ساعدوني بروح فرنسا وابي فندق حلو ووزين وقريب من الشانزليزيه ؟؟

[درر ستايل]

السلام عليكم بنات

اشلونكم

خبيرات فرنسا

عفيه بروح بعطلة العيد الوطني
فرنسا لمدة اسبوع

وابي فندق حلو وقريب من الشانزليزيه

ساعدوني بليز

وجزاكم الله خير

 

[law love]

مريديان اتوال
باول الشانز هاذا الي جربته بصراحه حلو و نظيف و مودرن
http://www.lemeridienetoile.com/

 

[jo0o0od]

جورج سانك روعه كنت أبي أسكن فيه بس سكنت في برنس ديغال هم يهبل وقريبين طبعا هذيل أفضل شي رحلة موفقه

 

[ALSHD]

Uppp

 

[sondos]

البنات ماقصروا الفنادق اللى ذكروهم ماعليهم قاصر .......وعندج فندق كونكورد لافاييت بقلب الشانزليزيه عجييب ودايما تلقين فيه شخصيات معروفه وااااامن

ونصيحه لا تدورين فنادق فى غير هالشارع فرنسا من بعد ال 9 و10 بالليل مو امان تتنقلين فيها بالاندرجراوند ولا التكاسى حيل غاليه ...بالشانزليزيه تكونين بقلب المنطقه وماتحتاجين مواصلات

يعنى اللى بتوفرينه بالفندق راح تقطينه على تاكسى والوضع مو اامن ........حتى لو الفندق غالى ماراح تحتاجين مواصلات

 

[miss elegant]

بس ترى كونكورد لافاييت مو بالشانز بعيد عن الشانز

عندج كاليفورنيا حلو ومرتب واسعارة معقولة وصايربصكة من صكيك الشانز

لان المريديان او جورج سانك بصراحة وايد غاليين

 

[قـہۈه فـرنسيـہ™]

كاليفورنياااا ...الورويك ,,, كلاريج ,,,نابليون ,,,
هذول الأفضل ,,

والكونكورد لافاييت شجااابه عند الشااانز بعييييييييييد

 

[قطرية 83]

كونكورد لافاييت ممتاز و ذرب و عايلي بحت ومحترم

 

[بنت_الأجواد]

\\


فندق وارويك شانزليزيه باريس. Hotel Warwick Champs-Elysées

http://warwickparis.com

\\

 

[كريستال]

جورج سانك روعه واذا ميزانيتج ماتسمح عندج فندق الفوكيه هم حلو بس مايقارن بالسانك

وبرينس دوغال هم فخم

 

[kuwaitya_zoGaa]

كلاردج بالشانزلزيه واكو قريب منه بعد

 

[عيمية^والقلب^كندري]

انا قعدت بكونكورد لافاييت وموبعيد عن الشانزيليزيه تركبين المترو لزق بالفندق ودقيقة انتي بالشانز

 

[*caramel macchiato*]

احنا كل ما انروووح نحجز بالمريديان إتوال....وااايد حلووو وقريب من الشانز....

 

[Gourges]

كونكورد لافاييت مو بعييييييييد عن الشانز يعني دقايق انتي بالشانز ... وعلى قولتهم بالمترو بسرعه توصلين الشانز ..

وبصراحه ماستخدمنا المتروو لانه مانعرفله اول الايام.. وقبل لانرد بجم يوم فهمنا عليه لمن بغينا نروح ديزني ...

اوفرلج المترو واااااااااااااايد

ماتحسين بالفرق اول شي وتقولين مايكلف وايد التاكسي بس بعدين اتنحين من الي صرفتيه على التاكسي @@

 

[84 Miss Chocolate]

انصج ب le claridge
موقعه يم الماااريوووت و بنص الشانز

 

[LA TROO7]

جورج سانك طبعاااا

 

[ام مهاوش]

مريديان اتوال
باول الشانز هاذا الي جربته بصراحه حلو و نظيف و مودرن
http://www.lemeridienetoile.com/

هذا الفندق انا جربته حلو ونظيف وراقي اسمه ميريديان اتوال انتبهي في اكثر من ميريديان في باريس بس هذا احلى شي بحكم موقعه قريب من الشانز يعني خمس دقايق مشي بس الفندق هذا عيبه حمامه وانتي بكرامه باب الحمام ينسحب نفس بعض انواع الكباته وزجاج بس الزجاج اللي مايبين يعني اللي يبين الظل اشويه ويكون مبطل اطراف الباب اشويه مبينه وعندج بعد الفندق اللي جدامه انا ارشحه لج اكثر من ميريديان اتوال لانه باب الحمام عادي مافي شي وبالفندق لاصق مجمع صغير في سوبرماركت وفيه محطة قطار وصيدليه وجم محل وبنفس السعر ونفس المستوى
واذا تبين فندق اغلى اشويه بس موقعه بالشانز بالضبط يعني تطلعين من الباب تلقين نفسج بالشانز اسمه كاليفورنيا سعره بالصيف الليله 95 بس مادري بشهر فبراير اكيد ارخص لانه مو موسم

 

[ام مهاوش]

الوارويك حلو بس وايد غالي اشدعوه

 

[hwt]

انا توني راده شهر 1 من باريس سكنت في المريديان اوتوليه وسكنت في كونكورد مريديان حلو كديدور وحديث بس كونكور ايصك عليه بطله خذيتلي غرفه اطل على ايفل عجيبههههههههههههههههههههههههههههه ليت ايفل ايطق بغرفتي وقوس النصر ايبين والفندق يمه محطت المرو دقايق وانتي في الشانز وتحت في مجمع محلاته حلو وجمعيه وفي محطت مترو حق ارده واي شي تبينه عن باريس راسليني بالخاص وبخصوصوص المترو ومحطاته انا اعلمج عليه وعى المحطات راح تستمتعين بشتا والبرد واذا بتقعدين اسبوع فيزي حق لندن لانه في رحله اينظمونها شركات السياحه اتوديج لندن واتردج ابنفس اليوم انا رحت بروج ابلجيكا ورديت ابنفس اليوم واي شب تبينه انا حاظره بس على الخاص

 

[الحلا^^مبتليني]

Holiday Inn Express Paris-Canal De La Villette
بنات شرايكم بهالفندق قريب عند الشانز ولا لا؟؟؟؟
بلييييييييييييييز