ساعدوني ابي طريقه روعه لتدريس اولى ابتدائي

[بشوشه]

حبيباتي و خواتي
يا حبي لكم
ربي يحفظ عيالنا اجمعين سمعوني اميييييييييييييييييييييييييييييييييييييييييييييييي ييييييييييييييييين

ولدي باولى ابتدائ (التكامل ) مدرسه نظام امريكي
وااااااااااااااايد اتعب معاه بحل الواجبات خصوصا انها يوميه فالطفل متفاجئ بعد اللعب و الراحه كتابه لمدة ساعتين و تركيز و خنت حيلي تخلص المدرسه 2 و ثلث و يوصل البيت عال3
واااااااايد يكسر خاطري احسه مشتت

و خصوصا الابله تقول انه مهاراته الكتابيه ضعيفه مع ان لغته الانجليزيه ممتازه جدا بشهادة المدرسه نفسها
بليييييييييييييييييز ساعدوني شلون احسن من مهاراته بشكل ما يكرهه الدراسه و ابيه يركز بالمدرسه شلون؟؟؟

ربي يحفظ عيالكم و يحميهم من كل شر​

 

[lyale]

رد: طريقه روعه لتدريس اولى ابتدائ

السلام
يعطيج العافيه عالموضوع انا نفس حالتج بنتي باولي وتكسر خاطري مسكينه توصل البيت 3 وتبي تلعب ماكووو امسكها تدرس لي 5 بليززز امهات الي عندهم خبره ساعدونا

 

[بشوشه]

رد: طريقه روعه لتدريس اولى ابتدائ

تصدقين هونتي علي حالتي
وااااااااايد تعبانه مو بس من التدريس لا من شكل ولدي يا بعد عمري عمره صغييييييييييييييييييييييييييييييييييييير
شسوي شلون افهمه ان لمصلحته مو عارفه اخاف طريقتي علط ودي استفيد وانا اول وحده من خواتي يدخل ولدها مدرسه فمو عارفه شسوي

 

[وسن 11]

رد: طريقه روعه لتدريس اولى ابتدائ

للرفع

 

[اغفرلي يارب]

رد: طريقه روعه لتدريس اولى ابتدائ

السلام عليكم اختي استعين بالله اول شي وانصحج خلي نومته كامله بالليل يعني ساعات النوم بالليل وايده علشان اذا قعد الصبح باجي اليوم متصحصح واخذيه للمكتبه ودرسيه ساعتين الله يكون بعونج يااارب الله يحفظ عيالنا ويسخر لهم ويعينج يااارب وهذا مجرد راي ولعيوووونج اب اب اب

 

[نووونتها]

رد: طريقه روعه لتدريس اولى ابتدائ

مرحبا بالغوالي
آنا أقووولج حبيبتي أول شي الدعاء ,, ثانيآ حببي ولدج بالدراسه مثلا إسأليه شنو هوايته لا كبر يبي يصير دكتور .. ضابط .. مدرس شنو بالضبط وبعدين تقدرين تحمسينه يعني يالله تعال إدرس عشان تصير ...... وعشان تجيب إمتياز وتفوق ويكرمونك وأجي حفلتك ومن هالسوالف

ويالله تعال نحل الواجبات عشان باجر المدرس ما يفشلك جدام الطلبه وما ينقصك درجات وعشان تشارك معاه وجذي ترى الإسلوب الحلو والتشويق أسهل طريقه لجذب الطفل وما ينفع الطق والصراخ وهالسوالف بالعكس بتخليه يعند ويتعب وطبعآ لا تنسون تعطون بريكات بين الدراسه عشان الولد ما يمل ,وبعدين إختي ليالي غلط طريقتج البنت جايه تعبانه من س7 لي س3 وإهي دراسه وتعب تقعدين تدرسينها أول ما توصل!!! لا حبيبتي غلطانه أصلا إنتي قلتي جايه من الدوام تبي اللعب والوناسه خلي الراحه والوناسه من س3 لي س5 ولا جت س5 قعدي درسيها لي س7 هذا الوقت المناسب وحتى إذا كان عندج طلعه أو شغل فالليل توه بأوله والوقت يمدي ,,, والله يخليلكم عيالكم ويوفقهم ويقر عينكم فيهم ,,,, آتمنى إني أفدتكم ولو بالقليل .... دعواتكم لي

 

[حلم الطفولة]

رد: طريقه روعه لتدريس اولى ابتدائ

ممم .. هذي مشكله للأسف كانت معاي بوحده من بناتي ,, ولكن الحين صارت أحسن من خواتها !
حبيبتي خليه طبيعي يدرس يسوّي واجب ,,, مو لازم مهاراته الحين تتعدل .. ممكن يوصل رابع ابتدائي وتلقينه ماشالله صار شي ثاني ,,
كل مايكبر بإذن الله راح تنضج مفاهيمه وتنضج قدراته ومهاراته ..

بس ممكن يكون فيه حل مساعد : دخليه نادي في نهايةالأسبوع يكون فيه حفظ قرآن ولغة عربيه ,, والله خواتي آنا أنصح حيل بمكتبة عالمي الممتع يهبل المكان والقصص والشغلات اللي عندهم تنمي القراءه والحفظ ينمي النطق ..
بالنسبه للواجبات اليوميه ,, <<< لا يسويها كل يوم !!!! .. من صج ! .. خل يروح يوم مو مسويها ويمو مسوي نصها ومره مكملها .. ومره النسخ بدل مرتين يكون مره ...

تفاهمي مع الأبله إنج بتوعدينها يتحسن وعندج خطه حلوه له بس وإن طلبج منها تقلل الواجبات عليه أو تعطيه فرصه يأجل بعض الواجبات للويك إند .. ومن هالكلام بما إن أولى ابتدائي مسكين مو جامعه ولا ثانوي ,, خليه ياخذ راحته ماعليج من الواجبات ,, تو الناس عليه .

الله يوفق كل عيالنا ويصلح لهم مدرساتهم ومعلمينهم وإدارات مدارسهم كلهم .. آمين.

 

[بشوشه]

رد: طريقه روعه لتدريس اولى ابتدائ

يا بعد قلبي كلامكم رووووووووووووووووووووووووووووووووووووووووووووووعه
احس اني ارتحت بس قريت كلامكم الف شكر