ساعدوني ابي أوقفه عند حدهه

[انسام الكويت]

بنات عليكم حلول عجيبه شنهو تشتكي الشرطه وين قاعدين ومنو اللي بترضى وتدش مخفر عشان تشتكي على اخوها

واللي تقول زفيه وطقيه وادبيه هم ماتقدر الولد دايمن الحق معاه حتى لو اهو غلطان من فوق لي تحت وهم الام لازم تخلي

في حد احترام بينهم يتغشمر يطنز يعايرها بالاسم الفلاني ترا هاذي اغلب سوالف البزور وبذات المراهقين اللي غصب يبي يثبت

قوته وهيبته على اخته الحل يا انج تعلمين ابوج يعطيه جم كلمهه بالعظم واذا مافاد فمالج االا انج تدعين الله يهديه ويلين قلبه باجر بيكبر وبيختلط

بناس وبيعرف انه اللي يسويه مو صح وبيغير معاملته لج*

 

[مـلـآذ الخـوآطر]

الله يكون بعونج
كلمي أبوج خليه يوقفه عند حده والله يعينج

 

[رتبه دبلوماسيه]

وي طلع ياهل ..حبيبتي لازم تكلمين ابوج يأدبه .

 

[هيبة ملك]

بلغي ابوج

والله يهديه

 

[Coffee_aholic]

يا معودة استهدي بالله واذكر الله تراا السالفة حدهااا بسييطة

انا اللي قاعدة اكلمج كنت انا وخواتي طق مطااقق مع اخوي اللي اهوا اكبر واحد في العيال لانه جا عقب 5 بنات مدلعينه وصار ما يحترم وعلى ابسط شي يمد ايده ويسوي فضيحة واحنا كنا كلنا نترفز منه اذا دش والا تكلم لكنه الحين اسم الله عليه صارله 5 سنين الله هداه والحمدلله ماشاءالله تبارك الرحمن بعد معااااااانااااااااة ربج فرجها. والحين صرنا كبار ونروح معاه بعض المرات وحييييل تغير الوضع وصرنا صج اخوان تبارك الرحمن هي ستلفة جهالة وفترة وتعدي وصدقيني لو انج تحترمينه ولو سب تسكتين يمكن يحس بتأنيب الضمير وقوليله الله يهديك شوف فلان شلوم تعامله مع خواته هذا وانا اختك الوحيدة ومن هالكلام وبينيله ان انتخ اخوي واحبك بس لاتخلينا نكره بع بتصرفات طفولية ترا مالنا الا بعض وقوليله شنو تبي انا حاضرة بس كلمني عدل ترا مهما كان انا ما ارضي ان احد يغلط علي وما يهون علي ان احنا نتزاعل واحنا مالنا الا بعض الدنيا تخرع وترا سالفة ان اختك تكلم شباب باجر بتجيب بنات وتتزوج وبتعرف قيمة الشرف وترا سمعتي من سمعتك انت اخوي اللي يصير فيني بوجهك وكثري استغفاااااااار ودعااااااااااء عسى ربي يهديه ويهدينا اجمعين

 

[Coffee_aholic]

وشنو سالفة المخفر ما مخفر شصاير اذا هي حتى السوالف الكبيرة يالله يروحون المخفر لا شكووو ترا مو زينه سالفة المخفر شنو هذا الحمدلله والشكر ترا مهما كان اخوج وفي سرية في كل بيت والمخفر مايدشون الا للمصايب الكبيرة الله يكافيناالشر ويبعد عننا السوووو اذكري الله وسوي اللي قلتلج عليه ولاتحاتين بإذن الله ان سالفتج هينة بس ابتسمي وغيري تانلج معاه يعني لاتدرسينه وقوليله اذا سويت ولا ماسويت مو فارقة معاك انا جني طوفة عندك سوري عالكلمة بمعنى مالي هيبة ولاقدر وانا ودي ان احنا نكون قراب ومع بعض على عدويننا ولانفرح احد علينا وبسسسس*

 

[رمز العشق]

وشنو سالفة المخفر ما مخفر شصاير اذا هي حتى السوالف الكبيرة يالله يروحون المخفر لا شكووو ترا مو زينه سالفة المخفر شنو هذا الحمدلله والشكر ترا مهما كان اخوج وفي سرية في كل بيت والمخفر مايدشون الا للمصايب الكبيرة الله يكافيناالشر ويبعد عننا السوووو اذكري الله وسوي اللي قلتلج عليه ولاتحاتين بإذن الله ان سالفتج هينة بس ابتسمي وغيري تانلج معاه يعني لاتدرسينه وقوليله اذا سويت ولا ماسويت مو فارقة معاك انا جني طوفة عندك سوري عالكلمة بمعنى مالي هيبة ولاقدر وانا ودي ان احنا نكون قراب ومع بعض على عدويننا ولانفرح احد علينا وبسسسس*

مشكورة ي قلبي بسوي الي قلتيلي علية وبشوف النتيجة

 

[VET-Nour]

شنو تشتكين
لحظه

انا اخوي جذي مناشبني و نفس الحاله متين ونفس العمر ههه و عادي يسب يزف سواء جدام خوالي ولا خالاتي و لا بروحنا و لا جدام امي او ابوي اقوم اطقه و يطقني و نزعل و بعدها بخمس دقايق نسولف و نضحك عااادي يباا

هذا اخوج سترج و غطاج اخوج مايتعوض
خل يزفج يسبج جدامهم عادي قوليله يالبطه يالكرششش عاادي بيفتشل ويسكت
وكل ماقالج كلمه زفيه و اذا طقج طقيه

ماتوصل انج تفكرين لو مجرد تفكير انج تشتكين بمخفر

اخاف بيخرب ابرستيجج لي طقج و لا زفج

ولا قوليله انت تضايقني باسلوبك هذا و عطيه جم كلمه و بس

 

[kyan]

شوفي اذا تتكلم والا ناداج ووقال كلامه الخايس قدام احد لاتردين علييه ,, خلج ساكتة جنج ماتسمعين ,, والا قولي عدل اسلوبج وتكلم عدل وبعدين قول اللي عندك

وعلمي ابوج عليه ,, دام امج تشوفه وساكته ,, واذا مانفع كلمي احد خالج عممج يكون كبير بعايلتكم

والله يهدييه لج ويصلحه

 

[ماكواسم2]

الحل سهل : كل كلمه ردي عليها بعشر ة واذا طق طقيه حتى لوجدام خوالج وعمامج

هو مستقوي لانج ما تردين فماخذ راحته عند روحه انه شخصيه فهالاشكال تخاف ما تختشيش

 

[PuPa^^SWeeT]

ياقلبي داامه يخاف من ابووج



عيل اخذي امج و ابووج و بلغييهم و باللي يسويه


خليهم يتصرفون وياه


حلوة عيل بنتكم اتكلم شباب

الا الشرف و الكرامة لا تمس لو من منوو

 

[Ms.romanceya]

ووووووااآآآأي اللـــه يعينــج حأأآسه فيج
اخـــوؤي قبــل جذي كـبر تغيـــر
بس لاآزمـ تعلمــين ابــوؤج او امج
معـ تحياآتيـ:Ms.romanceya​

 

[ريماR]

اخوج دلوع ومو مربي
المفروض امج اذا شافت الشي هذا تادبه مو تسكت وطنش جنه شي ماصار
قولي لابوج خليه يوقفه عند حده
وبعدين انتي بعد افرضي احترامج طيب غصب

 

[شقاوه وحلاوه]

امممممممممم والله ما ادري اذا الكلام اللي بقوله صح او غلط بس هذا رايي
1/ امج لازم تتفاهمين معاها وتقولين لها اذا كنتي شاكه فيني فانا تربيتج اشلون تشكين فيني حسسيني بالثقه عشان احرص اني ما اخسرها ولازم تكسبينها بصفج .
2/ كلمي ابوج وقوليله
3 / هو زفيه اذا بتروحون لعمامكم وخوالكم هو بيروح لا تروحين اذا جوكم وهو موجود انزلي سلمي واطلعي قاعده بالصاله هو دخل وماكو احد بالصاله قومي وروحي غرفتج او اي غرفه ثانيه كلمج بالفاظ مو سنعه لا تردين واذا زادها قوليله كلمني عدل بعدين ارد طقج لا تطقينه لا تطقينه استحملي وبيني انج زعلانه انا ما احرشج عليه او اوزج عالقطاعه بين عمامج بس لفتره وانتي جيسي النبض فتره طويله او قصيره لين يستعدل
4/ حبي نفسج حبيبتي موتي عليها اهم شي بالدنيا انتي لاتدرسين احد لمتحانه انتي بعد عندج امتحان تكبري عليه بهدوء
5/ حاولي تلهين عنه باي شي رفيجاتج نفسج شكلج طوري من مهاراتج

وشوفي شلون بيحترم نفسه

 

[ألايانفس......]

حبيبتي اخوج حده مدلع !!
والله لو بزر عمره 12 سنة يضربني جذي لاصقعه بالكلآس على راسه
عششان يخاف وبعرف اني مو لعبة متى ما مل يقعد يضريب !!
كلمي ابوج وفهميه عنه , واذا مافاد عامليه نفس مايعاملج
واسمحيلي امج شلوون تصدق بززززر عمره 12 سنة !!!!!!!!
وشلون ساكتة عنه وهي تشوفه يقل ادبه عليج !!
الصراحة الله يصلح الاهل قبل الولد ، والله يعينج حبيبتي ..

 

[^LILY^]

حبيبتي عاادي آهو بسن مرآهقه يبي يطلع رجولته عليج
حـآآآولي تسفهينه و عطيه من هآلكلآم الحلو .. " فديتك , يعل يومي قبل يومك , ليت كل آلآخوان مثلك , آنت آخووي عزوتي "

قعدي معه و سولفوآ سوآلف قبل مآ يعي ع آلدنيا يعني سوآلف مآ عآشهآ خليه يندمج


و آخذيهآ مني ترآآآ آخوج يبي يبين للكل آنه رجآل و يقدر يضرب اللي آكبر منه !



بس يكبر والله بيتغير حيل و الحب يطلع ع بذره

 

[brettey]

وليش ساكته وليش ماتقولين لابوج دام امج ساكته ؟
كلمي ابوج وقفيه عند حده

 

[al_q8iya_99]

شوفي مشكلتج اهيه مثل مشكلتي بس اذا عندج اخوان احسن اذا ما عندج غيره لاني انا اخوي مثلج ازفه ازفه مل مني لاني ما ارد وراح لاختي الحيين اختي متوهقه ههه

 

[من يشابه ديرتي]

المشكله انه يبقى اخوج وصعبه تشتكين عليه بالمخافر
بس الي مستغربته أمج شلون تشوفج تنطقين وتنهانين وراضيه وما توقفه عند حده !!؟!

شتسوين بعد مالج الا أبوج قوليه يشوفله صرفه معاه
والله يهديه ويعينج

 

[BaiTotia]

أمج وأبوج ليش ساكتين عنه

محد يوقفه عند حده غيرهم