ساعدونى برايكم بمدرسة العالمية الامريكية اللي بحولي

[سيدة الكويت]

بعد عمرى على الدعوه الطيبه آمين الله يسمع منج...................ماكو الا نروح ندرسهم بالقمر ههههههههههههههههههه

حتى اسم المدارس سارت مظاهر نفس مدرسه الخرافى الناس راح ركضه عليها رغم حداثتها

انا احب المدرسه تكون قديمه تكون خبرتها اكثر

 

[* LOVE STORY *]

والله آنا كنت بدخل ولدي فيها لين قالتلي
رفيجتي أمريكية مدرسة بمدرسة البيان وبنتها تدرس فيها
تقول نصييحة لاتدخلينه آنا بطلع بنتي منها وفعلآ طلعت بنتها منها

 

[qa6wa_q8]

لاا بنات البيان حييييييييييييييييييييييل قويه والطلبه اليفيهاا اكثرهم كويتيين وذربه وسمعه

 

[ReeMaN]

لوف ستوري ماقالت لج لييش ؟ شنو الاسباب انا ادري في ناس اتذم في المدرسه بس ابي اعرف بشنو مو زينه كمنهج والا تعامل المدرسين والا شنو بالضبط؟ بالنسبة لى الاختلاط عادي عندي دام اتعلمين واتغرسين فيه الدين والاخلاق بس اخاف المدرسه فيها شي لان وايد مختلطه كوكتيل من الاجناس والاعراق اكثر من باجي المدارس الامريكيه هذا الللي اخاف منه وسلامتج مشكوره حبيبتى واتمنى في احد يساعدنى يعنى تفصيل اكثر ولان ولدي اصغير بس مابي اعابل فيه بالنقل وايد من الحضانه وانا اجرب فيه والروضه دخلته الحياة العالميه والحين ابي اطلعه واوديه مدرسه ثانيه و انشالله يستقر ما فعد احاتى شفيها مافيها

 

[اي اسم]

ريمان ليش بتطلعينه من الحياة في شي مضايقج فيها ؟
انا صراحة افضل المدارس اللي فيها اغلبية الطلبة كويتيين عشان الطالب تكون الانشطة اللي فيها محافظة وتخلو من الخرابيط وانه تكون غير مختلطة عشان الطالب يستقر فيها ويستمر لحد التخرج

 

[ReeMaN]

هلا اى اسم لا والله وايد مستانسه على مدرسة الحياة ومثل ماقلت ولدي وايد فرقت علي شخصيته طبعا للاحسن بس انا اللي مغربلنى ان بعيده علينا وحيل زحمه صوبهم يمهم الجامعه الامريكيه وحرام وايد يتاخر بالرده يكون مهدود حيله والا ينام بالسياره بسبة الزحمه وانا دوامى بحولى الافضل ان يكون يمي والا حدي متحسفه على الحياة مع انها يديده بس متمكنين من اليهال بالنظام والمنهج

 

[Pissy Missy]

حبايبي انا متخرجه من البيان من احسن المدارس ومنهجها وايد قوي و وايد كنت مرتاحه فيها ومدرسينها من اروع ما يكون بس كان ناظرنا وايد بايخ بس الحين غيروه وهذا الحجي من سنين لاني تخرجت سنة 99 الحين عيال عمي فيها و وايد مرتاحين منها

 

[ReeMaN]

ام يوسف انا سمعت انها زينه وقويه بس في ناس الى الحين اتذم فيها بس اشوه ذمهم على الاداره مو المنهج

 

[ReeMaN]

وبنات بليز لاتسكتووون نبي تعليقاتكم ورايكم بالعالميه الامريكيه يعنى عفيا لاتوقف المشاركات :yaaaaaarb:

 

[QUMAR]

هلا فيج حبيبتي
انا عيالي بالعالميه الأمريكيه
والحمدالله مرتاحين فيها
شنو تبين تسألين أنا أجاوبج

( :

 

[ReeMaN]

بعاد عمري والله انج قمر مادري قومر
حبيبتى ودي اعرف كل شي عن المدرسه من الاداره الى المدرسين والطلبه اللي فيها وانشطتهم ومنهجهم وكل شي وادري ان المدرسة عندهم اختلاط وشلون اخلاقياتهم يعنى كل شي بعرف عنهم

 

[QUMAR]

قمر ؛)
عموما صاحبة المدرسه نوره الغانم شخصيه رائعه ومتواضعه جدا
كل مرحله لها ناظر
ومنهجهم أمريكي يعني اييج خالص من أمريكا حتي الكتب اللهم الا العربي والتربيه الأسلاميه منهج المدارس الحكوميه
الأنشطه وايد يعني اذا تحبين تعلمين ولدج سباحه كراتيه العاب ثانيه اهما يدزون لج بين فتره وفتره ورقه فيها الأنشطه اللي يحددونها
وتكون غالبا بعد المدرسه
الروضه دوامهم من 7:30 الين ال1
والأبتدائي من 7:30 الين ال2:30
المدرسين حريصين علي ان الطالب يكون في مستوي معين يعني أي تأخير من الطالب يعطونه دروس اضافيه هذي تكون خلال اليوم الدراسي او ساعات يدزون لج ورقه ان راح يكون فيه تأخير عشان يعاد لهم الشرح وانتي كيفج تحطين موافقه او عدمه
بس الشئ اللي مو مريحني ان عطلاتهم مو متوافقه مع وزارة التربيه
وطريقة الدفع اقساط علي دفعتين وقبل نهاية السنه تدفعين 350 عشان تحجزين مكان للسنه اللي وراها واذا ما دفعتي ما تضمنين له مكان
أمممممممممم مادري احس وايد هذرت شنو تحبين تعرفين بعد ....
ستاف التدريس ممتاز جدا

 

[QUMAR]

نبي دعواتج

 

[ReeMaN]

مشكوووووووره قمر والله افدتينى عنها بس ليش الناس اتذم فيها واغلبهم يقولون ماانصحج فيها من غير ذكر الاسباب @@ زين بسالج اغلبهم كويتين والا وايد مختلطين ؟؟ و عسى الله يخليلج عيالج ويصلحهم ويسخرهم لج دنيا واخره

 

[QUMAR]

لأ مو كلهم كويتيين فيهم نسبه مو شويه من الأجانب
والله اللي يذم لج فيها بدون ذكر أسباب مقنعه ما عنده سالفه مع احترامي
عموما أخذي لج جوله فيها قبل لا تسجلين ولدج وشوفيها علي الطبيعه
وموفقه حبوبه ......

 

[ReeMaN]

هلا قمر اى انا شفت المدرسة ووايد ارتحت لها وشكلها المدرسة منظمه بس الطلبه كانو بصفوفهم وكان ودي اشوفهم حزة البريك وصج بسالج البريك كل المراحل مع بعض والا الابتدائي بروح والمتوسط بروح ومشكووووره ماقصرتى والله ويبله اروح مره ثانيه عشان احط اسمه بالويتنق ليست حق السنه اليايه والا جنى مايصير الحين لازم وقت التسجيل عالسنه اليايه ..... واسفه حبيبتى دوختج وياي بس والله كنت ابي احد يساعدنى عن هالمدرسه

 

[farawla_q80ia]

up

 

[q8engineera]

جم اسعار الروضة والابتدائي عندهم؟

 

[QUMAR]

حبيبتي هذا رقمهم دقي سأليهم إذا يصير تسجلينه من الحين للسنه اليايه
1822827
الروضه فرصتهم بروحهم
والابتدائي الين خامس هم فرصتهم بروحهم يعني مو مع الk g
باجي المراحل ما عندي فكره والله

بالنسبه للأسعار

kg 2 1900 و كسور مو متأكده جم

3 إبتدائي 2700 تقريبا

 

[ReeMaN]

اختى قمر صج انج منقذتى ومشكوووووووووره ماقصرتى وعسى الله يبارك لج بذريتج يارب:yaaaaaarb: