شلونكم ريمان كاراميللا سارونا
)
ريمان لج وحشة ولهنا عليج،، أما المقابلة جنها تجنيد فزعة من الصبح و مساحل و مسايس و على رايج الاسئلة وايدة بس الله سهل و عدت على خير و قالولي بيردون علي خلال اسبوع و اذا ماردوا الأحد بروح بكبري بعد شدعوة مقابلة علماء الذرة يا يقولون مقبولة او تحتاج تعيد المقابلو او مو مقبولة و نخلص،، اما اذا مو مقبولة فالله يعين تعالي افتري مرة ثانية و ردي سوي طقوس المقابلة عسى ما تقولي ابي ميك أب على قولة كاراميللا
ريمان و كاراميللا والله اذا الوحدة تعرف مدرسة زينة و نقدر نختارها بصراحة ماكو أحسن من جذي بسسسسس شنو مقياس انها زينة او لأ؟؟ بصراحة انا ما قمت اثق بكلام أي أحد،،و اللي يعجب غيري يمكن ما يعجبني،، اقولكم سالفتي مع بنتي هااااا زاهبين
الله يسلمكم انا مدخلة بنتي الحضانة من العام، طبعا كالعادة معاناة و بجي الصبح و كنت احضر معاها الدوام كله لما المدرسة يزاها الله خير قالت لي ترى ماكو فايدة و بنتج ماراح تستفيد شي لان كل وقتها عيونها علي، قالت لي لا تنحاشين و قوي قلبج و قولي لها بروح الدوام و ارد، طبعا طبقت بس ما كنت اروح الدوام كنت احط لي كرسي برة و اسمعها تبجي و انا ابجي :eh_s(11): لما تعودت و مشت الامور.
السنة هذي المفروض تكون أكبر و تعودت على المكان من العام، بس والله اللي كان يصير فيها مو طبيعي، قامت تتشنج اذا يبت طاري المدرسة و اذا دخلنا العديلية تصرخ و ما ترتاح الا اذا ظلمت الدنيا وتقول خلاص ماكو سكول الحين!!!!!!!! و كل يوم تقولي ترى انا اليوم تكرمون رجعت و لما اسأل المدرسة تقول لا او ما اذكر!!!! ليش ان شاءالله ماتذكرين :eh_s(13): عندج جم ياهل بالصف عاد اخر يوم كنت رايحة اييبها ولا مغيرين هدومها جان تقولي اي اليوم رجعت،، اثاري الحبيبة تدري ان بنتي ترجع كل يوم بس دامها ما دمرت هدومها ما تقولي بس دام انها اضطرت تغير الهدوم لازم بتقولي
طبعا انا استنفاااااااااااااااااااااااااااااااااااااار العداد واصل حده :eh_s(14): و رحت عند المديرة و طلعت كل اللي بجبدي و غيروا صف بنتي و اسم الله عليها تعالي شوفيها الحين ما تقولين اهي نفسها اللي من جم شهر
الزبدة من القصة: تدرون ان هالمدرسة طق مطاقق عليها من الأهالي ليه درجة كذا وحدة تشوفني تقولي انتي محظوظة ان بنتج عندها :gr4uu:،، تدرون ليش لانها تنفع حق الياهل الشيطان اللي صعب ينضبط و في نفس الوقت تعلم اليهال و دايما اليهال اللي يدرسون عندها عندهم أكبر معلومات،،، بالنسبة لي عساها ما تعلمت اذا بتعقد ليش اهي بالجامعة؟؟ كلها حضانة و بعدين اسم الله عليها اهي هادية و ما تتحمل الصراخ و الحبيبة علبو مشتطة و تبي اليهال يتفاعلون وياها كله صراخ و بنتي تخاف و تكرمون ترجع على قولتها تقول كله " تعصبني" قصدها تعصب علي
فتصدقون انا افضل انها تدخل الصف عند أي مدرسة و انتي بتلاحظين اذا اهي زينة او لأ، لأن الزين عند غيرج يمكن ما يكون زين لج، و انتي اللي تعرفين ولدج و بنتج زين اذا العملية بس بجي بسيط لان المكان يديد بيتعودون راح تحسين اما اذا النفسية متأثرة اهني تقدرين تكلمين المسئول و تخلينهم يراقبون و يشوفون لج صرفة
بعد قلبي بنتي اذا عطيتها دوا مر تقول عطيه حق مس نادية!!!! من كثر ما عقدتها كل شي مو زين تقول عطيها اياه
سارونة حبيبتي حاسة فيج كله عاد ولا الياهل و زين سويتي كلمتيهم و اذا حصلج كتبي رسالة باسم مديرة الحضانة و عطيهم اياها، بس ما قلتي لي اسم الحضانة؟؟ ليتل لاند؟؟ لان اهي اللي اشوف فتحت فرع ثاني
