ساعدوني احتمال اتطلق والسبب امي

[ملكة الحب]

الله يهديها الزم ماعليها ريلها مدام يحبها واهله زينين والطلاق مو لعبه

 

[امواج الكويت]

مشكورين عالردود واسفين ازعجناكم وانا راح ابلغكم باللي يصير اول باول

 

[منوووووله]

كلها شهرين وريلج يتخرج تحملي امج والله يفرجها ان شاءالله ويهدي امج ولاتفكرين بالطلاق نهائياا ريلج مسكين ماله ذمب !

 

[ملح بدويه]

الله يهدي امج وحاولي انج تقنعينها

 

[غنوة ستايل]

ياقلبي ما دام الرجال ما منه ضرر خليج معاه وتحملي
وعسى الله يهدي الوالده

 

["مغروره بس معذوره"]

عندي نصيحه وحده وانتى براحتج





لا تدخلين احد بينج وبينه





حتى لو امج



على عيني وراسي




بس بكره لا سوا شي صغييير بتتهورين وتطيعينها





انا ما اقول اعصيها







اطلبي رضاها بان ما تدخل ابد






وروحي وسوي حفله وكشخي شقتج وبخريها





صدقيني الام مو دايمه مو دايم لج الا زوجج وعيالج







تحياتي

 

[الحــــــلا كله]

الله امر بطاعة الوالدين الا في معصيه امره
امج تبي الخراب
الحمد لله انتي مرتاحه خلاص ردي لريلج والله بيهدي امها لي شافت بنتها مرتاحه

 

[Heaven Light]

بنت خالتج صاحية ؟

سوري.. بس الريال ما سوا لها شي .. ولا اهله .. لو مسوين قلنا اوكي .. ما تروح له ..

بس هذا يزا الطيب ؟؟

خل تصير عاجل .. وتروح تستقبل ريلها باحلى نفسية ولبس وكشخة ولا تييب له طاري امها ..​

 

[ميس الورد والشوق]

حبيبتي

انتي توج عروووووس


اشلون تفكرين في يووووم تتطلقين وانتي ماشفتي شي لامن زوجج ولا من اهله

لا لاتسمعين كلام امج

ردي لزوجج وعيشي حياتج

امج عالعين والراس بس انها تخرب حياتج وتبيج تتطلقين وانتي توج ماتميتي شهر


لااااااااااااااااااااااا

لا تفكريييين ابد

 

[sara bent elkuwait]

السالفة ناقصة
منية والدرب الام تكرة زووج بنتهاا
خبرى الامهات يدللون ازواج بناتهم

 

[*فاصوليا*]

ليييييش الطلاق عاد متزوجة اسبوع وبتطللق؟؟؟؟شي غريب والله

خل تنناقش مع امها

 

[االحياة حلوه]

حبوبه ماعليج امورج محلوله انشالله انتي بس استغفري ربج كل حزه ودعي لامج بالهدايه وروحي لبيت ريلج وماله داعي الريل واهله يدرون بسوالف امج هذي امج مهمن كان الجنه تحتها وريبج طاعته من طاعة ربج الزمي الاستغفار وشوفي النتيجه والله انا مجربته

 

[-Bello-]

مععقووله في ام تبي خراب بيت بنتها .. اللهم يهديها

 

[MaZyOoOoNa]

حبيبتي مافي نار من غير حطب ؟؟ اخاف سامعه شي مني مناك ؟؟ قعدي كلميها وديري بالج تاخذين حبوب منع حمل وخلي احد يسأل عن ريلج واهله سواء اختج اذا ميانه معاها او وحده معاج بالدوام او ريل اختج اخوج اي احد اخاف فيهم شي..واذا طلع مافيهم شي لا ولله خلج عند ريلج دامج مرتاحه معاه ومع اهله ساعات الاهل تييهم عرات الله يهداهم

 

[خوختي دنيتي]

شالسالفه طبعا ترجع لزوجها بدون نقاش اصلا ليش امها زوجتها من الاساس اذا ماكانت راضيه عنهم

 

[عسولة الكويت]

خلاص اذا تدري ان امها فيها حاله نفسية ليش تحتار
تاخذ امها على قد عقلها والله يشافيها ويهديها

 

["لمسة حرير"]

اذا امها تبيها تتزوج وتفتك منها واهي بنت

اشراح يكون مصيرها اذا ردت لها مطلقه

باجر تقطها على اي واحد يطق الباب عشان لا يقولون اي بنتها تطلقت وقعدت عندها

اذا ماشافت من الريال شي حتى اهله تقدر تتحاشاهم اذا ما كانوا زينين

ليش تخسره واذا راد عشانها وتكسر فيه ما تستقبله بوجه بشوش وريج حلو راح يحقد عليها

خل تضف روحها عند ريلها وامها الله يشافيها يارب

اذا تدري انه والدتها تروح عند شيخ اكيد فيها شي

وخل تقول لزوجها باسلوب حلو انه يبر بامها عشان تحبه خل يتقرب لها ويتوود لها

يشتري لها هدايا وحتى لو تبي اغراض من الجمعيه يساعده بس ها مو تسويه سايق وشغال عند امها بحدود المعقول

وكلها شهرين ويرجع الدير ترى فيه رياييل فيهم عيب واحد لكن افعالهم وطيبتهم واخلاصهم تغطي على هالعيب ولا كأنه موجود

وان شاء الله الله يكتب اللي فيه الخير والصلاح لها يارب

 

[دموع السحاب]

قبل لا تتزوجين اهيا تقول بالتلفون عنج ان تبيج تتزوجين و تفتك منج
يعني مو قادره تتحملج و انتي بنت حسبالج باجر راح تتحملج امج و انتي مطلقه و قاعده على قلبها @@



ردي حق ريلج شنو غلطته ؟؟
غلطته ان امج ما تحبه ؟؟؟ مو الا كافي انتي تحبينه

 

[أم عزيـز]

الظاهر يا قلبي امج يوم رحتي عنها فقدج عشان جذي نفسيتها تأزمت وخافت تتعلقين في اهل ريلج وزوجج اكثر منها وتنسينها

بس دام اهل زوجج وزوجج زينين معاج ويحبونج ردي لبيتج وتواصلي مع امج لا تقطعينها علشان ما تحس انهم خذوج منها وما قمتي تحبينها
مرات الأمهات جذي يكون تفكيرهم ويمشون على المثل اللي يقول (انا اللي ربيت ولغيتي صفيت)

انتي حاولي لي رديتي بيت زوجج تتصلين عليها وتسئلين عنها واذا قدرتي زوريها مو شرط يوم زواره اي يوم عادي مريها انتي وزوجج وقعدوا معاها وسولفوا وحببيها بزوجج واهله
وقولي لها ان اهل زوجها يمدحونها ويحبونها من هالكلام اللي يحنن قلب المره وان شاء الله ربي يهونها ويريح بالج

 

[انين انثى]

لاحول ولا قوه الا بالله


امج تبي خراب بيتج بس مو مقتنعه ليش تبي تطلقج اكيد في شي صاير ردي لبيت زوجج وتحملي امج على ما يتخرج


ومالج الا الدعاء الله يهديها