ساعدوني احس خطيبي عينه على راتبي!!!!!

[Sh@5sho5]

من صجج لا تعطينه و لا فلس و لا تعودينه على انج تعطينه فلوس باجر يتعود حتى السفر و مصاريف البيت تصير على حسابج
صدقيني باجر تتحسفين....... اصلا الريال من تاخذينه حلاته انتي تشكلينه على كيفج و تعودينه على الي انتي تبينه

 

[الـفـجـر الـبـعـيـد]

امبييييييه لالا تعطينه لا اول راتب ولا اخر راتب شنو من صجه

والله اللي عينه على راتبي حريييمته مايشوف ولا دينار

هو الريال مو انا واذا بعطيه وبساعده من كيفي ومزاجي واذا كفو

انتي اختبريه وقوليله ان ابوج او امج محتاجه فلوس ضروري وباخذ

لها قرض القسط ياخذ نص راتبي تقريبا وشوفيه شنو يقول اذا عارض

هذا غسلي ايدج منه يبي راتبج ومشي الفلم عليه واذا شجعج

لا ظليمته شينه مو قصده شي

والله يهديه ويسخره لج

 

[فاطمه زوجة كريم]

تدرين راتب المراه يياخده الاهل ولا الزوج


وانتي اختاري من تحبين

أكثر عطيه !!


بس الحلوان لازم أمك وأبوك
وخواتك وزوجك هديه
بس لاتعطينه شيء
الا أذا مضظر مررره

 

[سارة ة]

رياجيل اخر زمن والله ماديينين وباسهم قوي
لاتعطينه ولا فلسسس لو محتاج يطلع له فلوس من تحت القاع
شوفي اللي عندي اعانة وحاط عينه عليه واذا طلبته يقول ماعندي بس خل اتوظف لو اوريه عدل

 

[إماراتية ملقوفة]

اذا عطيتيه الراتب كله

فاقولج خلاص انسي انج تتهنين فيه مرة ثانية

كل مره بيخترع لج شي عسب تعطينه وبتشوفين

شو يتحرى الراتب اييج ببلاش

 

[wajan]

والله انا كنت اعطي زوجي بطاقة البنك وما حصلت منه الا الخيانه واللعب بفلوسي ومن سحبت بطاقتي وخليته يدفع كل شي بروحة تادب وصار يحسبلي الف حساب وولد خالتي زوجنه معطتنه بطاقتها وماتسال عن شي ابدا والله حتي ماتعرف كيف يسحبو من البطاقة وتفاجات انه باني لها بيت من اربع شقق والبيت باسمها وكله بفلوسها يعني مو كل الرجال مثل بعض في اللي يخاف الله وفي اللي ما سال عن حد دام جاته فلوس بايده

 

[PuPa^^SWeeT]

مو شايفيين خيير ؟؟؟؟؟

 

[تذكر خافقي رمحك]

مادري يمكن يتغشمر معاج
بس انتي لاتعطينه معاشج كلش
دام على قولتج معاشه زين
خليه معاشج حقج انتي وبس
ومالج شغل بحجي أمه
انتي مو ملزومة تعطينا فلس حمر
واذا بتعطينه تعطينه من كيفج
ماتنطرين أحد يقولج
ومن الحين مسكي ايدج لا يتعود

 

[*آسوومه*]

بالنسبه لي الي ياخذ معاش مرته مب ريال :\ !!!
المفروض يعتمد ع نفسه و هو المسؤول
و لا ليش يتزوج ؟