سؤال للي جربوا التلقيح الصناعي

[bnt_kwt]

واي شمسه الله يسمع منج انشالله ونحمل كلنا بتوم

الغلا كله حياتي شخبارج عساج طيبه ؟؟ مشكوره ي عمري على الفايده

النويره الله يفرح قلبج انشالله ويرزقج قولي امين

الفنانه حبيبتي الله يتمم على رفيجتج ويرزقنا مثل ما رزقها

فن وذوق الله يعوضج انشالله بالقريب العاجل ويفرح قلبج بتوم


بموت على التوم انا هههههههههههههههههههههه

 

[جارة القمر]

صج أنا أذكر بعد التلقيح


دايما ظهري وبطني يعوروني

لين عزكم الله تنزل الدورة

والله يرزقنا يارب

وأنشوف البطن كبير جدامنا

 

[bnt_kwt]

امين يارب العالمين

 

[كويتيه مذهله 87]

اسفه علي التاخير
انا اختي عالجت عند الدكتوره فوزيه القطان لان صارلها سنتين ما حملت
عالجت عندهاا اول شي كلوميد مانفع معااها سوت تلقيح صناعي وحملت من اول مره بس بالسادس توفي ابطنهااا لان اذكر تقول جريت المكتبه وتوفي ابطنهاااا
بعدين بعدهاااا بشهرين حملت طبيعي
وانشالله ياربي يرزق كل محرومه يارب

 

[ياشايل الظبى]

انا سويتها مره فى امريكا
وتعبت نفسيا .. من الابر .. وكنت اخذ ابر ليبرون ..
بس فشلت .. والحمد الله على كل حال
بالنسبه للعنايه فى المستشفى كانت ممتازه واكثر بعد لانك تحسين بالعنايه والتعاطف من الطاقم كله
خلف الله على مستشفياتنا

 

[bnt_kwt]

اي والله خلف الله على مستشفياتنا

والله يعوض عليج يا تارجت

 

[bnt_kwt]

نبي بعد تجارب
اشدعوه عاد

الله يهديهم في ناس حتى لو يعرفون معلومات ما يحبون يساعدون

مع انه الموضوع للفايده حق الكل

 

[ألوي الكويت]

انا سويتها مرتين وما انجحت

 

[bnt_kwt]

ألوي الكويت

وما تحبين تعيدين التجربه ؟؟

وما قلتي لنا وين سويتيها

 

[ذكريات]

انا ما سويت

بس قريت انه لازم ما تتسبحين بماي حار و لا تقربين من العطور القوية و البخور و اكييد الراحة

 

[مظلومه ياناس]

بنات انا مرت اخوي تعالج عند ماجده اليتامى وطولت بالعلاج وبعدين سوت تلقيح صناعي عندها وحملت باربع بنتين وولدين بس بالسابع ماتو ليش ماندري يقولون الرحم صغير ولاتسالوني عن التفاصيل لانه علاقتي معاها مو ذاك الزود واهيا ماعلمت احد الا لمن سوت تنظيفات تالي عرفنا انها حامل بتوائم والله يعوضها ويعوض الكل

 

[bnt_kwt]

مشالله 4 توائم

الله يعوضها انشالله بغيرهم ويرزقنا معاهم يارب

مشكوره حبيبتي على المشاركه

 

[ألوي الكويت]

ألوي الكويت

وما تحبين تعيدين التجربه ؟؟

وما قلتي لنا وين سويتيها

والله خايفه اعيدها اخاف ماتنجح
مع ان كل شي سليم انا وزوجي بس سبحان الله ماصار حمل
سويتها بدار البراء كلينك
دكتوره ماجده

 

[bnt_kwt]

انا سمعت انه كل ما كررتي التلقيح نسبه النجاح تزيد
وانشالله تنجح مره ثانيه دام مافيكم شي انشالله

 

[أم الطيب]

انا سويتها 3 مرات
وماصار حمل
والحمدلله على كل حال
مره بمستشفى الاحمدي وقالتلي مارسي حياتج الطبيعيه بشكل عادي
ومرتين بالسلاام عند د. علي النمر وقالي نفس الكلام وانا ارتحت زياده بعد
وسويت انابيب عند فوزيه القطان وماصار وقالتلي مارسي حياتج بشكل عادي
والسبب ان الحيوانات ضعيفه وقليلة
وقررت اني اما اسوي بعد اي شي لاني واااااااااااااااااااااااااااااااااااااايد تعبت نفسيتي وحياتي انقلبت فوق حدر

بس بقول نفس ما قالت شمسه
ماااااااااااااااااااااااااااااااكو رعايه ولا اهتمام وشغل بسرعه بسرعه وعلى البركه
اذكر لما سويتها عند د. علي سوا حق 6 حريم بنفس الوقت


ما اقول الا
الله يرزقنا عاجل غير اجل ونشوف بطونا جدامنا متر حبيباتي
والله لا يحرمنا من هالنعمه ويعطينا الذريه الصالحه المعافاة
والله خنقتني العبره ، يلله الحمدلله علىكل حال



بس الحين قاعده افكر اني اعيدها عند د.امل عبدالعزيز

 

[bnt_kwt]

ام الطيب حبيبتي ما عليه متى ما الله اراد راح يصير لنا كلنا هالشي
كلها كتبت رب العالمين لا تضايقين روحج ولا شي التفاؤل حلو والامل بالله كبير ولا تيأسين عيديها مره واثنين وثلاث واربع منتي خسرانه شي

والله كريم انشالله يبرد قلبج وقلبي وقلب كل محرومه من الذريه لانه فعلا اللي ما عندها عيال والله تحس بالنار بصدرها والحره والقهر

والله والله والله اني انا اغلب ايام انام ودمعتي بعيني والسبب هالشي بس هم ارد واقول الحمدلله اللي انا بأحسن حال واتم صحه وانا واقوم واتحرك ومافيني شي

 

[أم الطيب]

ام الطيب حبيبتي ما عليه متى ما الله اراد راح يصير لنا كلنا هالشي
كلها كتبت رب العالمين لا تضايقين روحج ولا شي التفاؤل حلو والامل بالله كبير ولا تيأسين عيديها مره واثنين وثلاث واربع منتي خسرانه شي

والله كريم انشالله يبرد قلبج وقلبي وقلب كل محرومه من الذريه لانه فعلا اللي ما عندها عيال والله تحس بالنار بصدرها والحره والقهر

والله والله والله اني انا اغلب ايام انام ودمعتي بعيني والسبب هالشي بس هم ارد واقول الحمدلله اللي انا بأحسن حال واتم صحه وانا واقوم واتحرك ومافيني شي

الله يسمع منج ياعمري والله خنقتني العبره وانا اقرا كلماتج
بس احنا خسرانين ياقلبي وايد بعد
النفسية والاعصاب والفلوس والايام يلي قاعده تركض بسرعه

الحمدلله على كل حال واحن احسن من غيرنا على الاقل عندنا يلي نقدر نتعالج فيها ويلي غيرنا ما عندهم

الله يرزقنا وكل محرومه عاجل غير اجل ياااااا عمري

 

[bnt_kwt]

لا يا قلبي ذكري ربج لا تخنقج العبره
وعلى قولتج خسرانه وايد لا والله منتي خسرانه

صرخه تطلع من ياهل نايم بحضنج تنسيج كل التعب والخساير

قوي قلبج والله كريم يا عمري وكرريها العمليه والله ما يقصر

 

[لحن الرحيل]

انا بعد حملت بعيالي عن طريق اطفال انابيب

بمستشفى الملك فيصل التخصصي بالرياض

والحمد لله ربي رزقني بالمره الاول بنت واللحين عمرها بسم الله عليها 10 سنين

ولما صار عمر بنتي اربع سنين عدتها مره ثانيه والحمد لله ربي رزقني

توام ولد وبنت واللحين بسم الله عليهم عمرهم خمس سنين

ربي ان شاء الله يكتبلكم كلكم الذريه الصالحه

لانج لما تحسين انج محرومه منهم تموت من الحره لكن الحمد لله على كل حال​

 

[bnt_kwt]

الله يخلي لج عيالج يارب وتفرحين فيهم
ويتربون بعزج وعز ابوهم قولي امين والله يرزقنا ويجبر خاطرنا مثل ما جبر بخاطرج