ساعدوني بخصوص السفر بالاطفال

[يآآآنور عيني @]

السلام عليكم ولاحمة الله وبركاته

تكفوون ابغا تجاربكم بالسفر مع الاطفال انا بسافر لماليزيا ومعاي طفلين وواحد رضيع يعني 3 الله يحفظهم

يعني ايش الاماكن اللي اشيل معاي عربية البيبي فيها وايش الاماكن اللي مو لازم عربيه بس

الشيال حق البيبي اللي على الظهر فهمتوا عليه ولبسهم واكلهم وفي الطياره ياااربي احس بدوخه:eh_s(22):
بس في التفكير فالموضوع خاصة اننا بنطول يعني 18 يوووم :eh_s(11):

يالله بنات همتكم كل وحده تقول الاشياء اللي سوتها وريحتها في السفره وايش الاشياء المتعبه اللي

تنصحوني اتجنبهاااا :rerrerek:

 

[يآآآنور عيني @]

معقوووله ولا وحده سااافرت ومعاها اولادهالااا ؟؟؟؟؟؟؟؟

 

[أحلى همبه كويتية]

بالنسبة للرضيع اهم شي
تاخذين كل اغراضه من حليب واكل خاص فيه لأن اكلهم وحليبهم يختلف عنا

العربانة ضرورية لج بكل مكان
وايد شفت عوايل سعودية معاهم صغار حيل

اريح لج ومنا تعلقين عليها اكياس المشتريات على الأجناب


بالطيارة
يعطونك ماي حار ممنوع انتي تدخلين الطيارة ماي

بس اهم شي جهزي شغلات خفيفه
مثل الحليب البودر - اكل اذا هو عمره يناسب الأكل
لأن الرحلة شوي طويلة بالنسبة لنا من الكويت 6 ساعات

شنطة صغيرة فيها ملابس غيارات وحفاظات



الأدول وباقي الأدوية اللي قد تحتاجينها حطيها في الشنطة اللي تدخل الشحن

دواء التسلخات مثلا
دواء الحرارة والانفونزا
تحسبا للظروف
وربي يسلمه لج من كل ضرر

اذا هو يعرف بالألعاب خذيله كم لعبة عشان ما يبكي وايد بالطيارة الصغار بسرعة يملون


وربي ييسر لكم سفرتكم وتروحين وتردين بالسلامة



بالنسبة للعيال 2 كم اعمارهم عشان اقدر اساعدك ؟


انا سافرت بولدي عمره

سنتين للأردن
و اربع سنوات تايلند
والحمد لله مرت على خير

​

 

[أحلى همبه كويتية]

اعتقد فيه بعض خطوط الطيران تقدرين تطلبين نوعية خاصة من الأكل للأطفال

تأكدي من النت او مكتب الطيران

 

[أحلى همبه كويتية]

بالنسبة للصغار دايما حطي جاكيت بأكمام طويلة معك لأن الطيارة باردة ​

كل ما أذكر شي بقولج​

 

[q8 sun]

حق الصغير كنت شارية الغلاية لمميتين من مذركير و الصداري اللي تنقط

اما الكبار كل واحد له جنطه خاصة فيه اللي تتعلق بالظهر داخلها ( بطل ماي - بطاط - كاكاو - تلوين و الوان - لعبتهم اللي يحبونها - و لعبة مثل قيم بوي كنت شارية حق كل واحد )

 

[يآآآنور عيني @]

احلى همبه كويتيه ماااقصرتي ياعسل واعمار عيالي 10 شهور-4 سنوات-9 سنوات الله يحفظهم
بس خايفه عليهم من المرتفعات وتعب المشي يعني ايش المناطق اللي ماتنصحين اروحلها ويااهم تحمليني جزاك الله خير

q8 sun فكرتك حلوه وراح اعتمدها بالنسبه للشنط والالعاب واتقصرين يالغلا

 

[أم سيف وسلطان]

البنات ما قصرن

 

[red dream]

البنات ما قصروا --- بس في شغله وايد مهمه اخذي علج وحلاو مص وقت الاقلاع والهبوط علشان لا تنسد اذونهم وحق البيبي لا تنسين المصاص ضروري يمص ولا تنسين الادويه واخذي وىبس ( المناديل المرطبه وايد مهمه ) وحليب الاطفال وكثري من السناكس لان الرحله طويله والله ييسر امرج وتستمتعين عالاخر

 

[يآآآنور عيني @]

ام سيف وسلطان شوووكرا على المرور

ريد دريم مشكووره وذكرتيني بالاذن بعد الاقلاع وماتقصرين يالغلا

ياليت اللي تتذكر حاجه تجي تقولهااا هنا لان الموضوع مرره مهم

 

[عيون مبارك]

اهم شي خلي بالج طووييييل معاهم لان اليهال لهم دقات بس اهم شي تكونين متاقلمه عشان تصير السفره حلوه وتستانسون
ودي معاج تصبيرة لوزين خليها دوم معاج بجنطة كل واحد واستمتعي تراهم مو متعبين بس يبيلهم طولة بال