ساعدوني بأفكاركم بنات

[حواء الكون]

اشلون الوحده تقدر تخلي ريحتها حلوه واهي طالعه من غير عطور وأثم يعني عالأقل تكون ريحه منعشه وريحه نظافه وتكون باينه

بدون عطور لها روائح نفاذه لان حرام ... وآنا خايفه من الأثم صراحه

فقولوا اقتراحاتكم

لو في بدائل وحلول ثانيه .. لنفترض مافي حياتنا عطور شنو نسوي عشان لما نوصل للناس بريحه حلوه وماتتغير

اقدر آخذ العطور لغاية بيت الناس اللي بزورهم بس بالرده هم وآنا طالعه الريحه بتكون واضحه ومابي آخذ اثم

اوكى شنو الحل ؟

حتى رفيجتي بالدوام تروح الدوام وماتتعطر خايفه من الأثم اوكى شنو الحل ؟

مافي روائح تكون منعشه بدون روائح عطور قويه ؟؟

بليز فيدونا بخبرتكم بنات

 

[لووولوو]

مشاركة: ساعدوني بأفكاركم بنات

السلام عليكم ورحمة الله وبركاتة

والنظافة الطبيعه ان الوحده تستبح وتزيل الأماكن اللي فيها شعر
اتمنى استفدتي
واتمنى البنات افيدونج
ان شاء الله البنات يفيدونج

 

[حواء الكون]

مشاركة: ساعدوني بأفكاركم بنات

لووولووو اكيد حبيبتي هالكلام ما يبي له

آنا ابي روائح منعشه تعطي فريش للوحده

 

[دلوعة امها]

مشاركة: ساعدوني بأفكاركم بنات

هلا وغلا فيج حبيبتى اولا الموضوع وااايد حلو ومفيد والله يجزاج خير انشالله المهم فى عطورات البيبيااات موقويه وفى المسك هم موقوى وتقدرين تحطين بودر هم البودر ريحته خفيفه وحلو وااايد بعد الحمام وتقدرين بعد تستعملين العطر اللى يكون على ليمون وانا عن نفسى استعمل المسك المخفف واستعمل بعد عطر الليمون وااايد منعش وريحته خفييييفه وانشالله اكون افدتج

 

[لووولوو]

مشاركة: ساعدوني بأفكاركم بنات

هلا أختي حواء اي اكيد

بس في بودرة لونها أزرق يميل للاخضر من أجمل واايد حلووه

 

[الأميرة]

مشاركة: ساعدوني بأفكاركم بنات

نفس الشي حتى لو حطيتي عطر ريحته مو قوية لما تمرين من عند احد بيشم الريحة وهم فيها اثم

 

[حواء الكون]

مشاركة: ساعدوني بأفكاركم بنات

دلوعه امها

مشكوره وايد بس وين احصل هالانواع من العطورات ؟

لوولووو مشكوره عالإفاده ياقلبي

الأميره

لا آنا ما اقصد عطورات وبخور ! يشمه حتى آخر اللي بالشارع !

لكن هم الواحد مايقدر يكون واثق بروحه الا اذا كانت ريحته حلوه ومنعشه

والحمدلله آنا استخدم مزيل العرق رغم ان جسمي مايفرز عرق وايد الحمدلله استعمل ليدي سبيد

وروعه صراحه وبودرة الاطفال ومنتجات جونسون خاليه من العطور

يعني هم مو معقوله تكون الريحه مش ولابد الناس شنو تقول !

وآنا مابي عطور لو ابي عطور جان تعطرت ومايهمني الموضوع

بس لازم ريحة الملابس والجسم تكون حلوه ومنعشه والغسيل للملابس والشور للجسم مايكفون

والا اشرايكم بنات؟؟

 

[المرفأ~~]

مشاركة: ساعدوني بأفكاركم بنات

اتوقع دهن عود لو تحطين شوي ورى اذنج
ماراح احد يشم ريحتج...

والله يهدينا

وان شاءالله نشوف تجارب البنات

 

[حواء الكون]

مشاركة: ساعدوني بأفكاركم بنات

مشكوره ياشمعه حبيبتي

يالله بنات ابي اشوف تفاعل تر ى انقهر بعدين

 

[حواء الكون]

مشاركة: ساعدوني بأفكاركم بنات

???????????????????????

 

[فروحة توحة]

مشاركة: ساعدوني بأفكاركم بنات

احنا نقول ونقول ونتجاوز الحدود الله لا يقول
ليش العطور دام انها راح محرمة وممنوعة في خارج البيت

الله خلق الماي الوحدة تتسبح وتغسل في شور جيل وبس
ما يصير نحلل اشياء الله حرمها

وانتي ذكرتي حتى لو حطيتي عطر عند الناس اكيد راح تطلعين منهم وتمرين على ناس غرب

وتذكري دايما من ترك شيئا لله عوضه الله خير منه

 

[حواء الكون]

مشاركة: ساعدوني بأفكاركم بنات

فروحه توحه

مشكوره عالنصيحه حياتي


لازلت بانتظار بدائل من افكار البنات >>>>>>>>> نااااطره واحسب الساعات

 

[فروحة توحة]

مشاركة: ساعدوني بأفكاركم بنات

في عندج كلينكسات ماركة واااااو بالجمعيات تؤدي الغرض

 

[نفيشه]

مشاركة: ساعدوني بأفكاركم بنات

انا اقول السبوح والنظافة ريحتهم كافية للطلعة

 

[حواء الكون]

مشاركة: ساعدوني بأفكاركم بنات

فروحه مشكوره حياتي

نفيشه

ليش زعلانه خخخ ... لا صج حبيت اعرف البدائل الحلوه بس يبدو ماعندكم افكار ممم

مشكوره ياقلبي

 

[نفيشه]

مشاركة: ساعدوني بأفكاركم بنات

حواء الكون
ليش مبين من ويهي ناي زعلانة؟؟
حشى والله انا قلت السبوح والنظافة ريحتهم كافية للطلعة

 

[حواء الكون]

مشاركة: ساعدوني بأفكاركم بنات

لوول لا ياحياتي اتغشمر معاج والله وغلاتج

اوكى النظافه ريحتها كافيه بس مع الوقت والمشي والمشاوير ماتتغير يعني!

آنا كل اللي ابي بدائل حلوه للملابس والجسم مو اكثر

 

[نفيشه]

مشاركة: ساعدوني بأفكاركم بنات

شوفي اذا قصدج عن ريحة العرق مع الوقت تلاقين بالجمعيات كريم صغير علبته اخضر وابيض ما اعرف اسمه بس شكله عصار اهو ينحط منه نقطة بس عقب السبوح على منطقة الابط وبس تروحين وتردين وانسي شي اسمه عرق

 

[رفرف]

مشاركة: ساعدوني بأفكاركم بنات

ممكن ترشين العطر على ملابسج قبلها بفترة .... يعني اذا بتطلعين حق الدوام رشي العطر من الليل ...
طبعا بيروح بس اللي يلزق فيج بيشمه ... يعني ماراح تفوح ريحته
والاحسن تختارين عطر خفيف ...
او تحطين بودر ...
والطريقة الاحسن والاسهل ...
الاجياس المعطرة اظن في من كمفرت ... وفي منهم بلاندمارك على روايح فواكه ولافندر ...
تحطينها بين ملابسج بالكبت .... وتلبسينها
بتصير ريحتج نظافة

 

[رفرف]

مشاركة: ساعدوني بأفكاركم بنات

اي ونسيت اقولج حطي بدي لوشن حلو ....