ساعدوني بسافر مع اعيالي ماليزيا ومو عارفة شي

[@غالية@]

السلام عليكم بنات شلونكم

:eh_s(7):

صراحة مواضيعكم روعة وتبردون الجبد بس انا ما عندي وقت اقرا المواضيع صفحاتها واجد

بختصار انا بسافر مليزيا رحت لها قبل سنة 2000 قبل لا يجيني اعيال الحين بروح مع اعيالي وماني عارفه الاماكن الي تصلح لهم ابي اسال عن المجمعات فيها العاب وناويه اسكن في صن واي لاجون يومين علشان يستانسون بالالعاب المائية بس تهوقون تصلح لهم اعيال اكبر واحد عمره 4 اسنين واصغرهم 9 اشهور لاني خايفه عليهم يغرقون .

وبعدين باخذ شقة فندقية في شارع العرب ابي شقة خمس نجوم راقية ونظيفة لاني بقضي العطله كلها بكولالمبور عطلتني تقريبا اسبوعين

وبعد في شي ثاني اذا سكنت بالفندق اشلون على اكل ولدي لازم خضرة مع عيش مهروس اذا طلبت من الروم سيرفس يوفرونه اكيد بتضحكون علي بس شسوي اهم شي اكل اعيالي الي سافروا مع اعيالهم اشلون علموني تراني محتاسة اول مرة اسافر وعيالي معاي

:ioljnmlk:
ناطرة ردودكم الله لا يحرمني منكم​

​

 

[sweet lady]

والله ماعندي خبرة انشالله البنااات ينفعووونج

 

[q8 sun]

Up
نفس الحلة ونفس الأسئلة

يا ريت احد يفيدنا

 

[um 3li]

حبيبتي انا نفس وضعج رحت ماليزيا شهر 2 وكانوا عيالي معاي سمله عليهم 4 سنوات و سنة و 3 شهور

بالنسبة للأماكن الترفيهية حق اليهال عندج :
- صن واي لاجون فيها مدينة مائية و مدينة ملاهي وحديقة حيوانات مصغره
- المايلز وندر لاند مدينة ملاهي مصغرة وفيها عرض نافورة راقصه
- افاموزا حيدقة حيوانات وفيها عروض حيوانات مثل عرض الفيلة و عرض الطيور وااايد حلوين عروضهم و في السفاري وهم فيها مدينة مائية نفس الصن واي لاجون
- مرتفعات جنتنج فيها مدينة ملاهي داخلية و خارجية وايد روعة والجو عجيييييييييييب
- الاكواريوم
- في العاب داخلية في مجمع الميجا مول فوق بس ما اذكر اي طابق
- حديقة الطيور والفراشات

بالنسبة حق اكل الياهل طلبي من الفندق اكل مخصوص حق الياهل وحدديلهم الي تبينه بالضبط والطريقة وانتي هرسيه بالخلاط ( انا شريت واحد من الوزان مخصوص حق السفر )
او اذا كنتي ساكنه بشقه انتي اشتري الخضار من هناك و طبخي حق 3 ايام وبس تسخنينه بنفس اليوم و كرري

واي استفسار ثاني من عيووووووووووووووني @@

 

[@غالية@]

حبيبتي انا نفس وضعج رحت ماليزيا شهر 2 وكانوا عيالي معاي سمله عليهم 4 سنوات و سنة و 3 شهور

بالنسبة للأماكن الترفيهية حق اليهال عندج :
- صن واي لاجون فيها مدينة مائية و مدينة ملاهي وحديقة حيوانات مصغره
- المايلز وندر لاند مدينة ملاهي مصغرة وفيها عرض نافورة راقصه
- افاموزا حيدقة حيوانات وفيها عروض حيوانات مثل عرض الفيلة و عرض الطيور وااايد حلوين عروضهم و في السفاري وهم فيها مدينة مائية نفس الصن واي لاجون
- مرتفعات جنتنج فيها مدينة ملاهي داخلية و خارجية وايد روعة والجو عجيييييييييييب
- الاكواريوم
- في العاب داخلية في مجمع الميجا مول فوق بس ما اذكر اي طابق
- حديقة الطيور والفراشات

بالنسبة حق اكل الياهل طلبي من الفندق اكل مخصوص حق الياهل وحدديلهم الي تبينه بالضبط والطريقة وانتي هرسيه بالخلاط ( انا شريت واحد من الوزان مخصوص حق السفر )
او اذا كنتي ساكنه بشقه انتي اشتري الخضار من هناك و طبخي حق 3 ايام وبس تسخنينه بنفس اليوم و كرري

واي استفسار ثاني من عيووووووووووووووني @@

تسلم لي اعيونج

​

ريحتني الله يريح قلبج وخليلج اعيالج وابوهم

المايلزوندر اهو الي فيه قوارب في السوق ؟ وافاموزا وين بكولا لمبور او بالجزر ؟ وفي جنتج سكتني وين بنفس الفندق الي فيه الملاهي انا مفكرة اسكن فيه اقرب بس ما ادري اهو زين نظيف لانه قديم

وبنسبة للاكل اكيد اذا بشقة انا الي بطبخ بس ريحتيني لما قلتي اني اقدر اطلب منهم الي ابي
ماشاء الله عليج خذيتي اعيالج كلهم حتى ابو ثلاث اشهور انا اهلي يقولون خلي ولدج بس مو هاين علي ادري بتضايق بالسفرة وما راح استانس بس اشلون اعيالج بالسفر ما اذوج وين سكنتي بشقة ولا فندق واذا فندق اشلون على غسيل البيبي لاندري ولا على ايدج

الله يصبرج علي ادري اذيتج بالأسئلة بس انا من النوع الدقيق واحاتي

بس تحمليني مالي الى بنات ديرتي​

 

[um 3li]

تسلم لي اعيونج

​

ريحتني الله يريح قلبج وخليلج اعيالج وابوهم

المايلزوندر اهو الي فيه قوارب في السوق ؟ وافاموزا وين بكولا لمبور او بالجزر ؟ وفي جنتج سكتني وين بنفس الفندق الي فيه الملاهي انا مفكرة اسكن فيه اقرب بس ما ادري اهو زين نظيف لانه قديم

وبنسبة للاكل اكيد اذا بشقة انا الي بطبخ بس ريحتيني لما قلتي اني اقدر اطلب منهم الي ابي
ماشاء الله عليج خذيتي اعيالج كلهم حتى ابو ثلاث اشهور انا اهلي يقولون خلي ولدج بس مو هاين علي ادري بتضايق بالسفرة وما راح استانس بس اشلون اعيالج بالسفر ما اذوج وين سكنتي بشقة ولا فندق واذا فندق اشلون على غسيل البيبي لاندري ولا على ايدج

الله يصبرج علي ادري اذيتج بالأسئلة بس انا من النوع الدقيق واحاتي

بس تحمليني مالي الى بنات ديرتي​

عزيزة وغالية انتي اختي تامرين امر :flower:

اول شي المايلز وندر لاند اهو مقابل المايلز مول الي فيه بحيرة بنص المجمع و قوارب .
افاموزا بكوالامبور و تبعد ساعة تقريبا عن شارع العرب
مرتفعات جنتنج ما سكنت فيها بس رحت رحلة من الصبح لي المغرب .
انا كنت ساكنه في فندق برجايا تايمز سكوير كان في مطبخ بس ماكان في المطبخ بوتجاز
كنت ماخذه من الكويت عين بوتجاز صغيرة بس والله سوت شغل لأني كنت اطبخ حق بنتي حق 3 ايام و كنت اغلي مميات ولدي الصغير
لما كنا نروح مطاعم عربيه كنت اطلب حق بنتي عيش ومرقة بامية ومرق دجاج وبرياني بدون بهارات واطلب كباب و شيش طاووق وآخذهم معاي واعطيها الوجبة او اضيف الكباب و الشيش طاووق على العيش الي انا مسويته بالفندق

تقدرين انتي تسوين جذي والي يشتغلون بالمطاعم العربية عرب وراح يفهمونج اذا طلبتي منهم الأكل الي انتي تبينه .

كنت اغسل ملابسهم بيدي .. خذيت صابون اليهال معاي من الكويت وكنت اغسل هناك وانشر الملابس

الصراحه ولدي الصغير بو 3 شهور اذاني لأني لازم كل شوي اوقف وارضعه بس عادي الوضع كان عندي لأني متعلقه بعيالي وما احب اخليهم بالكويت احاتيهم وايد

يكفي اني كنت مرتاحه انهم يمي وماكنت احاتيهم كللللللللللش

وان شاء الله انتي بعد تستانسين :dddds:

وتروحين وترجعين بالسلامه يارب . :bye22:

 

[حـلا و ذوق]

اذا تبين شقق فندقية بشارع العرب وراقية عندج المريديان ..

ولاتفوتين جنتج هم حلوة

 

[rawaa]

السلام عليكم ..

عيالي اسم الله عليهم خمسة اصغر واحد فيهم سنة و 7 شهور اخاف ياذيني ؟؟؟ شرايكم؟؟

 

[مليانة حب]

والله أختي انصحج ما تاخذينه لأن صغير وماليزيا كثيرة التنقل وماينفع لعمره بيأذيج وهم بيتعب ...نصيحتي خليه عند أهلج أو احد تثقين فيه

 

[om 7ydar]

أنا من الناس ماحب أهد عيالي حتي لو يأذوني هم أعيالي وعيال الناس وشلون تكون الجنه تحت أقدام الأمهات وتسافرين وتستانسين وعيالج بالكويت

 

[om 7ydar]

تصحيح بعض الكلمات مو عيال الناس

 

[@غالية@]

اشكر خواتي الي ردو علي والي رفعوا الموضوع بس بسال اعتقد جنتنج بعيدة كم ساعة وبين كولالمبور وطريقها بالليل يخوف او عادي

 

[مليانة حب]

لا اختي الطريق عاااادي ما يخوف بالعكس

 

[@غالية@]

اشكر كل من تفاعل معاي في الموضوع وجزاكم الله خير

 

[اروى77]

ماقصرت ام علي ما شاء الله ماخلت شي
وازيد عليها وانصحك بفندق ويستن فيه سويتات تهبل وبنفس الفندق في حضانه للاطفال مع بيبي ستر تقدرين تخلين ولدك عندها وتطلعين وتقدرين توصين عالاكل للطفل من مطعم بنفس الفندق ويوصله للياهل بالساعه اللي تحددينها
وبالنسبه لجنتنغ انصحك تروحين بس اذا ماحبيتي تقضين فيها ليله..نصيحه تردون قبل المغرب عشان مايصيرلكم اللي صار معاي انا واهلي
ماحصلنا ولا تكسي..وبالغصب لقينا تاكسي يردنا عقب نطره..وطلع سايق التاكسي شايب وبروحه مسكين نظره خفيف وشكله كان فيه النوم ودايس فينا بغي يودرنا لولا ستر ربنا لان طريق الرده كان يخرع بالليل.. هذي نصيحتي لك وسفره سعيده ان شا ء الله

 

[شيخة الحلوة]

ما شا الله البنات كفوو وفوو


وان شا الله
ربي يعطيج الصحه والعافية
ويعينج على اعيالج
وتصير سفرتج من احلى السفرات يااااااااااااااااااارب
ويخفف عنج وعليج كل شي صعب وثقيل

انتي اخلصي النيه لله
انج ما تبين تخلين اعيالج عند احد لوجه الله
فا ان شا الله ربي يسهل لج كل صعب يارب


وانا اذكر بماليزيا شكثثثثثثثثثثثثثثثثثثثثثثثثثثثثر اللي اشوفهم معاهم اعيالهم عنونننيييييييييييين بالعربانه يدزونهم

عادي

والله يوفقج