ساعدوني انا هامله نفسي عند زوجي

[رنيم الروح]

حبيبتي الله يحل مشكلتك والله كلنا انعاني من مشاكل وكلامي من كلام الاخت عاشقة الوطن حتى لو تشغلينها عندك بالبيت سورة البقره راح اتحسين براحه نفسيه

 

[سنيورة الكويت]

من شنو هالتعب النفسي حياااتي قوي ايمانج واقري سورة يس تريح وادعي ربج وتوكلي عليه ثانيا اصلا احس بوناسهلما اهتم بشكلي اصلا انه لما اتعب نفسيا وضايق خلقي أحط مكيااج وناسه اصلا لما تسويت جذي بطلهم كم جو الكابه اللي انتي فيه والله اعلم

 

[simone]

ليش انزين شو السالفة شو بلاها نفسيتج
اذا ماتعابلين عيالج وريلج وبيتج ودوامج بتعابلين شو فديتج
غلط حبيبتي عيدي التفكير ؟؟؟؟؟؟؟؟؟؟؟؟

 

[•Brown•Sugar•]

شوفي مشكلتج وين وحاولي تعدلينها

اذا ماكان عندج وقت .. فضي نفسج
العيال دخليهم معاهد ..
وغيري من شكلج تتغير نفسيتج
شعرج .. لبسج بالبيت ..
اثاث غرفتج مثلا اذا ماتقدرين تغيرينه حركي مكانه او لونه
.. او لون الغرفه .. او حتى الديكورات
اخذي اجازه وسافري فيها ع زوجج اسبوع بدون العيال

سوي ريفريش لعمرج

 

[BiiShOoO]

حبيبتي .. حاسة فيج والله بس ابي اقولج شي ... ترا اهمالج لنفسج اهو سبب من اسباب الاكتئاب اللي انتي فيه وسبب من اسباب معالمة اهل ريلج لج بهالطريقة ...

انتي عارفة ان الناس بشكل عام يهتموون بالمظهر .. وبالشكل ... اذا كان شكلج جدامهم وسوري عالكلمة " مبهدل " شلون تبينهم يعاملونج عدل ؟؟؟ << بغض النظر عن هالشي اهم غلطانين انا معاج بس الناس طبيعتها جذي تاخذ عالشكل ... يوم ما راح تتكشخين وتفاجئينهم بتكسرين عينهم وانا اقولج شي من كيد النسا لووووووول << ضحكي والله كلنا شايلين هموم بس تذكري كل يوم يمر مايرد ليش اكدر نفسي عشان ناس ما يساوون يوم من عمري؟؟؟ المهم الخطة تتكشخين وتحطين عطوور وكريمات قوية عشان لي قالوا يا فلانة قومي سوي جاي والا سوي هالشغلة قولي والله ايدي فيها عطر اخاف يروح الطعم بالاكل وتتوهقون واذا قالوا اغسليها قولي اوكي ... وروحي وسوي بدون لا تغسلين ويوم ما راح يحسووون بطعم العطر بالاكل ما راح يطلبون منج ..

ادري شوي تحسين فيها خباثة بس هذا من حقج ... انتي مو قاصرة عنهم بشي من حقج تتكشخين وتحطين وتتعطرين ما يابوج من بيت ابوج خادمة لهم ، انا متاكدة انج لو اهتميتي بنفسج راح تكونين احلى منهم وصدقيني حزتها بتطلعين من حالتج النفسية والاكتئاب ...

انا يوم ما اتضايق ارووح انفس عن روحي بالصالون قصة يديدة لون يديد مانكير حمام ملكي ....
امانة عليج جربي ومنتي خسرانه احجزيلج يوم بالاسبوع هذا لج انتي كله من اوله لاخره وافضل يكون يوم الجمعه او السبت عشان اليهال ماكو مدارس وناميين وانتي ما عندج شي ... روحي الصالون سوي برنامج كامل دلعي نفسج كانج عروووس وفاجئي زوجج حزتها لي شكيتيله مع شوية دلع والله يفزعلج ويروح يكلم اهله يعاملونج عدل الرياييل تاخذين اللي تبينه منهم بشوية اهتمام وشوية دلع ... شوية مو وايد بعد لووووول اذا وايد يوقعلج على بياض هههه
واكيد راح يطير عقله عليج وقتها طالعي بالارض جنه ضايق خلقج وقوليله بدلع : انا ودي اتكشخ لك بس اهلك مو معطيني فرصة يعاملوني كاني خادمة وسوي روحج بتبجين وقوليله كل اللي بقلبج بس هااااا اهم شي بدلع ونبرة خفيفه ابدا ابدا ابدا لا تعلين صوووتج جدامه ولا تنفعلين بالصراخ لان الرياييل مايحبون النبرة العالية ... حتى لو هو علا صوته انتي خففي صوتج اولا عشان تهدينه ثانيا عشان يسمعلج

سمعيني والله وجربيها منتي خسرانه شي ، اول ما راح تطلعين من الصالون بتحسين باحساس ثاااااني بيروح الاكتئاب عنج وبتستعيدين ثقتج بنفسج

انتي موقاصرة عنهم بشي ولا هم باحسن منج بشي ... عالاقل انتي ربة بيت شاطرة فاثبتيلهم انج احسن منهم بكل الجوانب كربة بيت وكانثى تهتمين بنفسج والله تموتينهم من الحررررة عليج

ودايما اقري هالاية " والف بين قلوبهم " او اقريها على ماي واسقيهم

معاها :rerrerek::rerrerek::rerrerek:

 

[FUSHIA-GIRL]

بالعكس دامج عارفه انهم حاطين عليج تكشخي لا تعطينهوم مجال للانتقاد ويحطون عليج ويشيون ريلج
كسري عينهم واهتمي بنفسج جربي مري الصالون وعطي روحج اجازة وسوي مساج راح ترجعين فرش

 

[Melazlaza]

الاخت فلونه كفت ووفت طبقي كلامها

 

[سمو]

اللهم صل علي محمد وال محمد

عزيزتي ....شغلي سورة البقره دايم ببيتج ...وخاصه بدارج ...كل يوم قبل المغرب او اي وقت تقدرين


الاكتئاب وضيقه الخلق من الشيطان واعوذ بالله من الشيطان اللعين الرجيم .... والله يحفظكم يارب


قومي صلي ركعتين ....او فتحي القران واقري سوره يس او شيئا من القران ...والله يبدل حياتج للافضل :eh_s(7):

 

[حروف من ذهب*]

البنات ماقصرو والله يوفقج

 

[ضوا عيوني]

انا مع فلونة 100% 100

وترا الحالة الي انتي فيها تشبه السلسة يعني حلقاتها متصلة انت تعبانة لانج مهملة نفسج ومهملة نفسج لان مالج خلق وكسلانه وحمولتج يآمرون عليج لانج مهملة نفسج فهم مستصغرينج ....................
طيب فججيها وحدة وحدة

اولا غيري فكرتهم بانج مهملة ...... يعني اكشخي وابذلي شوي مجهود على نفسج راح تتعدل نفسيتج
وشوي شوي اهما راح يحسون بالتغيير

خلي التغيير ينبع من داخلج ، وادعي ربنا يقوي عزيمتج ويعينج وما في احد يقدر يساعدج اذا ما ساعدتي نفسج

وانت بمشكلة بسيطة حليها قبل تتفاقم او يصد عنج زوجج وساعتها تصير مشكلتج صعبة

 

[ام حور الحلوة]

جيبي لك خدامه لشغل البيت ودلعي نفسك
واهل زوجك لاتعطينهم وجه اذا شافوك رسميه معاهم ماراح يتجرأون عليك لكن طول ماانتي يأمرونك وتضحكين يعني راضيه وفرحانه بهالوضع

 

[semaasem]

اذا حاسة بأعراض وضغوط نفسيه روحي دكتور ما اقصد دكتور نفسي ولو ان مافيها شي انج تروحين له اذا فيج اعراض الاكتئاب لان فعلا الاكتئاب مرض وله اسباب وعلاج وحبوب و..بس اذا ماتبين روحي مكتب الانماء الاجتماعي مثلا وراح يساعدونج

بما انج حاسة بالتقصير فهذا شي زين عالاقل تدرين والله يسخركم لبعض

 

[فديت عيالي 3]

مشكرين حبايبي ويعطيكم الف عافيه

 

[حلااي]

حبيبتي ذكرتيني بكلام ابلة علم النفس اسماء رويشد ايام ما كنت بالثانويه الله يذكرها بالخير
تقول اذا تعبت نفسيتكم على طول روحي للمنظرة وتعدلي وحطي روج واكشخي وتعطري وشوفي شلون النفسية تتغير

وكلام البنات صحيح بعد
اول شي قسمي وقتج ونظميه وخلي وقت للعيال وقت للحموله ووووووووقت لج ولزوجج وهذا اهم وقت

روحي الحين بيت اهلج ثلاث ايام بهالثلاث ايام روحي الصالون وكشخي وردي البيت بدون العيال بس يوم واحد لج ولزوجج واهم شي غيري الاثاااث والالوان ترى له بعد دوووور بالنفسيه
ولاتنسييييييين الاستغفااااااار له من عجائب الامور اللي ما ندري عنها

 

[!! Ba6a 7lwa !!]

اهم شي ان الوحده اتحب نفسها عشان تهتم بنفسها مو حق ريلها لا لهااا

والله حبي نفسج بتهتمبن

والله يعينج ياقلبي

 

[fatmasm]

اقولج شئ اسمحيلي حدج غلطانه
والله لاامتع نفسي ومالي شغل بغيري واعيش انا وعيالي بروحي
واشوف حياااتي واستمتع طلعات ولبس ونااااسه الدنيا ماتستاهل الكدر
خلي كل شئ وراج ظهرج

 

[@ DLOO3TAH@]

الله يعينج

 

[ورد الطايف]

باين انج اهملتي نفسج من فتره طويله
حرام تهملي عمرج باجر الله لايقوله زوجج ازوج عليج كلهم بقلون معاه حق هي مهمله بنفسه لاتلبس لاتكشخ
شتري لج جم شغله جديده من فستان قصير بجامه حلوه من انور وقميص نوم جديد شتري باروكه وعدسات ورموش صبغ اظافر. وروحي لصالون غيري رسمة حواجبج سوي مغربي بدكير حمام زيت الزبده تغيري لاحسن تري ماراح ياخذ منج وقت يوم لسوق ويوم الصالون بتطليعن قمر
حرام عليج ضيعين احلى ايام عمرج
الله يوفقج ويسر امرج

 

[amami al-kuwai]

اول شغله لاتفكرين بزوجج فكري بنفسج

ثاني شغله وقفي جدام المنظرة وسألي نفسج شنو اللي مو عاجبج وشنو اللي بتغيرينه وشنو اللي بتعدلينه

ثالث شغله مسكي ورقه وقلم وسوي برنامج لج يكون سهل واغلب الاشياء قبل لاتنامين او وانتي قاعده عند التلفزيون

رابع شغله حاولي تسوين رياضه

 

[&&بروق&&]

حبيبتي اسال الله لج التوفيق والسداد وانه يجملج بعيون زوجج

في كذا خطوه بقولهم لج اذا طبقتيهم صدقيني راح تقولين ان الامر بسيط ولا يبيله جهد

اذا ماتقدرين تروحين للصالون
دقي ع الصالونه تجي البيت تسويلج مغربي وبدكير منكير وحف وغيري رسمة حواجبج خل تصبغهم لج اذا كنتي ماتضبطين الميك اب
ودقي ع وحده متخصصه للشعر تجي تقصلج شعرج وتصبغه لج حاولي مايكون اللون اوفر حيل
روحي السوق اخذيلج كذا قطعه اذا كنتي تطلعين نظام بدل اخذيهم للدوام وجوتي تكرمين وجنطهزموووشرط شي غالي بس شي يقنعج ان هذا ذرب وانا اليوم انسانه ذربه من ناحية البدله والملفع اذا متحجبه والجنطه والجوتي وكللل شي
اما اذا تداومين بعبايه اخذيلج عبايتين او ثلاث عالموضه اخذي شي سمبل وناعم ومن هالقصات الموضه لاتاخذين شغل والوان لا خلي البساطه عنوانج
وبجامات لشقتج وبرمودات وقمصاااان اهم شي زوجج
نومي عيالج وبخري بيتج وعطريه وتعطري وتبخري واكشخي اعتبري نفسج عروس وحطي عصير وكيك ودزيله حياتي لاتطول ناطرتك الليله ليلتنا او اي كلمه تحبينها خليه يرد البيت متهيأ نفسيا مو يسهر برا ويرد البيت يدور النووووم تعبان
بدلي كفر سريرج
اخذيلج فاونديشن ع لون بشرتج حطي ميك اب ناااااعم وحمرا ومسكره واذا تحبين لبسي عدسات
لبسي كعب عالي ترا يحلي الجسم ويبرز انوثتج خليه ينصدم من تغييرج
واذا سالج شطرا عليج ولا ليش لابسه جذي
ديربالج تقولين بغير من نفسي لااااااكلللللش قولي شفت اليهال نامو مبجر قلت خل استانس معاك
خليه يقول اهيا قادره ع هالشي من زمان بس اللي معرقلها العيال
وبيومها قعدي عيالج مبجر عشان ينامون ولا يغثونج

ونصيحه ردي كله ماكتبته الا عشان بقوووولج نقطه مهمه
شوفي دام الحمدلله عندج اهل
بيوم اليمعه اعتذري من حمولتج قولي معزومه بتغدا عند اهلي هالاسبوع او اذا يمعتكم بالليل قولي بروح عند اهلي بيجون ضيوف او اي عذر بس خلج واثقه ونازله لابسه وملبسه عيالج وماخذه اغراضج
عشان بوقت يمعتهم يعرفون شلون يقضون حاجاتهم بدون لايطرشون احد
وحتى لزوجج قولي العذر اللي قلتيه لحمولتج عشان ماينظرلج ان هالشي ناتج عن ملل منج بالعكس خلي تصرفاتج بحكمه والناس تلتمس التغيير من تصرفاتج بدون لاااتكلمين او تبررين
لاتحضرين اليمعه اسبوعين
والاسبوع الثالث اكشخي ع سنقة عشره بس بنعوووومه واقعدي لا تكونين بالواجهه يعني لاتنزلين مبجر عشان تكون الطلبات كلها عليج
لا واول ماتعشين غسلي ايدج وسفره دايمه ويلا تصبحون ع خير اذا قالوا تو الناس قولي بروح اسوي غرفتي او اي عذر او بعشي عيالي الاعذار وااااايد خلي خالتج تنتبه ان انتي ماتبين تكونين بالواجهه وفوق هذا انج حرة نفسج تصرفاتج بايدج مو بايد غيرج

والله يوووفقج ويكتبلج الخير​