ساعدوني بتجهيز لحفلة عرس...

[دلوعتك]

السلام عليكم ..
شلونكم بنات شاحباركم ..
حبوباتي عفيه ابي منكم خدمه وانشالله تساعدوني وماتردوني ...
حبوباتي عرس حماي انشالله بيكون بنص شهر 10 .. ومن الحين بدينا نجهز له تدرون الوقت الحين يمشي بسرعه
الصاله خلاص حجزها المعرس :ggdw: للحين محتارين نجيب طقاقه أو دي جي
المهم
اللي ابيه منكم حلو التقديم .. والفطاير و ديكور الصاله و الكوشه ...
لأن يامحفوظين السلامه كل وحده فينا (( خوات المعرس + زوجات خوات المعرس )) بتجيب افكار وبناخذ من كل وحده احسن شي ..عاد انا مالي غيركم خواتي ...تساعدوني بهالشي
حاولت اسوي بحث .. في وحده من الخوات تسوي حلو التقديم وكان عاجبني بس مو لاقيه موضوعها
و اذكر هم في موضوع عن تزيين الكوشه بس ياربي انا وحده من الناس مالي قلب .. مااحفظ شي كلش
عشان جذي بنات عفيه اي وحده عندها افكار تقديم أو ديكور للكوشه عفيه لا تبخل علي ...


اللي عندها اي فنتك لا تبخل علي

و شكرا مقدما حبايب قلبي ​

 

[zeeta]

انتي بالكويت؟؟

اذا بالكويت سمعي

في محل للكوش وايد وايد حلو شغله و الريال شاااااااااااااااااااااااااطر

انا سويت كوشتي عنده لي يومج هذا الناس تتكلم عن كوشتي

ما صارلي وايد سنتين يس

المحل بالسالميه

تعرفين محل زقزاق و كتكات؟؟

دخلي المجمع اللي في هذيل المحلين

تلاقينه فوق بالزاويه .. ناسيه اسم المحل بس صاحب المحل اسمه

خالد المالك

اما الدي جي اللي اخته ماعجبني فبنصج انج ما تروحين له

يم محل الكوشه اسم المحل دي جي الليلك او الليلكي صاحبه اسمه يوسف نجم


عندج دي جي السلام وايد حلو و الكل يمدحه

يمكن تحصلين حجز ماشالله من كثر الضغط


اما المصوره من طرف مكتب الكوشه

مو شي مو شي موشي لان انا طلبتها تيني الصالون و تاخرت مايات الا و انا بطلع من الصالون بالسياره صورتني .يعني بدال صور الصالون...

غير هذا الصور مو واضحه جنهم خربانين .. الظليمه قشره صوري بروحي حلوين ... و الصور الجماعية كلهم خربانين

 

[جلكسيه]

والله كنت بكتب نفس الموضوع


حتى انا قاعده اجهز لعرس اخوي


يلا بنات فديتكم

قولولنا كل شي بالتفصيل الممل


اقترحوا صالات زينه
بس تكون بالمنطقه العاشره ومانبي فنادق

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وابي بعد ملوت الافراح
الي يفرشون الصاله كلها بردات ويغطون طوفها
يعني اللي يغيرون شكل الصاله
وابي محل يفهم ويعرف يكشخ الطاولات
ابي يصير العرس راقي
نفس عروس الاجانب شلون يزينون الطاولات ابي جذي من وين ؟؟؟

 

[اخت الغالي الغائب]

معجنات ناديه البشر يمدحونها 9210010وعندج حلو هذا رقمه 9431018 طلبي لج ولحمواتج واذا عجبكم حجزو منه
ونشالله البنات يفيدونج بالباقي

 

[Athwaq]

ام سعود البدر اللي بالنزهه عندها حلو القهوه و الموالح الميني وايد حلوين و عندها تأجير لصحون التقديم

خبري فيها تسوي بوفيه مفتوح للتذوق كل سبت ورحنالها .. مادري اذا غيرت اليوم مع تغيير ايام الويك اند والا لا

ماعندي رقمها حاليا .. اذا حصلته بعلمكم ان شالله

موفقين والله يعينكم على لوية العرس :cxxxp:

 

[البندري الكويتية]

صاجه......أم سعود اللي بالنزهة شغلها حيل حلو ومرتب ولذيييييييييييذ
وهذا رقمها 7533022

 

[فيروزه]

ناديه البشر حلو بس غاليه

 

[أم وهابي]

بوعبدالله بوعركى يسويلج كل شى من الالف الى الياء بكره ايب لج رقمه

حبوب ويهبل واسعاره على كيف كيفج

الكروت اوكى
المصوره اوكى
الدى جى
يسوى اكياس ورقيه باسم عايلتكم حق العبى والملافع

تونه ماخذين منه كل شى حق عرس اخوى شهر 4

 

[mishmisha]

خالد الانوار
حضرت من فتره عرس بالهوليدي ان
بصراحه شغلهم لا يعلى عليه
عندهم دخله العروس كانت شي خيالي
دي جي
طقاقات ومطربه تشيل العرس شيل
عندهم خدمة البخور والعطور
يوفرون لك كل صواني التقديم

بصراحه كان شغل جدا راقي
وكامل من مجاميعه
9495454

ربي يوفقك


تحياتي

 

[دلوعتك]

ماقصرتوا خواتي ..

يلا بنات اللي عندها بعد لاتبخل علينا

 

[دلوعتك]

up
up

 

[كويتيه وافتخر]

انزين دلونا على وين تفصل اخت المعرس

 

[جلكسيه]

up



up




up




up