سؤال مهم عن محل كوكيز بوكيه اللي بببرج جاسم

[hanham]

خواتي انا وايد بنات في المنتدى امدحوا كوكيز بوكيه ( يمكن اسمه مو عدل ) بس المحل موجود ببرج جاسم وعنده كله كوكيز اشكال والوان وعنده حلو القهوة بصراحة اشكال الكوكيز عجيييييييييييييبة وانا رحت للمحل بناء على مدح البنات اللي في المنتدى حقه وشريت منهم كوكيز وحدة قلت بجرب طعمها

وكانت المفاجأة انها الكوكيز طلعت مثل الصخر تكسر الضروس وحتى الطعم مو حلو وتقول اللي تبيهع ان الطلبيات عندهم ماتوقف ولازم اسوي الطلب قبل اسبوعين من المناسبة عشان ضغط الشغل وايد والطلبيات يسوونها في لبنان

فجانزين البنات اللي تعاملوا مع هالمحل يفيدوني هل الكوكيز مالهم كله طعمه جذي يلوع الجبد ويابس صخر؟؟ ولا انا ليش ماخذه كوكيز من المعروض ويمكن يكون قديم حيل فصار معاي جذي يابس وطعمه مو شي ؟؟ اللي يقدر يحكم اللي مسوي عندهم طلبية ذيج الساعة الكوكيز بتكون فرش ونقدر نحكم على جودة الكوكيز لأني بصراحة وايد معجبة بأشكال الكوكيز لكن شالفايدة شكل بدون طعم؟؟ وبخاطري اطلب منعم للقرقيعان اذا البنات ردوا علي لصالح المحل

 

[mlakiya]

أب أب أب انا بعد ابي اعرف

 

[SILVER ROSE]

ماعرفه

 

[Om Ghalia]

-


المحل هذا واحد من المحلات المفضلة عندي،،، شغلهم تميز وابداع.... وترى الكوكيز ماله غير الكوكيز العادي لأنه اسمه شوغر كوكيز مو كوكيز لين اللي ما تقدرين ترسمين عليه ولا تشكلينه..... يعني مثل البسكوت اللي مرسوم عليه.... وهذا الرسم اللي عليه كله هاند ميد يعني رسامين اللي يشتغلونه وابداعهم مو طبيعي ومثل ما قلتي أشكال عجييييييييييييييبة.... وأنا سويت عندهم يوم ولادتي ببنتي ووصيت على طلبية حق القرقيعان على صورتها ومو بس عندهم كوكيز لأ عندهم بعد كاكاو روووووووووعة وكله على أشكال ويطبعون عليه بعد ......

-

 

[.]

انا جربته شكل حلو طعم لا :\

 

[hanham]

اختي ام غالية مشكورة على الرد بس انتي مايبتي طاري الطعم تكلمتي بس عن الشكل وانا معاج الشكل عجيب وروعة لكن الطعم بصراحة كان يخرع وانا كنت مسوية من قبل شوجر كوكيز يعني مثل اللي عندهم بمحل بالسرة تاكلين الكوكيز عجيب وترف مو صخر وهمن كان مرسوم عليه كاب التخرج مكتوب عليه اسم ولدي بعد والكل سألني عنه بس انا حبيت اغير واجرب المحل اللي برج جاسم لأن اشكاله عجيبه بس طعمه مو شي والناس تبي تاكل مو تشوف وبس

فجانزين تقولينا عن تجربتك بالنسبة للطعم

اختي رونة أضم صوتي لصوتك شكل واو طعم مو شي

بانتظار اراء البنات اللي سبق وامدحوا شغل هالمحل لأني للحين ماودي اظلمهم ومرات اقول يمكن لأن اللي خذيته معروض بالمحل من متى الله العالم؟؟ ويمكن لصار الشغل فرش يختلف الموضوع عشان جذيه ابي راي البنات اذا ممكن

انا اليوم بروح اذوق الكوكيز اللي سويتها

 

[؛؛ أم الغلا؛؛]

اتصدقين طلبت منها مرتين مرة عندي ورشة بمدرستي ومرة لولادة اختي بس ماذقته ،،،،،،
شكله روعة بس الطعم مادري واللله

 

[احب الكاكاو]

uppppppp
لعيوونج

 

[hanham]

مازلنا بانتظار الردود و ماكو وقت

 

[مدرسة متفائلة]

صح كلامج ياأختي العزيزة الشكل روعه وماكو منه بس الطعم يابس وصخر صح
بس عندهم الككاو بالكازو روعه :eh_s(6):

 

[hanham]

مشكورة اختي مدرسة متفائلة على الرد لكني ما زلت بانتظار آراء البنات اللي امدحوه

 

[eman84]

ماجربته بس كله اقول شلوون طعمه ؟ يسوى والا لا ؟؟

يالله بنات فيدونا بليييز انا بعد ابي اعرف

 

[Om Ghalia]

أنا طلبت أكثر من مرة من عندهم وطعمه واايد حلو ! صاير مثل البسكوت .... حتى خواتي خذو من عندهم حق تخرج عيالهم وأعياد ميلادهم ....

 

[fife4ever]

رد : سؤال مهم عن محل كوكيز بوكيه اللي بببرج جاسم

اختي انا دخلت علشان اعرف عن هذا المحل فعلا الاشكال حلو بس الطعم ما ادري عنه
بس حبيت اوضح ان Om Ghalia اهيه صاحبة المحل او الا تشتغل فيه لان سبق وارسلت لي الصور الكوكيز
فموحلوه تدخلين وتشاركين

 

[:: Diva ::]

طلبته بزواره
الشكل واااو
و الطعم فشلني !

 

[( المـلاك )]

انا دايما اشوفه بس
ولا مرة ذقته !

 

[بـاسي قــوي]

رد : سؤال مهم عن محل كوكيز بوكيه اللي بببرج جاسم

يمكن كوكيهم قدييييم حبيبتي اذا عندج احد بيسافر وصيه اييبلج من براا يطلع ارخص بوايد ,, انا ذقت كوكي يايبينه من لبناان شكله و طعمه عجيييييييييب كأنه بسكووت بالزبده حتى ريحته تشووق ريحة كيك و ترف ..

 

[hanham]

مشكورين كل البنات اللي دخلوا وردوا

 

[قطوة@@]

رد : سؤال مهم عن محل كوكيز بوكيه اللي بببرج جاسم

hanham

شنو اسم المحل اللي بالسرة ووين صاير ..؟؟

و مشكوورة

و مرة كليت كوكيز بس ما ادري من وين بس شكل و طعمه الله لا يوريج .. مقلب

 

[hanham]

اختي قطوة
المحل اسمه j's bakery
السرة قطعة 6, شارع 11, مجمع مبارك
تلفون 25350640
الكوكيز طعمه حلو واشكال فناتق عندهم وشغل راقي الكل سألني عنه بصراحة. بس للأمانة اشكال الكوكيز اللي ببرج جاسم متنوعة أكثر لكن الطعم كلش ماعجبني.
وهالمرة قلت بغير عن السرة بس شكلي بسوي عندهم للحين ما لقيت احلى منهم