سااعدوني شلون ازيل الصداأ الي على الحديد وانظف ارضيه الحمام؟

[um meshoooo]

مرحبا بنات هذي اول مشاركه لي بالهقسم وانشالله استمر معاكم على طول لاني اموت بشي اسمه تنظيف وترتيب وتلميع هههههههههههههههههه بس عندي غطاء بوالوعه الحمام تكرمون حديد وصدت بسرعه مع ان ماصار لي سنتين ساكنه بالشقه اجار بس الظاهر ان نوعيه غطا الحديد اي كلام ورخيصه ابي اعرف شلون يروح الصدا وحده قالتلي بيبسي جربت صج خف الصدأ شويه بس ماراح بالكامل انتو شتسوون اذا عندكم شي صدا شلون تنظفونه وتردونه مثل ماكان وسوالي الثاني بالنسبه لارضيه الحمام شلون تنظفون السواد الي يصير حوالين قطعه السيراميك الوحده او المسافه الصغيره بس كل قطعه سراميك دايما تسود بسرعه شلون تنظفونها في سائل معين او طريقه وشكرااااااااااااااااااااااااااااااااااااااااااااااااااا

 

[عايشه على الله]

انا مرات بستخدم الفلاش بخففو شوي بالمي وبنقع الارض وبروح كمل تنظيف البيت بعدين برجعلو بلاقي راح صدا وسواد

 

[Diva-Q8]

الصدأ لبسي دس اول شي

بعدين فركي واهوا ناشف بملح بعدين حطي عليه خل او ليمون ونقعي بعدين فركي يروح كلا انشالله ويصير يلمع

والارضيه لبسي كمام اول شي وكبي فلاش وكلوركس بدون ماي على الخطوط بين السيراميك وخليه عشر دقايق وفركي بفرشه

راح يروح بدون فرك بعد انا مجربه

وبعدين شطفي الحمام بديتول وماي عدل وخلي باب الحمام والشفاط مفتوح عشان تطلع ريحت الفلاش لانها قويه ديري بالج لا يأذي سدرج ولا تنسين الدس على ايدج ظروري لا يحوش بشرتج

جربي هل طريقتين وادعيلي

عفيه على شيخة البنات والله
اللي تنظف بيتها بيدها


جذي اخر شي تطلع خدامتج اللي بتسوي @@

عيل احتياط هم عفيه على شيخة البنات اللي تحب تعلم خدامتها تنظف بيتها ههههههههههههههه

 

[Dark SouL]

اجابتي مثل البنات اللي فوق .. يعطيهم العافيه

والله يعطيج الف عافيه صاحبة الموضوع

 

[قيم واخلاق]

صدا الحديد ماعرفله بس السيراميك متاكده منه وراح تدعيلي كان اول موضوع لي بمنتدانا الحلو الله يسلمج جيبي سطل حطي فيه ماي وبيكنج بودر او بكربونات الصوديوم وصبي منه عالسيراميك وافركيه بمخمه ناعمه وخليه عشر دقايق وبعدين امسحيه واشطفيه بماي عدل عدل واحلى شي في هالموضوع مافيه ريحه كلش ويرد السيراميك جنه جديد وادعيلي لاتنسين موفقه

 

[العنونة]

اذا مانفعت طريقة البنات للصدأ جربي دبليو 40 ( w 40) مزيل للصدأ تلاقينة بلوازم العايلة والخطوط السودة عندج الفلاش مثل ما قالو ا نصيحة لا تخلطينة مع المواد المبيضة لانة يتفاعل واحتمال يخنقج خاصة الي عندهم ربوا هذا عن تجربة

 

[كادي سويت]

مشكورين
صراحة استفدنا

 

[ســتارز]

لارضية الحمام فلاش بس لا تخلينه اكثر من اللازم حتى لا يشيل الشربت اللي بين السيراميك

 

[um meshoooo]

ماشالله عليكم بنات وااااايد فدتوني انا كنت مريضه ماجربت شي بس اليوم انشالله بشتري فلاش ودس وكلوركس وكمام وببلش تنظيف وراااح اقولكم تجربتي اكيد وماقصرتو والله يخليكم حقي ياكويتياااات

 

[um meshoooo]

الصدأ لبسي دس اول شي

بعدين فركي واهوا ناشف بملح بعدين حطي عليه خل او ليمون ونقعي بعدين فركي يروح كلا انشالله ويصير يلمع

والارضيه لبسي كمام اول شي وكبي فلاش وكلوركس بدون ماي على الخطوط بين السيراميك وخليه عشر دقايق وفركي بفرشه

راح يروح بدون فرك بعد انا مجربه

وبعدين شطفي الحمام بديتول وماي عدل وخلي باب الحمام والشفاط مفتوح عشان تطلع ريحت الفلاش لانها قويه ديري بالج لا يأذي سدرج ولا تنسين الدس على ايدج ظروري لا يحوش بشرتج

جربي هل طريقتين وادعيلي

عفيه على شيخة البنات والله
اللي تنظف بيتها بيدها


جذي اخر شي تطلع خدامتج اللي بتسوي @@

عيل احتياط هم عفيه على شيخة البنات اللي تحب تعلم خدامتها تنظف بيتها ههههههههههههههه

مشكوره اختي ديفا بصرتحه التنظيف العادي اليومي ماجذب عليج الخدامه تنظفه بس السواد والصدا والتلميع ماتعرف واصلا حتي لو سوت مو من قلب ماراح يعجبني شغلها بس انا فيني ربو ماراح احط كلوركس اخاف اختنق بجرب بس فلاش والف شكرررررر:eh_s(7):

 

[nadoooy]

مشكورين بنات وماقصرتو
حبوبة في منظف اسمه ستروس تلاقينه بالجمعية عجيب رشي على اي شي يبيله تنظيف ونطري جم دقيقة وعقب فركيه وبتشوفين الفرق

 

[اميره1980]

ليش ما تبدلين غطا البالوعة بواحد يديد هذا الحل الاسرع و الانظف ما اعتقد ان الصدا القوي يروح بعد تآكل الحديد و ماكو فايدة من تنظيفه لان اصلا مو وصخ علشان يروح عدل ؟؟
و اذا تبين يخف شوي حطي فوق الصدى ملح الليمون و تركيه فترة و فركيه

 

[um meshoooo]

مشكورين بناات واايد استفدت منكم

 

[جديده 1]

الفلاش يخنق .. بس اكو واحد نفس طريقته بس والله ماعرف اسمه بس عليه سيراميك و مكتوب عليه من شركه الغانم هذا وحده بوحده !!!

و تنظيف الصدأ او الدهون على الارض ولا اي شي وصخ عندج مثل ما قالت الاخت سيتروس تحصلينه مع قسم الجيف مال منظف الفرن .

 

[زيتونه مرت باباي]

الصدأ مااعرف ..

بس السواد اللي بين السراميك .. انا استخدم جيف .. اكيت بالحمام واقعد افرك .. والله نظاااااافه وبيااااااض ..