ساعدوني بالاختيار محتاره وايد

[سعادة قلبي وياه]

صباحكم يا حلواااات شخباركم ..؟

محتاره بنااااات امس زوجي فاجأني قالي بعد ولادتج وتخلصين النفاس بسفرج
((تغير جو)) الاختيار بكون علي انا لانها بتكون هدية ولادتي

محتاره انا شهر العسل وبعد شهر العسل رحت ماليزيا اتينن حلوة بس ودي بعد اغير
ومادري تايلند شفت صورها بالنت وايد حلوة بس في ناس تقول وسخة !! صج

ابي مكان حلو حق تسوق وتمشية تركيا حلوة بس غالية انا ودي اتم 15 يوم ماودي 7 ايام
اخاف تكاليفها وايده انتو وين سافرتوا وشنو المناطق اللي استانستوا فيها خبروني عشان
اكتبها عندي :eh_s(10):

انا بس قريت عن تايلند لانه ودي اسكن بفنادق 5 نجوم وبنفس الوقت مابي اكلف على زوجي

 

[سعادة قلبي وياه]

ياليت تكتبون بعد كل شي مع اسعاره

 

[ام رينـاد]

هلا حبووبة

صراحة ما انصحج بتايلند كلش
اغلبها مفاصيخ وجنوس استغفرالله ياربي
رحت لها مره وماعجبتني كلش

أممم روحي تركيا اذا ودج عليها بس الاسعاااااااار صايرة نار وشرااار
بس انا صراحة ماعجبتني تركيا مادري ليش
صارلهم جم سنة ومعاملتهم مع العرب زفت !!

عيدي التجربة بماليزيا تييييين ماينشبع منها كللللش
واذا تبين روحي جزيرة لنكاوي وجنتنج يهبلوووووون​

 

[سعادة قلبي وياه]

مشكورة على المرور طيب عندج فكره كم تكلفتي انا وزجي انا حسبتها طلعت معاي

السكن مع المواصلات والصرف والتذاكر 2210 دينار

 

[سعادة قلبي وياه]

بننج وجنتنج فعلا وايد حلوين رحتها من قبل بجرب اروح جزيره لنكاوي

 

[ام رينـاد]

أنتي وين حابه تروحين يعني جم جزيرة وجم يوم
على حسب ..

بس لاتطووووفج لنكاوي رومنسييييية

أنا رحت قبل جم سنة

انا وزوجي وبنتي تحت السنتين
عالاماراتية
طلعت معانا 410 تقريبا

رحت كوالا لمبور وجنتنج وسيلانجور ولنكاوي

اذا تبين تقعدين بسيلانجور قعدي بفندق القولدن هورسس عجيييييييب قدامج بحييره واطلالته عجيييييبه والفندق من برا فخخم
وسعره زين وااايد..بس سيلانجور حدها يومين وبس ..

وجنتنج من الصبح لي بليل لاتباتين فيها

أما لنقاوي قعدي اربع ايام عجييييييبه جزيرة هاديه ورومنسية بس ماذكر جم كلفتني بالضبط

وخلي كوالالمبور اخر شي

قعدي فيها 7 ايام

الاماااكن السياحيه فيها واااايد

​

 

[سعادة قلبي وياه]

تسلمين لي يا ام ريناد معلومات حلوه استفدتها منج وبكتبها عندي عشان مانسى اسم الفندق

 

[أحلى همبه كويتية]

روحي ماليزيا احسن لج
فيها خيارات كثيرة
جبل - بحر - جزر - سوق - وناسة - العاب - براد (جنتنق)

انا وايد احب جزيرة بيناناغ رحت مرتين
لنكاوي حلوة عندك فندق الوستن خيال لشهر العسل دلعي نفسك ولا تقولين وايد
خصوصا ان بعد حمل وولادة
الله يقومك بالسلامة

انا سكنت بفندق ثاني لأنا عايلة
لنكاوي حلوة بس هايدة ومشكله ع الساعة 8 ونص بالليل هدووووووووووووووء ما كو شي
لا تطولين فيها اكثر من 3 ايام

ولا تطوفك رحلة جزيرة بولا بايار
عجيبة

ويوم عندك التلفريك والمدينة الشرقية يم بعض-
الأكواريوم -
رحلة المانجروف حلوة ومن ضمنها مزرعة الأسماك - كهف الخفافيش واطعام النسور


واي مساعدة انا حاضرة

 

[أحلى همبه كويتية]

لي تقرير عن ماليزيا بسفرتي الأولي
مثبت بقسم التقارير السياحية
طلي عليه تاخذين فكرة ويمكن تصيدين لج معلومة تونسك وبخاطرك

 

[أحلى همبه كويتية]

انا رايحة تايلند 3 مرات
ترا حلوة
بس الأكل مشكلة ما تلاقين شي حلال الا بصعوبه لازم تسألين قبل لا تاكلين


وبانكوك للشوبنق ياويلي تحتارين شنو تاخذين وتخلين

بوكيت روعه وتقدرين تروحين لها 5 ايام من خلال رحلتك الى ماليزيا
تروحين لها من ماليزيا اما بطيارة او برحلة بالعبارة ( يسمونه الفيري)

الرحلات فيها اتينن لي تقرير عن سفرتي بعد بقسم التقارير ان شاء الله يفيدك
منها ( جزيرة جيمس بوند - الفنتازي روووووعه رحلة تبدأ من الساعه 6 المغرب مع العشا - رحلة البي بي ايلاند - جزيرة الباونتي )
مكاتب السياحة هناك بالشارع تاخذين لج لفة وتختارين اللي يعجبك ولا تنسين المكاااااااااااااااسر خسفي السعر بالأرض وتراهم يرضون
هذه نصيحتي لج وخصوصا بالسوق




الحلو ان ماليزيا اسلامية فما تحاتين الأكل وايد وانظف من تايلند حيل


وبالتوفيق وبالسلامة حياتي




شوفي منتدى العرب المسافرون
قسم ماليزيا وتايلند وتلاقين اللي يسرك

 

[أحلى همبه كويتية]

بالنسبة للفنادق انا دايما احجز من موقع بوكينق
booking.com

شوفي الفنادق واختاري اللي يعجبك

ولازم عندك فيزا عشان تحجزين

ودايما اختاري حجز مسترد والغاء مجاني عشان تقدرين تلغين او تغيرين توايخ او نوع الغرفة
لأي ظرف


جربته وايد ومضمون
​

 

[& حكاية حب موعود &]

انا عن نفسي عكس كلام البنات
تايلند رووعه روووعه روعه ورررخيصه
حسافه ماتروحين لها والله
ماليزيا حلوه بس اذا رايحتها من قبل حرام غيري روحي ديره ثانيه
روحي فرنسا اااخ يقلبي عجيبه ورومنسيه بزياده بس غاليه شوي

 

[سعادة قلبي وياه]

ان شاءالله بشوف تقاريرج تسلمين اختي احلى همبه كويتيه

حكاية حب موعود فرنسا حلوة بس مثل ماقلتي غاليه

انا ليش افكر في الميزانية لانه بعد ولادتي بجهز بيتي الجديد فبكلفني وايد

وبعد مايكبر البي بي شوي على الاقل خمس شهور بسافر بس ابي مكان حلووو ارفه عن نفسي ومايكون ضغط على زوجي

يعني من جذي قلت تايلند حلوة ورخيصه ماليزيا شفتها وشبعت كم مره رحتها خاطري اغير لو في غير تايلند مكان ارخص

قولولي انا جي ترتيبي

 

[مذهلة2013]

روحي تايلند بوكيت حلوووووووووووه
او جزر المالديف اخييييييييييييييييه ريلي مواعدني ان شاءالله السفره اليايه

 

[ام هيا العلي]

انا بعد رايي من راي خواتي تايلند وايد حلوه ..والتسوق اروع انا رحت لها مرتين
وان شاءالله لي رده لها بعد عيد الاضحى.. ادمنت عليها ... اروح لها سياحه ..

رخيصه بس ع اخر سنتين ارتفعت شوي الاسعار.. بس هم رخيصه.. روحي ع الجزر راح تستانسين

انا رحت لها بشهر العسل .. انا وزوجي ودينا معانا 30 الف قطري وللتسوق كلفتني 10 الاف قطري شريت كل اللي ابخاطري

والعام بشهر اكتوبر رحت لهاا نفس الشغله وديت معاي 10 الاف قطري للتسوق وكفتني انا وبنتي
وطبعا الاكل والسكن ماراح يكلف عليج

اهي صحيح البلاد شوي مافيها نظافه من ناحية المفاصيح وبعض الاكل لكن مجمعاتهم والاسواق والطبيعه روعه


اموفقه حبيبتي...

 

[سعادة قلبي وياه]

تسلمين حبيبتي ام هيــا

ريلي شكله مرتب بس قالي بحثي فالنت على الفنادق النظيفة الزينة

بنروح..

شنغماي ماحصلت للحين ...
بوكيت طبعا بوكيت بحثت وحصلت الاغلبيه تمدح فندق ميلينيوم وكذلك فندق فلورا بوكيت اهو شاليه وفيه مسبح خاص
بانكوك وفي بانكوك فندق ماريوت اذا في غيره خبروني بنات عشان اسجل في جدولي
وبتايا باقي ماحصلت فندق ... شنو تنصحوني


وكل منطقه ابي انظم جدول كل يوم بيومه وين نروح اللي رايحة من قبل تخبرني عشان ادون عندي

 

[؛؛حلاوه؛؛]

انا بروح تايلند اخر الشهر
9ليالي

ليلتين بانكوك
4ليالي في بوكت وشنغماي وباجي الجزر
و3ليالي في بوكت

 

[؛؛حلاوه؛؛]

قصدي اخر 3ليالي في بانكوك

 

[سعادة قلبي وياه]

وايد حلو ليش 9 ايام ماراح اطولين يعني

 

[ام هيا العلي]

تسلمين حبيبتي ام هيــا

ريلي شكله مرتب بس قالي بحثي فالنت على الفنادق النظيفة الزينة

بنروح..

شنغماي ماحصلت للحين ...
بوكيت طبعا بوكيت بحثت وحصلت الاغلبيه تمدح فندق ميلينيوم وكذلك فندق فلورا بوكيت اهو شاليه وفيه مسبح خاص
بانكوك وفي بانكوك فندق ماريوت اذا في غيره خبروني بنات عشان اسجل في جدولي
وبتايا باقي ماحصلت فندق ... شنو تنصحوني


وكل منطقه ابي انظم جدول كل يوم بيومه وين نروح اللي رايحة من قبل تخبرني عشان ادون عندي

فديت عيونج حبيبتي .. حاضرين ياقلبي

بخصوص الفنادق في باكوك .. انا جربت ذا لاند مارك الفندق خمس نجوم وراقي وفخم
بس عيبه الحمام الله يعزج مافيه شطاف.. بس والله اريوقهم احلا شي عجيب..

وفندق اكثر اهل طر والخليج يسكنونه.. شاما .. نظام شقق بس والله امان وحلو
بس ريوقه عادي .. لكن الفندق حيل مريح ونظيف..

واسمع عن اماري.. اهل ريلي اسكنوه بس ماقد سالتهم عنه واكثر اهل الامارات يسكنونه..

طبعا هالكمن فندق اللي ذكرتهم لج قريب شارع العرب,,

والله يوفقج حبيبتي بها السفره ان شاءالله