سؤال واقف عليه مستقبلي ؟

[كبـــريـــاء]

السلام عليكم ورحمة الله وبركاته ،



بعد التحية ،،،


أخواتي العضوات شلونكم ان شاء الله بخير و سعادة ؟

ان شاء الله

بقولكم قصتي من الأول وان شاء الله تسمعوني وتعطوني رايكم .

انا صار لي سنتين متأذيه من خشمي وخصوصا الفتحة اليسار كانت مسكرة ما أتنفس منها ، والي أذكره ان اختي من غير ما تقصد طقتني على خشمي بس طقة قوية ، ومن العجز مارحت للطبيب ولما تعبت أكثر ( ماأتنفس بالليل ) رحت قبل شهر :0bee2e8d89:وأخيراً :0bee2e8d89: لمستشفى حكومي وقام الدكتور شافني وقال هاذي لحمية متضخمة مع انحراف بالغضروف عطاني بخاخ وحبوب أخذتهم بس ما نفع معاي ، وقبل اسبوع راجعته حولني لاستشاري شافني :ggdw:وفحصني:ggdw:وقلب خشمي يمين يسار فوق تحت :ggdw:قالي لازم اسويلج عملية تجملية ميكانيكية:krkrkr: لاصلاح الغضروف ويشيل اللحمية هني الصدمة لاني خايفة من العملية وانا مو ببالي تجميل بس العملية ضرورية وهي الحل الوحيد
والدكتور الي بسويلي اسمه : د.حمود سعود النومس
مستشفى الاتصالات
عفية بنات :eh_s(1): الي تعرف عن الدكتور او سامعه عنه تقولي ؟
او اي شي عن العملية تطمني ؟

و ألي بترد علي بدعيلها أحلى دعوه بصلاتي , و ان شاء الله ربي يوفقها وين ما تروح ويجعل الخير بدربها ويرزقها الرزق الطيب الحلال من حيث لا تحتسب ويجعل لها من كل ضيق فرج ....

ناطرتكم على ناااااااار ...

 

[<ظبيه>]

هلا حبيبتي
والله ما عرفه بس ربي يقومج بالسلامه
ماحبيت ادخل من غير رد
البنات يفيدونج

 

[دقدوقه]

الله يقومج بالسلامه
موسامعه عن هالدكتور

بس عموما مستشفى الاتصالات الكل يمدحه

 

[كبـــريـــاء]

ظبية - دقدوقة
شكرا على التفاعل

بنات بلييييز الي تعرف ما تبخل علي

 

[KaTKoTaT_aHaLHa]

هلا والله حبيبتي ماتشوفين شر انشالله... و والله اعذريني ماعرف الدكتور بس يمكن البنات يفيدونج انشالله بس انا رايي تروحين عند دكتور معروف وله اسمه ومعروف بشغله انه شاطر أضمن وموفقه حبيبتي وانشالله مافيج إلا العافيه

 

[حرم الحوت]

هلا حبيبتي
والله ما عرفه بس ربي يقومج بالسلامه
ماحبيت ادخل من غير رد
البنات يفيدونج

 

[LuLiTa]

الله يقومج بالسلامة ,, و انا اللي اسمعه انه يمدحون الدكاترة اهناك ,, بس هذا ما مر علي اسمه ,,, عندج اشهر وااحد منذر العجمي ,,,

 

[عطر البوادي]

هلا وغلا أختي والله يمد لج بالصحة والعافية
للأسف ما أعرف الدكتور بس في دكتور يمدحونه وأخوي راجع عنده علشان اللحميه وايد أمدحه ما أعرف أسمه بمستشفى السلام
وقبلها كان مسوي عملية لحمية بدار الشفا ما أعرف أسم الدكتور وما فادته العملية وايد

 

[جلاديلياس]

سلامتج الف سلامه حبيبتي لاتخافين دكارتهم وااايد شطار وزينين توكلي على الله وربج الحافظ

 

[كبـــريـــاء]

تسلمون حبايبي الي ردو

عفية بنات ( لا تخلوني اترجاكم ) الي ما عندها فكرة ترفع الموضوع
وذلك للأهمية القصوى

الله يحقق أمانيكم ويرزقكم الرزق الطيب يااااااارب

 

[روح البنفسج]

الله يقومج بالسلامه
ماعرف الدكتور

 

[كبـــريـــاء]

اببببب

 

[NoNa20]

حبيبتي ... روحي حق استشاري معروف سأليه عن العمليه واخذي راايه

شوفي شيقولج

 

[حبة_الكرز]

حبيبتي روحي عند الدكتور تمام اوبو علي ترا وايد شاطر وكان يشتغل بإنجلترا ومن فترة بسيطة صار مع طاقم اطباء الاتصالات
وماتشوفين شر

 

[مروووم]

حبيبتي شوفي انا ما اعرف الدكتور بس انا ولدي سووله عملية لحمية مع لوز وسحبو ماي من اذونه
المستشفى وايد زين يعني تطمني من هالناحية
بس مو نفس الدكتور
بس حبيت اطمنج وان شالله البنات يفيدونج بشي عن الدكتور
وتقومين بالسلامة

 

[^^المهره^^]

المستشفى كل دكاترته ماشالله عليهم انا ولد اختي سواله دكتور باسل الصباح عمليه باذنه مع ان دكتور صغير و كنا خايفين بس ماشالله العمليه وايد زينه كانت وولد اختي وايد تحسن بفضل الله ثم بفضل هالدكتور و رفيجتي توها مسويه عمليه بالاتصالات نفس عمليتج بالضبط وماشالله بعد نتايجها روووووووعه
ان شاءالله يارب تقومين بالسلامه حبيبتي توكلي على الله وان شاءالله ماعليج الا العافيه

 

[دلوله المزيونه]

عن حالات كثيره سمعت هذا التشخيص والله العظيم وكانه هبه للدكاتره وهو انحراف ويحتاج لتعديل تركيهم وخليهم يولون بكلامهم مع عمليتهم لان ناس سووها ورد التسكير مره ثانيه وعطوهم قطره واذا لحميه مع المضاد وادويه تخف والامر كله حساسيه وراح تصدقين كلامي الدين نصيحه وادعيلي

 

[قلبين وسهم]

ماعرف والله بس حبيت ادعيلج

ربي يعافيج ويقومج بالسلامه


بالتوفيـــج

​

 

[لمياء 99]

اب اب اب اب
لعيونك

 

[حصووونه]

انا فيني انحراف وضيق مجرا بفتحه وحده الدكتور قالي موظروري عمليه واجد ناس عايشين بيها