ياصاحبي ماني براعي مهاداه
.......... اما ارضني ولا اجفني واستخيري
ولا تعال وما طلبناك عطناه
.......... ولا تروح وجعل دربك سفيري
.......... .......... .......... .......... ..........
مقدر أحبك أكثر من حدود الـغـلا
.......... يكفي إني أحبك باللي أقدر عليه
كيف أحبك وقلبي بالغرام امتلا
.......... وش تبي منه أكثر وأنت كل شي فيه
.......... .......... .......... .......... ..........
لاتنشد الناس عني وانت ادرابي
.......... نفسي تمناك وانت اغلى حبايبها
اغلى من عيوني الثنتين واصحابي
.......... واغلى من الناس حاضرها وغايبها
.......... .......... .......... .......... ..........
من عيوني كل ماتامر عليه
.......... غير قلبي وش تبي مني وجالك
قلبي اللي من عرفتك وانت فيه
.......... ماخذه مني قبل مااقول هاك
.......... .......... .......... .......... ..........
قالو علامك باكي قلت مطعون
.......... شوفو نزيف الدم مني تلالا
قالو من اللي صابك قلت مزيون
.......... قالوا عدوك قلت ياناس لا لا
.......... .......... .......... .......... ..........
القلم والحبر والدفتر وانا
.......... والسهر والحب مع ريم النفود
يسوى عندي كل عمر قد فنا
.......... من آدم الى آخر وجود
.......... .......... .......... .......... ..........
مال الرجى في بعض الاحوال قيمة
........... وما للعمى صبح لو بات سهران
لو للزمن عن نية القدر شيمة
.......... مافرق احباب ولا بعد اوطان
.......... .......... .......... .......... ..........
عطني دليلك بالجفا يوم تجفا
.......... ان كان عذرك في محله عذرتك
عسى جروح منك في القلب تشفى
.......... جروحك بي كثيرة وانا ماجرحتك
.......... .......... .......... .......... ..........
الحلم يجمعني بكم كل ليلة
.......... يطوي بساط البعد مابيننا البين
صارت حلوم الليل عندي وسيلة
.......... اشوفكم يا أحبابي وانتم بعيدين
.......... .......... .......... .......... ..........
ولاني بندمان على كل مافات
.......... اخذت من حلو الزمان ورديه
هذي حياتي عشتها كيف ماجات
.......... اخذ من ايامي وارد العطيه
.......... .......... .......... .......... ..........
على طريق الوهم قلبي معاهدك
.......... لو كنت في عز احتياجي عطيتك
لاتوعد المشتاق بالوهم واوعدك
.......... لو كنت دمعه بناظري ما بكيتك
.......... .......... .......... .......... ..........
مقدار حبي لك عالم فيه ربي
.......... ولا الموازين لغرامي ظلومه
لا لا تقارن حب امك بحبي
.......... اخاف من عينك تطيح الامومه
.......... .......... .......... .......... ..........
تضحك حياتي دوم ماتحب الزعل
.......... وش العسل لو قلت يشبه دمها
اذكر في مره اهديتها ورد وزهور
.......... جت تشمه ذاب فيها وشمها
.......... .......... .......... .......... ..........
حبيبي اللي بوسط اغلعين حطيته
.......... اموت في نظرته ويموت اهو فيني
ماهمني يزعلون الناس لرضيته
.......... دامه حبيبي بهالدنيا يكفيني
.......... .......... .......... .......... ..........
لقيت اسمك على صوتي لقيتك دايم قبالي
.......... اشوفك حلم واحلم بك حقيقة يانظر عيني
انا وحدي مشيت الدرب بديت احقق احلامي
.......... لقيت اغلى زمن انتي من الدنيا يكفيني
.......... .......... .......... .......... ..........
لاجيت ابهرب من عيونك تراجعت
.......... وشلون ابهرب والمسافه عيونك
ماهي بكيفك لو عرفت وتشجعت
.......... لو قلت اببعد يقصر العلم دونك
.......... .......... .......... .......... ..........
الشعر مايبعدك عني ولا اي مخلوق
.......... وان غبت يبقى في غيابك حضورة
مثل الشجر مهما رفع هامته فوق
.......... يبقى مصيره مرتبط في جذوره
.......... .......... .......... .......... ..........
ابصبر الين رب الخلق يجمعني سوا وياك
.......... واضمك يادفا عمري ترى حضنك يدفيني
ابسعد لا حصل شوفك وبهنا لا حصل لاماك
.......... وانا ادري قربي وقربك يعنيك ويهنيني
.......... .......... .......... .......... ..........
خيمت في الدنيا علشان دنياك
.......... خليت كل اللي يبيني وجيتك
كنت بعيوني وين مااطالع القاك
.......... حتى لو غمضت عيني لقيتك
.......... .......... .......... .......... ..........
ياصاحبي جيت اشكي لك عن احوالي
.......... جيت ومادامك رفيقي ليه اطولها
العلم ومافيه يا اول وآخر آمالي
.......... عندي رسالة ولا ادري كيف اوصلها
.......... .......... .......... .......... ..........
انا ياكل الغلا ميت فيك
.......... مجنون حبك وان ذبحني جنونك
ترى حياتي ياحياتي بها افديك
.......... دونك حياتي وش حياتي بدونك
.......... .......... .......... .......... ..........
انا شفت الزهر مايل وظنيته يناديني
.......... قطفتة يوم ضميته لقيته للاسف ذبلان
عرفت انك زهر عمري عرفت انك بساتيني
.......... وغيرك قيظ مايروي سراب يشفي العطشان
.......... .......... .......... .......... ..........
اشتاق لك واكلمك كلما اشتاق
.......... عنك الثواني كنها شهور وسنين
عليك قلبي من ظنا الشوق خفاق
.......... ابيك لكن وين دارك وانا وين
.......... .......... .......... .......... ..........
اشتقت يافرحة العمر وين انت
.......... ياللي عيوني منك ينبع ضياها
آمنت بك في عالم الحب آمنت
.......... يامتلف روم العنا ويا دواها
.......... .......... .......... .......... ..........
انام ليلي والاقي نفسي احلم بك
.......... واتخيل اني معك وجالس قبالك
وتقول : انا اموت في قلبك ومعجب بك
.......... وأصحا واقول: ياقلبي يتهيأ لك
.......... .......... .......... .......... ..........
بملا عيوني بالنظر قبل ما اموت
.......... وان كان طولت النظر فاعذريني
واحاول اثبت شي ماهوب مثبوت
.......... واحاول اهرب وانت موجود فيني
.......... .......... .......... .......... ..........
في ميزة ماهي عند البشر كله
.......... كل مازاد عمرك زادت اوصافك
اشهد انك ملكت الزين في حله
.......... يعترف في جمالك كل من شافك
.......... .......... .......... .......... ..........
لو غبت لحظة كل مابي يتمناك
.......... صعبة حياتي ياحياتي بدونك
اهيم في صوتك وهمسك ولقياك
.......... حتى مع الاحلام مقدر اخونك
.......... .......... .......... .......... ..........
تبي تبكي تبي تشكي ولكن جفت الارياق
......... فمان الله قالتها بصوت خافت سمعه
وراحت تسحب الخطوة وانا في ماقفي منعاق
.......... اشوف الروح تتبعها تحايلها على الرجعه
.......... .......... .......... .......... ..........
لامر طيف اللي ذبحني هواها
.......... ادور الحاجه واهي في يديني
هذا واهو طيف يجي من غلاها
............ وشلون لو تقبل علي وتجيني
.......... .......... .......... .......... ..........
نوخي ناقة الفتـنة بوسط اضلعي
..............وجدلي من شراييني لوصلك طريق
اقبلي نبتسم نكسر حدود الوعي
..............نذبح البحر لو مره بذنب الغريق
.......... .......... .......... .......... ..........
زعلت ومالقيت اقرب من الدمعه تفك الهم
......... غضبت ومالقيت ابعد من عيونك ابكيها
حبيبي والوجع يسمع من جروحي حديث الدم
.........تخيلت الغلا نبضة تحاكيني واحاكيها
.......... .......... .......... .......... ..........
ياقلب عودنا على طير يلي
............... ماقلت لك مليون مره تناساه
ماقلت لك ياقلب خله يولي
................لاتلتفت يمه ولا عاد نبغاه
.......... .......... .......... .......... ..........
ان كان قلبك في بحور الهوى هام
......... وشلون اجل تضميني وانتي غريقة
مشاعرك نسمه ونغمات والهام
.......... بس الوهم عيب القلوب الرقيقة
.......... .......... .......... .......... ..........
تذكرين اثنين صكو بينهم باب المواجه
.........قالت انت تشتكي قصة عليك ابغى اشتكيها
قلت بالله تعرفين أتعس رجل يصعب علاجه
...........قالت اللي حب بنت لاتجيه ولايجيها
