذا بتسوين بصاله لا تنسين الكوشه

ولا تنسين البوفيه الجاي والقهوه والعصاير هذا معروف مع البوفيه بس

يبيلج حلوو قهوه واكيد بتحطين من الغالي والشي الزين معروف حلو القهوه

بالمحلات الراقيه غالي مثل عندج واااو و امبرس الكيلو عندهم من 15 وفوق

ومو معقوله بتاخدين صينيه او اثنين على الاقل يبيلج 6 حلو و6 معجنات


ولا تنسين المصوره ولا تنسين الدي جي ولا تنسين بطاقات الدعوه ..

وكل شي بحسابه وكل شي غالي بس العرس يبيلج مو اقل من 2000

اذا ما كان اكثر .. يعني انا اقولج ترا العرس يكلف لا توهقين عمرج

اذا عندج امكانيه وميزانيه لا تقل عن 2000 دينار سوي واذا ما عندج

لا والله حبيبتي لا تفشلين عمرج جدام الناس اللي بيسوي يحط شي راهي

ويشرف ولا لا يسوي باجر كل شي يصير بويهج ويه امج ..


ومبرووك والله يوفقج حبيبتي مع ريلج ويهدي خالتج ويتم عرسج على خير

 

[7bebt 3bod]

رد : ساعدوني بنات وادعولي الله يعيني على خالتي الله يهديها

حبيبتي اعتقد ان الصاله بدون كراسي
وراح تحتاجين كوشه ودي جي وبوفيه وتقديم حلو ومصوره
وهذا كله راح يكلفج فوق الـ 1000 وبوايد
انتي مو ملزومه حبيبتي قولي حق خالتج انا ميزانيتي كلش ماتسمح وماراح اقصر على نفسي عشان ارضي الناس
انا بسوي حفله بسيطه استانس فيها انا وريلي ورفيجاتي واصور للذكرى
والهون ابرك مايكون
ترى صج صج العرس يكلف وايد كتبتلج الاشياء اللي اعرفها لان ماعندي فكره عن التجهيز للعرس بالتفصيل لان عندنا العرس كامل عامعرس
والله يوفقج