سؤال ما بعد تطهير الرضيع !!!

[غنوة ستايل]

قوه بنااات
انا من يومين طهرت ولدي
والحمد الله بسرعه طاحت الشاش .
بس المشكله في اثر للشاش مو راضي يروح ملتف على حق الياهل . ولازق حيل من تحت
احط له كريم . وحطيت له زيت زيتون احسه مو نافع
حاولت انقعه اكثر وقت ممكن بالماي الدافي . واشيله ما قدرت يصارخ حيل من امسكها شسوي ؟

 

[آهات الليل]

رد : سؤال ما بعد تطهير الرضيع !!!

ياحياتي عور قلبي ان شالله تشوفينه معرس يارب وديه الطبيب
انا عندي بنوتات ماعرف حق سوالف التطهير ان شالله يفيدونج البنات
ترا عندنا بنات للزواج هههههههههه دام طهرتوه لووووووول

 

[ام غازي الصواغ]

ودي الطبيب احسن وما يشوف شر ان شالله

 

[rora_q8]

حبيبتي وديه الطبيب

 

[nazek_q8]

حطي عليه زيت زيتون خلي دايما مدهن وراح يطييح انا صار جذي بولدي في بقايا ظلت والئمت مع الجلد وراحت

 

[ام عفاف الكويت]

شوي شوي عليه
اول شي مبروك صار رجال لووووووووول << يقولونها لنا
انا كنت حاطه لولدي حلقه اسهل بروحها طاحت
بس بالنسبه للشاش قالوا نقعيه بماي وشيليه وهو داخل الماي
وان مافاد جيبي زيت زيتون وامسحي وشيلي يفج

 

[خبيرة اعشاب]

رد : سؤال ما بعد تطهير الرضيع !!!

لا تشيلينه .................


حرام مو ملتئم ...


بس صبي عليه زيت زيتون و خوا جوا غرقيه

و خليه جذي كل ما بدلتي له صبي زيت زيتون رح يطيح خلال يومين ان شاء الله

و ان شاء الله اتشوفينه معرس

وين طهرتوه ؟؟ عند مشتاق ؟

 

[ريكاتو]

انا طهرة ولدي اسم الله عليه بس ماحطوا له شاش فيه كريم خاص حقة وبعدين عطانا مثل الكب اغطيه فية فتحة حق تكرمون البول بس ليما التأم وراح

 

[^noonaa^]

اححححح حرااام لا تتعبثين فيها وديه الطبيب يشوفه مسكييين

 

[الأميرة جوري]

رد : سؤال ما بعد تطهير الرضيع !!!

شااااش وايد زين ....احسن من الحلقه والخياط ....انتى خليه ولاتلمسينها حطى زيت زيتون ولبسيه البامبرز والله يكرمج بول علاج له يعني خلي البامبرز تنترس لاتغيرينها الا اذا سواها وبروحها تروح بس حرام جرح وملح مايصير .....انا كل عيالي جذيه مجربه معاهم .... وطيبون ويطيح الشاش بسرعه

 

[غلاي امي وزوجي]

اتعلم علشان ما اخاف

 

[منيرة خالد]

ما شاء الله على البركة صار رجال زوجيه


عاااادي يا قلبي انا مريت بهالمرحله


مره شاش وكريم ومره حلقه


بالشاش خليه لا تتعبثين فيه ابد كرمج الله البول اهو اللي يطيح الكريم اللي حولين الراس واحرصي على الكريم كل ما غيرتي له ولا يبجي مو زين له - وجربت الحلقه والله مره واحد من عيالي تعلقت مندلده ما سويت شي بس غسلته بالماي الدافي وحطيت عليها زيت لمدة يومين وطاحت من نفسها

الله يخليه لج وتشوفينه اول شي متخرج من الجامعه وبعدها معرس لابس بشته

 

[غنوة ستايل]

رد: رد : سؤال ما بعد تطهير الرضيع !!!

لا تشيلينه .................


حرام مو ملتئم ...


بس صبي عليه زيت زيتون و خوا جوا غرقيه

و خليه جذي كل ما بدلتي له صبي زيت زيتون رح يطيح خلال يومين ان شاء الله

و ان شاء الله اتشوفينه معرس

وين طهرتوه ؟؟ عند مشتاق ؟

اي والله ياقلبي عند مشتاق

 

[غنوة ستايل]

ما شاء الله على البركة صار رجال زوجيه


عاااادي يا قلبي انا مريت بهالمرحله


مره شاش وكريم ومره حلقه


بالشاش خليه لا تتعبثين فيه ابد كرمج الله البول اهو اللي يطيح الكريم اللي حولين الراس واحرصي على الكريم كل ما غيرتي له ولا يبجي مو زين له - وجربت الحلقه والله مره واحد من عيالي تعلقت مندلده ما سويت شي بس غسلته بالماي الدافي وحطيت عليها زيت لمدة يومين وطاحت من نفسها

الله يخليه لج وتشوفينه اول شي متخرج من الجامعه وبعدها معرس لابس بشته

جزاج الله كل خير ياقلبي

 

[غنوة ستايل]

اتعلم علشان ما اخاف

هههههههههههههههههههههههههههههههه عسى الله يقومج بالسلااامه:sfg:

 

[روان_الكويت]

واي شموديكم لمشتاق مطهره ولدي عند دكتور جراح اطفال مصري بالسلام يهبل طهاره لا شاش وحلقه ولا شي بعد العمليه شافه وشال الشاش وعلمنا يقول بس كريم غرقوه كريم نوع معين معطينه وماشالله تبارك الرحمن اشزينه طهاره

وديه حبوبه الطبيب وكل غيار حطيله زيت زيتون ونقعيه مرات بماي دافي والله يحفظ وليدج لج

 

[ام بديير]

حبيبتي انا جربت الحلقه ,., حطي زيت زيتون وخليها لما اطيح من بروحها ,., واذا صار له اكثر من اسبوع وديه الطبيب ,., والله يخليه لج انشالله

 

[%ورد طايفي%]

سلامته وغرقيه بالزيت عشان يطيح قبل يبني عليها اللحم انا ولدي صار فيه نفس ولدج والله يخلي جدتي وامي شالوه بشويش وبالزيت