سؤال للي جربوا التلقيح الصناعي

[bnt_kwt]

السلام عليكم
هذا سؤال احب اوجهه لكل الخوات اللي سووا تلقيح صناعي
وسواء نجح معاهم ولا لأ الموضوع للفايده نبي نعرف تجاربهم

وشنو اللي كانوا يتجنبونه بهالفتره وشنو اللي لازم يسوونه وكل وحده وين سوت التلقيح

وكل شي بالتفصيل الممل

اتمنى انى القى تجاوب معاي علشان تعم الفايده على الجميع

ويعطيكم العافيه

 

[bnt q8 in usa]

رفيجتي سوته عند معصومه مخصيد:بالفتره هذي ماتلعبين رياضه
وبس تمارسين حياتج العاديه ولاتاكلين اشياء حاره مثل الاناناس بقدونس
وتعرفين الشغلات الحاره ماذكرها
بس ماشالله يابت توم بنت وولد

وعسي انشالله اذا بتسوينه من اول مره تحملين يارب
تذكرت اول ماسوته اول مره ماصار وبعدين جنه ريحت شهرين ماذكر
بس بعدها صار الحمدلله

 

[قمر ضاوي33]

انا سويت تلقيح صناعي في وحدة اطفال الأنابيب بالصباح اول مرة فشل بالمرة الثانية حملت ...

بنتي الحين عمرها سنتين ... وعدت التلقيح الصناعي 4 مرات الحين وما حملت سبحان الله ...

بعد التلقيح مارسي حياتك بشكل طبيعي بدون اجهاد اوحمل شي ثقيل او نزول وصعود الدرج ...

 

[bnt_kwt]

حبايب قلبي بنتوتتنا بامريكا وقمر ضاوي
مشكورين وما تقصرون

قمر ضاوي ربي يخلي لج بنيتج ويرزقج باخوان حقها انشالله


باجي البنات يالله نبي تجاربكم للفايده

 

[شمسه]

حبيبتي أنا سويت تلقيح 4 مرات عن د. ماجدة اليتامى
ومرة عند ناهدة .... والحمد لله على كل حال ما نجحت ولا مرة ........

في مرة خذيت سيروفين نوع من أنواع المنشطات والباجي كله آخذ أبر تفقيس للبويضة

وبعدين طلع لي جيس على المبيض اليمين نتيجة المنشط الي خذيته

اي ... والله بصراحة ولا واحد من هالأماكن الي رحت لها حسيت انها أماكن متخصصة يعني بالنسبة لتحضيري أو لتحضير عينة زوجي ... علما إن المشكلة الرئيسية عند زوجي ضعف في العدد والحركة

يعني كلششش كنت مو متفائلة سبحان الله لأن كلا مستعيلييين وخبط ولزق الطريقة أحسها .... وهمن الله عز وجل ما أشاء

الحين أنا ناويه أسويها عند أسامه صالحة بعد فترة وبشووف النتيجة

وعلى فكرة مره من المرات الي سويت فيها تلقيح ..... سويت تحليل دم قبل لا أراجع الدكتورة

وقالت لي لا ابشري انشالله حامل

لان كانت النسبة وايد عاليه من السيروفين

ولكن سبحان الله ما كان في حمل ولا شي .....

 

[قمر ضاوي33]

bnt-kwt مشكورة حبيبتي على عالدعوة الحلوة

عسى الله يرزقك بالذرية الصالحة بالقريب العاجل يا رب ويعوض تعبك خير ان شاء الله

 

[^DanaH^]

شمسه نصيحه اذا زوجج نسبه الحيوانات المنويه اقل من 5 مليون لا تضيعين وقت بالتلقيح الصناعي على طوووول المجهري اللي اهو طفل انابيب .....

 

[bnt_kwt]

الله يرزقج يا شمسه ويفرح قلبج قولي امين

 

[-Bello-]

الله يسهل عليكم ويرزقكم اب اقرب وقت اللهم امين

 

[bnt_kwt]

الله يتمم عليج يالبنوته ويوفقج

 

[جارة القمر]

أنا سويته بكذا مكان

وبكل مكان كان العلاج غير

أول مره جربته بمتشفي الراشد

قبل التلقيح عطوني بس حبوب وقبل العملية ابرة تفجير وسويت العملية مرتين باليوم

وبعدين جربته عند فوزية القطان
عطتي ابر وابرة تفجير وسوتلي التلقيح مره وحده

وبعدين راحة تامه

بس تقعدين لين وقت نزول الدورة ظهرج يعور


طيبه كلينك

سويته يومين وراء بعض

وعطوني قبله حبوب

وسلامتج

 

[bnt_kwt]

مشكوره جويره على المعلومات المفيده
والله يكتب لج الصالح انشالله

 

[Q8tya_GirL]

انا سوويته ثلاث مرات بمستشفي لندن وما صار حمل بس الشهر اللي وراه والا انا حامل بدون علاج الحمدالله على كل حال

 

[Q8tya_GirL]

ونسيت ما اقولج بنت الكويت انه كان يقولى الدكتور عادي مارسي حياتج الطبيعيه وعطانى ورى التلقيح تحاميل تثبيت كل يوم احطهم صبح و ليل وسلامتج

 

[الفنانه79]

حياتي بنت الكويت
انا رفيجتي كان فيها ضعف بالتبويضوراحت عند فوزيه القطان وعطتها منشطات ابر الميناجون وبعدين ابرة التفجير وبعدها سوتلها التلقيح الصناعي يوم واحد بسسسسسسس
بعدها بسبوعين حللت حااااامل والحين اسم الله عليها فيها (ثلاث توائم) عسى الله يخليهم لها ويحفظهم قولوا اميين

والفال لج يابنت الكويت اللهم امييييييين

 

[شمسه]

آميييييييييييين حياتي بنت كويت

وجزاج الله كل الخير حبيبتي وعسى الله يرزقج ويرزقني ويرزق كل محروووم بالذرية الصالحة يا أرحم الراحمين

 

[bnt_kwt]

ياااااااااااااااااااارب يارب يارب
كل وحده فينا الله يرزقها بتووووووووم يبرون قلبها قولوا امين

واي عاد اشكالنا ويا بطوووووووووننا متى ايي هاليوم واشوف فيه بطني جدامي متى يارب

 

[شمسه]

ههه يا زينج وبطنج متر جدامج ..... واي والله أنا عندي هذا أحلى شكل ممكن أشوف فيه المره ..... أحس شعووور عجيب

لا ولا يكون في بطنج تووم بنت وولد .... واي يا زينهم ..... استغفر الله العظيم يا رب مثل ما عطيت الخلايق العيال عطنا يا رب يا رب

 

[الغلاااااااكله]

الله يرزقج اختي بنت الكويت

ويرزق كل محرووووووووم

اذكر مدرستي التربيه الاسلاميه ايام الثانوي

متزوجه 13 سنه ماعندها طفل

سوت تلقيح صناعي اكثر من مره

وربي الحين رزقها ببنوته قموره الله يخليها لها

وعؤبالكم حبيبات قلبـــــــــــــــــــي

 

[فن وذوق]

انا سويته عند طيبه كلينك مرتين
في المره الاولى قالت لي مارسي حياتج عادي بس لا تشيلين شغلات ثقيله ولا تشتغلين بالبيت وايد بس ما نحجت العمليه
والثانيه قالت لي سوي جماع بعد التلقيح بيومين يوم وترك لمدة 4 ايام وبعدين امتنعي نهائي عن الجماع وعطتني ابرة تثبيت بعد التلقيح باسبوع وفعلا حصل حمل بس ما الله اراد انه يكمل والحمدلله على كل حال

بس في المرتين كنت احس بعوار فضيع بالبطن والظهر طول الفتره اللي بعد التلقيح