ساعدوني الله يحرم وجيهكم والديكم النار

[بيبي فيس2008]

السلام عليكم ورحمة الله وبركاته

بنات انا صارلي والدة تقريبا 13 يوم وكان الدم واقف تقريبا له 3 ايام وامس خبصت بالاعشاب اكلت لهوم وتعشيت وبعدها شاي اعشاب للغازات و شربت كوب دارسين مع زنجبيل ومن بعدها قام ينزل الدم بغزارة من امس ليما الحين ب
نات شنو اللي يوقف الدم ؟ عفيه ساعدوني الله يجزاكم الف خير​

 

[جذابه بنت ذيابه]

رد : ساعدوني الله يحرم وجيهكم والديكم النار

معناتها حبوبه للحين مانظفتي ..؟

عليج بالحليب والزنجبيل
واكلي الفلفل الاسود باكلج ..

واشششربي دوا الغوري
واكلي رشاااااد عشان ينظفج


وعسى ربي يجملج بعيون زوجج

 

[ma3moolah]

ماعرف والله

بس رفع لعيونج

 

[.:lady bug :.]

رد : ساعدوني الله يحرم وجيهكم والديكم النار

يعني للحين مانظفتي ياقلبي
وحمدالله ع سلامتج

 

[(أم نونو)]

رد : ساعدوني الله يحرم وجيهكم والديكم النار

مع البنات استمري بالاعشاب

 

[كميثره]

عادي حبوبه خليه ينزل علشان تنظفين عدل وشربي مراميه ودارسين وزعتر علشان تنظفين عدل مدل

 

[سيدة الذوق]

رد : ساعدوني الله يحرم وجيهكم والديكم النار

الله يجملج بوجه زوجج

يعني مانظفتي توج

 

[هـآيـدي]

احسن لج استمري بالدويآت والفلفل والدارسين

واللهوم وطبخة الغوري ترا لو مانزلتيه يتجمع الدم داخل وتبدى روائح والتهابات

استمري على الي تسوينه وسمعي نصائح البنات .

 

[المعتزه بدينها]

رد : ساعدوني الله يحرم وجيهكم والديكم النار

الحمد لله على سلامتج ومبروك ملجبتي
واذا كان الدم كثير بس مونزيف استمري لانه كان محبوس وخاصه ان الجو بارد وعليج بالعصيده ودوا الغوري اما اذا كان اكثر من الطبيعي شربي شراب الكركم مع الزنجبيل والطريقه حطي ملعقه حلى من الكركم ومن الزنجبيل بترمس صغيره وصبي عليها ماء مغلي وخليها عشر دقائق وشربي منها كثر ماتبين
وتطلعين من الشر انشالله

 

[بيبي فيس2008]

الله يحرم وجيهكم ووجيه والدينكم النار ويجزاكم الف خير انا من امس قاغده احاتي حسبالي نزيف اول مرة يصير فيني جذي

 

[نـور الكويت]

ياقلبي يمكن مع الاعشاب نزل الدم عااادي توج والده ..

وخليه ينزل لا توقينه وانتي الي أكليتيه اشياء طبيعيه تنفعج ما تضرج

بالتوفيق