ساعدوني بروح فرنسا وابي فندق حلو ووزين وقريب من الشانزليزيه ؟؟

[العجمية]

انا رايحة 4 مرات باريس ونصيحتى لج ابتعدى عن فنادق الشانز غاااااااالية عالفاضى

ثلاث مرات سكنت يم الشانز مره فى كونكورد لافاييت وييييع وييييييع منى لباجر قسم بالله مااقدر حتى انام وصخ لابعد الحدود والاثاث قديم ووصصصصصصصصصصصخ طيعينى لاتروحينله واللى تقولج عنه مورايحتله مؤخرا

ومره سكنت كاليفورنيا يمه يالقمته الغرفه صغيره والله مااقدر حتى اصلى بس اركع يطقنى التواليت بكوعى ولا السرير يطقنى بريولى وهذا ترى غالى قسم بالله حرام فيه الفلوس مايسوى على عشان القرب اتعذب

بس آخر مره سكنت بفندق renaissance la defence بمنطقة الاديفانس طبعا الكل يعرف هالمنطقه شلون راقية الفندق يهبل راقى وهادى روعه وطبعا نص سعر فنادق الشانز مع انه ارقى منهم بمية مره وبابه يطلعج سيييييييييده على مول لادوم طبعا هالمول يهبل كل شى فيه مطاعم ومحلات روعه وسبحان الله هالمنطقه جوها غير عن الشانز نظيف ونقى وترى تبعد بالمترو عن الشانز 4 محطات مترو يعنى دقيقتين بالمترو والمترو قريب حيل من الفندق وبنفس الوقت محطه رئيسيه يعنى من هالمترو تقدرين تروحين داخل باريس وبرا باريس مثل ديزنى ولافالى فيليج وقصر فيرساى.
واللى عجبنى بهالفندق ان جدامه ستاربكس يعنى ماخذيت ريوق من الفندق مع انه امى وابوى يمدحونه يقولون راقى حيل بس انا قلت اقلل المصاريف واتريق من ستاربكس كل يوم 10 يورو كافى نعمه ههههه:rerrerek:

هذا من تجربتى وانشالله اكون فدتج انا مااستانست الا بهالفندق والباجيين تعذبت فيهم

 

[العجمية]

نسيت اقولج لما خذيت هالفندق كان كل ثلاث ليالى والرابعه مجانا:rerrerek:

والمبلغ اللى زاد شريتلى جنطه فندى فيه............ ياحلوووووها:eh_s(21)::eh_s(21):احب باريس:eh_s(2):

:weight_lift:

 

[كعبية]

فندق نابليون حلو

 

[ام جوريناد]

يابنات أنا خبيرة في فرنسا وباريس بالتحديد أي سؤال أنا حاضرة وبالنسبة للموضوع البعض رشح فندق الجورج سانك فهو غالي جدا وبالنسبة للكونكورد لافييت ماهو فالشانز في منطقة اسمها البورت مايو 15 دقيقة مشيا للشانز وبالنسبة للفنادق اللي قريب من الشانز هي في حدود 200 يورو فاليوم وكل ما ابعدتوا عن الشانز كل ما حصلتوا اسعار ارخص .

 

[كـلا كـلا]

صاجة العجمية فنادق اللاديفانس اسعارها حلوة والمنطقة مو بعيدة عن الشانز واصلا اهي فيها مجمعات وسوالف

 

[hwt]

لا ديفانس بعيده وحسيته حيل موحشه اما بورت مايو الي فيها فندق كونكورد لافيت ومريديان اوتولي فيها حيات اوربى القديمه المطاعم الصغيرونه الي كل مطعم ومطعم يرد الروح وقريبه حيل من الشانز يعني لي بغيتي تاخذين تكسي ساعات المترو حزت الدوامات اتلوع جبدج منه طق مطاقق لاديفانس منطقه حديثه فيها باريس المتطوره تلثين العماير بكل مكان عكس بورت مايو باريس القديمه انا اقولج من الحين انا شهر واحد يتت منها كنت بنيو ير هناك سكنت بمريديان اوتليه حلو ويديد بس مافيه شي مميز يعني فندق نظيف وعادييييي
اما كونكورد لافيت صج انه قديم بس فيه شي مميز انا خذيت غرفه اطل على ايفل والله والله تسوى اي فندق لي قعتي الصبح وطلبتي ريوق وبطلتي بردتج وايفل جدامج اوففف قمت اروقان او بليل لي سكرتي اليتات وكشاف ايفل ايطق ابغرفنج وتشوفين ليتات باريس والفدق ريوقه ماشي حاله والحلو فيه انه في مجمع صغيرونو برده ايقطج المترو في المجمع نفسه والمجمع هم فيه جمعيه صغيرونه حلوه تنفع حق تقزورات الاكل طبعا جدام الفندق صيدليه ومطاعم استايلها اوربي وايددددددددددد وفي سوبر ماركتات لووووول حلوه ماركتات الفندق مو قديم القدم الي تلوع جبدج منه لا استايله كلاسيكي بحت يعني مو الاثاث الحديث دشي بن وشوفيه ترى اسعاره حلوه ما بين 60 و50 ونسيت اقولج ترى محطت المترو لاصقه بالفدقين الي اهي محطت بورت مايو وبعد لا تنسين العرفه اطل على قوس النصر الله على الليتات باليل اتشوفين من الدريشه كل شي يشب
ونااسه

 

[miss swan]

كونكورد لافييت رحتله شهر عسل موصصصج عجييييييييب

 

[خلطة عطر]

انا جربت فندق كونكورد سان لازار فى منه فروع واحد منهم جريب صوب السوق البرانتان
بس ستايله فكتوريان

 

[miss swan]

يابنات أنا خبيرة في فرنسا وباريس بالتحديد أي سؤال أنا حاضرة وبالنسبة للموضوع البعض رشح فندق الجورج سانك فهو غالي جدا وبالنسبة للكونكورد لافييت ماهو فالشانز في منطقة اسمها البورت مايو 15 دقيقة مشيا للشانز وبالنسبة للفنادق اللي قريب من الشانز هي في حدود 200 يورو فاليوم وكل ما ابعدتوا عن الشانز كل ما حصلتوا اسعار ارخص .

صح كلامج مو بالشانز ليزيه بس بس قريب وايد والمنظر حلو اهو كان شارع مادري شسمه بعدين برج النصر بعدين الشانز