سؤال للي سووا ملجة في البيت ؟ لا تقصرون معاي

[كتكات احمر]

مشكووووووووووووووورين بناااااااااااات

وعسى الله يوفق الجميع

 

[كتكات احمر]

make a wish

على جم تسوين الكوشة والزفة ؟

 

[white**angel]

الف مبرووك
سويي كل شييي حجزي مصوره وبوفيه و دي جي و كوشه سويهااا حفله احلى شي ما ينسي هاليوووم

 

[نيو سيدنى]

"سبحان الله وبحمده سبحان الله العظيم"

 

[OM3YAL]

موضوع حلو يعطيكم العافيه بنات

 

[marimor]

طبعا راح تحطين كوشه ناااعمه

و دي جي و توزيع حلو وعصاير وبوفيه

 

[kaify q8ya]

حبوبه سوي حفله وحطي كوشه في كوشات ايون صغار ونعومين ينفعون حق البيت لما كنت ادور كوشه حق ملجتي حتى ب 100 دينار شفت بس انا سويت ملجتي بصاله علشان جذي اخذت كوشه كبيره وحطي دي جي ودخلتج خل تكون بزفه ويباب واستانسي وخل حبايبج يستانسون فيج ولبسي فستان حفله ومسكه نعومه وقعدي وصوري مع اهلج قبل لايدخل وبعدين يدش يسلم عليج وتقعدون اييبون لكم الدبل وعقب العصير نقي لج اغنيه حق الدبل والعصير انا حطيت اهتم فيني واذا تبين بعدين ترقصين والا كيفج انا رقصت على فرس فرس وبعدين اييبون لكم الكيكه تقصونها وتوكلون بعض ولي بغيتو تطلعون غيري لبسي بدلة طلعه واذا انتي متحجبه خلي تسريحتج نعومه ونازله شويه علشان لما تلبسين شيلتج مايكون راسج اشكبره فشله وييبي مصوره حرام كل هالكشخه وماتصورين
واكيد بوفيه وعصير فرش وشاي وحلو وقهوه عربيه والف مبروك ياعروس تتهنين ان شاءالله

 

[kaify q8ya]

نسيت اقولج اذا معازيمكم وايد يمكن تحتاجون تاجرون كراسي واذا المكان راهي الاحسن طاولات مدورين وكراسي وجهزي مواعين الحلو وقلاصات المعاريس وشي حلو تحطين فيه الدبل اختي حطتهم في بوكيه ورد طبيعي وحاط فيهم مثل شوكه بلاستك علقنا الدبل عليها كان شكله وايد حلو وانا يبت علبه فضيه على قلب الحب حطيت فيها الدبل ونفسها قلاصات العصير ونفسها سكين الكيكه وجهزي السكين والشوك حق الكيكه لماتقصونها يبيلكم سكين شكلها حلو اوالسيف وطاوله حق الكيكه والكلنكسات حق المعازيم والمسكه كل هالاشياء خليهم على بالج اذا لج نيه بس حبيت اذكرهم لج وانتي براحتج شوفي شنو الي حابه تسوينه وموفقه يارب

 

[•Brown•Sugar•]

اذا ماراح تسوين عرس لازم تييبين ديجي وتحطين كوشه
اذا عندكم سرداب خوش
تشيلون القنفات وتحطوت كراسي
وتطلبون بويه وتحطونه باخر السرداب بمكان صاد شوي
والديجي يركب لكم السماعات ويكون بالدور اللي فوقكم
ولازم حلو التقديم والموالج والعصاير
واذا تيبين خدمه فلبينيات ضيافه احسن
ع شان لايصير حوشه واشياء مقططه ع الطاولات
وشوفي هذا المكياج

 

[مولاي الفرج]

مبرووك حبيبتي صادفتج بقسم الزوجيه الله يوفقج

اب لعيونج

 

[كتكات احمر]

انزين ابي رقم واحد ياجر طاولات وكراسي ملبسة الصالة صغيرة مالت الاستقبال
يعني اهل المعرس بالصالة وفي صالة ثانية داخل البيت بس تحت يعني بحط فييها البوفيه شكله مو شي
بس بحاول انسق

ابي رقم تاجير كراسي وطاولات ملبسة منو عندها بنات ؟ ويكون موثوق مو يوهقني وقت الصجية

 

[كتكات احمر]

kaify q8ya
Brown•Sugar•

ماقصرتوا يا بعد قلبي فالكم الفرح لوووووووووووول

 

[كتكات احمر]

بنات انقاذ

كاسات العصيرملوت العرسان الكشخة وين القاهم ؟ ابي شي ذرررررررررب وهم بعد الدبل شحط لهم ؟؟

 

[gmar al-kuwait]

الف مبروك وعسى الله يوفقكم

 

[أم علي الرفاعي]

لازم شي يشتغل
عشان تدشين على زفة حتى لو كانت بسيطة

وبوفيه وتقديم

بعد اشبقى على الحفلة ؟؟

اهيا حفلة كاملة
حتى لو معازيمكم شوية

 

[فاطمه العلي]

موفقة حبيبتي

 

[أحبج يمه]

موفقة حبيبتي البناات كفوو ووفو

 

[" أضـــــوى "]

انزين ابي رقم واحد ياجر طاولات وكراسي ملبسة الصالة صغيرة مالت الاستقبال
يعني اهل المعرس بالصالة وفي صالة ثانية داخل البيت بس تحت يعني بحط فييها البوفيه شكله مو شي
بس بحاول انسق

ابي رقم تاجير كراسي وطاولات ملبسة منو عندها بنات ؟ ويكون موثوق مو يوهقني وقت الصجية

مكتب هب السعد ذربيييييييييييييييييييييين واسعارهم وايد مناسبه
اخذي البيج اللي فيه نقشه نفس اللون
مرتب ووو معرووووفين
مكانهم وين نادي المعاقين اللفه الي عقبه يمين على طول دخليها
تييييج اشاره لاوقفتي عندها لفي يسار تشوفينه

 

[كتكات احمر]

انزين اضوى عندج رقمهم ؟ تنقذيني فيه ؟؟

 

[" أضـــــوى "]

موعندي مضيعته

شوفي البداله

او روحيلهم عالوصف

والله خوووش شي ..

ماقلتيلنا وين قررتي البوفيه ..والحلو