سؤال مهم جدااااا شلون تغسلون هدومكم بالسفر؟؟؟

[حاااايره]

مرحبااااااااااااااااااااااااا


بنات انا لاسافرت دايم اغسل هدومي بالفندق ادق ياخذون الهدوم يغسلونهم ويردونهم

بس تعالي شوفي الحساااااب:eh_s(1):


فسؤالي مافي طرق اخرى للي يسكنون فناااادق ؟؟


والف شكر

 

[rawona]

مرحبااااااااااااااااااااااااا


بنات انا لاسافرت دايم اغسل هدومي بالفندق ادق ياخذون الهدوم يغسلونهم ويردونهم

بس تعالي شوفي الحساااااب:eh_s(1):


فسؤالي مافي طرق اخرى للي يسكنون فناااادق ؟؟


والف شكر

هلا حبوبه ..

شوفي لما كنت مع اهلي ونسافر اوروبا دايما نسأل عن اماكن الغسالات العامه ونروح نقط اهدومنا بالغساله واذا اخلصت نقطها بالنشافه ونرجع ..

وبالنسبه لامريكا كل فندق او منتجع فيه غرف غسيل (غسالات ونشافات) مكاين تحطين فيها فلوس واطلعلج صابون وحطي فلوس بالغساله والنشافه وغسلي ..


واذا رحت مكان مافيه غسالات (مثال شرق اسيا) واللاندري مالهم غالي فاخذ معاي هدوم قديمه ما ابيها واقطها اهناك علشان ما اغسل لوول ..

بس ترى غسيل الايد شغل عدل انا جربته بسفره من سفراتي صج قلت بعدها توووووووووووبه بس نزل وزني 5 كيلو باسبوعين هيهيهي

:tek:​

 

[ميني كويتيه]

اللة يخلي صابونة الفندق و بالمغسلة انقع الهدووووم


هههههههههههههههههههههه

 

[أم صالح]

انا بعد اخذ معاي صابون هدوم واغسل بحمام الفندق واعصر يدوي وانشر عالكرسي بس الملابس الداخليه والتي شيرت حق اليهال والقدم اقطهم هناك

 

[MyLittleBerry]

والله انا ادق على اللاندري مال الفندق الله يخليهم يغسلونه ويكوونه جنه يديد ولا انا لو بعتمد على غسيلي لا بالله خربت الهدوم كلها

 

[malekatsabaa]

والله انا ما حب اغسل بالسفر خاصه اذا فندق لان الحمام تكرمين يصير رطب

يا آخذ ملابس ما ابيهم واقطهم هناك او اغسل الاشياء الضروريه فقط باييدي واحيانا بالاندري بعدشاسوي!!

 

[[Q8TYA]]

الله يسلم الصابون اللي يحطونه الفندق قعدي وغسلي بالحنفيه .. وعادي ترا سهالات كل يوم بيومه غسلي وماكو غسيل وايد .. اكثر شي الاندرويرات والدلاغات .. واذا بدي ابيض انصح يتودا المغسله لانه بغسيل الايد لونه يطلع مادري اشلون مايرد ابيض .. بس وباجي لهدوم نادر ماتتوصخ عشان تغسلينهم

 

[سمبوسة]

انا آخذ هدوم تكفيني كل السفرة علشان ما أغسلهم طبعا هدوم الطلعة والأندروير أغسله بايدي بالحمام أكون ماخذه معاي صابون من الكويت وأنشرهم في الخيط اللي بالبانيو اللي تسحبينه شكله جنه جرس هم حاطينه لنشر الغسيل واذا مو موجود أعلقهم ورا الباب وأودي معاي الأوتي الصغير مال السفر واذا ما كان عندي وقت عطيتهم الفندق بس والله حرام حيل مبالغين في أسعارهم

 

[ديرتي الغاليه]

نفس الحاله معاي صابون واقعد اغسل اخر الليل واعصر واحطهم علي بيبان والكبتات والكراسي <<<<دمرت الفندق هههههههههههه والصبح الله نظاف وناااااااااشفين ههههههههه توفيييير

 

[قهوة عربية]

مثل ماقالوا البنات

ناخذ صابون ملابس معانا من الكويت وهدومي وهدوم زوجي وعيالي الداخلية يومياً تنغسل والملابس الخفيفة مثل الدلاغات والتي شيرتات كله بايدي أنقعهم بالبانيو وأغسلهم واشرهم بالغرفة على الكراسي والغنفات حتى الأباجورات أعلق فوقهم

ودول أوربا لاتحاتين روحي عند أي مكان فيه غسالات بفلوس وحطي هدومكم بالغسالة ثم النشافة

دول شرق آسيا ماعندهم غسالات نفس دول أوربا ...والله أنا وديتهم مصبغة الفندق ....وبصراحة مو غالية وايد

انتي بعد مو كل يوم بتودين هدوم يعني بالأسبوع مرة أو مرتين


آخر ثلاث أو أربع أيام ....ماأغسل الهدوم ...أفضي جنطة خاصة للهدوم الوصخة وأحطهم كلهم وبالديرة نغسلهم

 

[غيـ الناس ـر]

انا اخذ هدوم كافيه معاي حتى الاندوير اخذ 20 قطعه وله اكثر وما اغسل احطهم بجيس وارد فيهم الديره

 

[بنت جنيف]

آخذ معاي صابون من الكويت اغسل ملابس عيالي بيدي اما الاندروير اخذ شي رخيص كل لبسة واقطه اما تي شيرتات زوجي وجنزاته وقمصاني انا مصبغة الفندق نغسلهم اخاف يختربون