ساعدوني ابي اتسنع

[حبيبت^زوجها]

السلام عليكم
ادري عنواني يفشل بس هذا الصج للاسف ...
مادري من وين ابتدي بس الله يخليكم ابي حلول ونصايح يمكن تفيدني بحياتي ..
بنات انا طول عمري احب البس واكشخ لمن كنت في بيت اهلي حتى بالحفلات والعروس الكل ينطر يشوفني شمسويه بنفسي .. كنت غييييييييييييييييييييييير
الحين وبعد ما تزوجت واخذت واحد بعيد عن جماعتنا يعني منو منا ريال الحمد لله اخلاقة زينه وماعليه كلام .. المشكله بنات ان اهله كلة يعلقون على لبسي ويعيبون على طريقتي والله حتى بالكلام .. عندهم انا ولا شي ما اعرف البس ولا اعرف اتكلم .. تصدقون والله تصير عندهم مناسبات ولا يعلموني والله اتفشل لمن وحدة تكون والده من اهله ولا ادري ولا وحدة توها مالجه وماوديتلها هديتها .. المشكله انهم رافعين جنتهم الثانية للسما ... اهيه ام السنع واهيا اللي تعرف كل شي واقسم بالله لو تلبس خيشه اهيه السنعه وبس ويشهقون بذوقها مع انه والله مو حلو مو عشان انا مو حابتها لا والله الحمد لله انا عمري ماكرهت احد بالعكس اقدر الكل بس الصج ينقال .. الحين بعد هالمقدمة هذي كلها انصحوني شسوي والله تعبت من التفكير صرت استحي اطلع من شقتي انا ساكنه معاهم ..

 

[Killer^Girl]

خليج على طبيعتج ومثل ما اتني
لاتغيرين نفسج عشان احد دامج مو غلطانه وماتعديتي على احد
الحب والكره من الله مادخل اللبس والتسنع

 

[ديانا سبنسر]

كلام اللي فوقي صح وا ضيف علييييه حاولي تكون ثقتج بنفسج كبييييرة وشخصيتج قوية هذا الللي راح يخليهم يحترمونج واذا انتي ذربة وكشخة مالج شغل بكلامهم يمكن يقولونه من باب الغيييييرة

 

[انا لحبيبي .]

الله يعينك حبيبتي ،، بس خلص بما انك عامله يلي عليكي خليكي هييك ، شو بدك تسوي اكتر من هيييييك؟؟ وماحد مقدر

 

[سويت فانيلا]

هذه انا المهم حلوه بعين ريلي وحكي ناس مايهمنا

 

[الأميرة جوري]

عطيهم احلي طاف ... وماعليج منهم مادامج واثقه من نفسج...

 

[جــــود]

اهم شي تكون ثقتج بنفسج قويه ولاتسمحين لأي احد يهزها
واذا انتي عارفه نفسج انج كشيييخه ماعليج منهم
ولاتخلينهم يحبطون معنوياتج ديري بالج

 

[كنوشة 2009]

خليج واثقة من نفسك ولبسج ولا تهتمين بكلامهم

 

[عذبه الصفات]

اولا وقبل كل شي الثقة بالنفس وهذا الي راح يشوفونه قبل اللبس
ثانيا ليش تظلمين نفسك يمكن استايلك غير عنهم يعني لازم البس نفسهم
علشان اعجبهم ؟
ويمكن اهل زوجك ذوقهم مبالغ فيه من ناحية اللبس او الميكب وانتي ذوقج بسيط ونعوم
او يكون العكس مادري عنك
على العموم علشان تبعدين عن الانتقاد اعتمدي الازياء العالمية او اللبنانية
وابتعدي عن كل شي خليجي الا في الدراريع لانه تراثنا
وخلي لبسك بسيط وراقي بنفس الوقت وكل مناسبه لها ستايل معين
واذا طبقتي هالكلام وانتقدوا بعد اعرفي ان الخلل في ذوفهم مو منك
لكن بنهايه اللبس وطريقة الكلام يكون شخصي مو من حق احد انه ينتقدني

​

 

[نفهمها صح]

صراحه
قدروووووووو
يكسروونك
كانوو يسوون نفس شي بيت زووجي معي وميحبوون احد يمدحني واذا معلقوو علي لبسي وصاروو يمدحوون في حريم حمواني
اعرف اني خليتهم اتشششششششش
ولا
واي مناسبه تجي المناسبه 2 يقلدووني لكن فررررق بين لبسهم ولابسي يعني يتعبوون
ونفس شي
اذا فيه مناسبه البطاقه حقة الزواج تصدقيين ميعطووني اياه
ولا
ادري الابعد مده لكن مهمني​

 

[واصله]

حبيبتي اهم شي الثقه
لما تحسسينهم انج مو واثقه من نفسج بيزيدون
بس لما يحسون انج واثقه من نفسج بيحسون انج صج كشخه ورزة

 

[سيماا]

يابعد عمري خلي قاعدتك بالحياه
واثق الخطا يمشي ملكــــــــــــــــــــــــــــــــــــــــــــــــــــــا

 

[aṕriliå]

دامج واثقة من نفسج

ماعليج من احد طنشششي ..

 

[بدوية بملامح كشميرية 86]

واثقه من نفسج عطيهم طااااااف


الحقران يقطع المصران

اهم شي زوجج

 

[أحلى الألماس]

دامج عارفه نفسج انج تكشخين وتلبسين
خلج واثقه من نفسج ولو علقو جدامج قوليلهم
المهم لبسي عاجبني وعاجب زوجي
ودام رافعين مرت حماج فووق وهي عاديه
يعني غيرااانين منج

 

[كويتية نايس]

خلج على طبيعتج

 

[المزه]

مادري ليش وانا اقرا موضوعج احس كانج تكلمين عني لانه اللي قاعد يصير معاج يصير معاي بالضبط بس انا الحمدلله واثقه حيل من نفسي واحس ان هذا من الغيره انتي اهم شي الثقه لازم تكونين واثقه من نفسج ولا تنطرين منهم مدح ولا تشاورينهم بشي واذا سبو اي شي تمسكي برايج وقولي اهم شي انا عاجبني والكل يمدح فيه والله يسر امورج

 

[ام زاكي]

انا بيت ريلي يذمون في لبسي بس ماعلي منهم لانه انا معروفه بالكشخه بين الناس ليش اغير عشانهم يولون
اكيد انا عاجبتهم ولا جان ماذمو ويعطوني افكار حق لبسي بس اعرف انه اقتراحاتهم فاشله يبون يخربون علي
فأنا معطتهم طاف اقولي اي حلو ونشالله اسويه والبسه وانا مطنشتهم عشان جذي الحين يموتون في لبسي

 

[تعبت اداري...~]

أرضاء الناس غايه لاتدرك...~
اهم شي ثقتج بنفسج ولاتغيرين بنفسج عشان كلآم الناس الي لا يودي ولا ييب شئ...

 

[آوص ياجرحي سكوت]

شوفي اهم شي زوجك عاااجبه لبسك وكشختك خلاااااص الباااقي عطيهم طااااااااااااف
وخليك وااثقه من نفسك