سؤال لمن تأخرت بالحمل ثم حملت

[sweet-rose]

السلام عليكم ،

انا وحدة احب القهوة يعني ستار بكس والنسكافيه وهالسوالف .. وصار لي ثلاث سنين احاول احمل بس مالله كتي ، هل ممكن القهوة اتقلل الخصوية ؟؟؟ علما باني سويت تحاليل هرمونات قبل 3 شهور وكل شي الحمد لله تمام .


منو جربت قطعت القهوة او ما قامت تشربها يوميا وحملت ؟؟؟

 

[ماي الورد]

انا صراحة سمعت ان النسكافية يقلل من التبويض لان فيه مادة مركزة فما ادري هل هالكلام صح او غلط لكن اشوف ناس وايد يشربون شاي وقهوة ونسكافية ويحملون طبيعي ماشاء الله عليهم
احنا من كثر ما تاخر عندنا الحمل قمنا نشك بكل شي نشربة او ناكله شكلنا بقى لنا اشوي وندخل مستشفى المجانين الله يكون بعوننا والله ومافي اصعب من الانتظار

 

[ايمانو حلوة]

لا حبيبتي ماله شغل القهوة والنسكافيه ابموضوع الحمل يمكن في شي ثاني سوي اشعة صبغة وسوي منظااار اذا تحاليلج اوكي
وخلي ريلج يفحص ضروريييييييي

 

[m e m e]

ماله شغل القهوه تأثر على الحمال نفسه ماعتقد له شغل بالمحاوله بالانجاب
اللي يأثر الزقاااير

 

[q8nina]

والله مدري انا زوجي دايم يقول قللي من الكافيين لانه يأثر


واحس انه ماله شغل

لان بنت خالتي تموت على القهوه العربيه والفرنسيه والتركيه والكابتشينو ودايم يوميا تشرب منهم

وماشالله عليها اول ماتزوجت هم تشرب وحملت من ثاني شهر

كله توفيق من الله

 

[كويتيه مذهله 87]

شوفي

انا بالدوام اشرب مرتين قهوه تركي
واشرب نسكافيه وغير القهوه العربيه

سبحان الله حملت بعدها بشهر

يعني اول كنت بس اشرب نسكاافيه

ولمن صرت مدمنه قهوه حملت خخخخخخخخخخخخخخ واتذكر الي معاي بالدوام والله اشوي وتذبحني تقوولي بسج قهوه بتمووتين


بس لمن حملت قطعتهاا

ماله شغل يقلبي

 

[درابيل وحليب]

ياما ناس تخربط بالاكل و يدخنون وووووووو
و يحملون مثل الماي
لا توسوسين

 

[ام يوسف القمر]

والله اختي انا كنت ماصدق بس مرة باحد الجرايد حاطين انة عالم سوة اختبار للعقم لكل اللي يشربون قهوة مايحملون بسرعة الله اعلم

بس اللحين الدنيا تخرع وصار كل شي سبب فليش تشربين وايد قهوة وبعدين الكافين ياثر بخصوبة موشرط هذي تشرب تحمل وهذي لالا بس اسباب
فانصيحتي لج خففي ولا تشربين الا المفيد

الله يارب يرزقج ويرزقنا

 

[bnt_kwt]

لا اخني ماله علاقه كلش
ولا في ربط بين القهوه ومشتقاتها وتأخر الحمل

 

[sweet-rose]

السلام عليكم/

انا زوجي عنده مشكلة وعالج وحملت طبيعي ، والحين رد يعالج مرة ثانية عشان احمل بس قلت حتى انا ابي احافظ عى روحي وابتعد عن الشياء اللي ممكن اتاثر

 

[lolaaaa]

انشالله تحملين و تيبين توأم باذن الله

 

[فوز الكويتية]

حبيبتي ماله علاقه القهوه أنا إدمان بالقهوه العربيه والقهوه الفرنسيه والنسكفيه والحمدالله توني حملت من ثلاث سنين ونص زواج

 

[rwwany]

انا سمعت انو الكافييييين الي بالقهوه والكولا ياثر على قوه التبويض والله احترنا