سؤال للي تاخذ فيتامينات Pregnaplan ؟؟؟

[virgo88]

احسن شي برقنا بلان ممتاز جدا

 

[ام فويزان]

انه كنت اخذهم ودكتوره مدحتهم لي بس ماقدرت اكمل عليهم لي انه كانو اثقال على معدتي

 

[بيبي بدر]

انا اخذهم واخذ معاهم حبوب الحديد والكالسيوم

 

[جمالي مو صج]

عادي اخذهم من اول شهر ؟؟؟ ولا مايصير

 

[ربيع_الروح]

انا كنت آخذهم

بس ترى من دكتورة لدكتورة يفرق
في دكاترة يكودون لج حبوب حديد وكالسيوم

وفي دكاترة بس بريقنابلان

 

[ربيع_الروح]

إختي جمالي مو صج

ما تاخذينها من أول شهر

أول شهرين بس فوليك آسيد


بعدين على الشهر الثالث تاخذين بريقنابلان مع فوليد أسيد


ومن الرابع لي آخر حمالج بس بريقنابلان




بس أرج وأقول من دكتورة لدكتورة يفرق
إنتي أحسن شي استشيري دكتورتج
وامشي على كلامها لأن اهيا ابخص بحالتج

 

[kingq8q8]

تهبل هالحبوب وممنازه لان فيها نسبه من زيت السمك اللي يغذي ذاكرتج وذاكرة الجنين

وسألت الدكتوره اذا هالحبوب كافيه ولا اخذ معاها فيتامينات ثانيه ..... قالتلي هالحبوب كل اللي تحتاجه الحامل من فيتامينات موجوده فيها

بس انا اخذ معاها كالسيوم المدعم بفيتامين دال لان انا فيني نقص فيتامين دال

 

[أبكاني ذنبي]

هالحبوووب واايد زينه انا آكلها من نص الثالث الين الحين

ودكتورتي تقول استمري عليها وللحين استمر ومرتاااحه عليها

مع اني بجريه وسويت تحليل وطلع الحديد ول شي زين ماعدا سكر الحمل ياني والحمدلله على كل حال

 

[so0os]

انا دكتوريوصفاي اياها من اول شهر قالي ليمن تولدين اخذيهم واتوقع النسبه الي فيها من فيتانينات كافيه اذا مافيج نقص بفيتامين معين

 

[حب1985]

انا الدكتور كاتبلي ياهم مع حبوب حديد وحبوب كالسيوم مع ان دمي زين الحمد لله بس هم يقول لي لا توقفينهم اخذيهم باستمرار

 

[عيون ملكيه]

اتوقع زين لج اذا انتي ما فيج فقر دم

لا تحاتين

و دكتورتج الاساسيه اهي اخبر بهالسوالف يمكن تحاليلج زينه ما تحتاج تضاعفين الحديد

و كل شي اذا زاد عن حده ينقلب ضده

 

[زمردة مشعة]

انا اخد حبوب pregnalife
ما اعرف ليش الدكتورة وصفتلي اياهم يلي عندها خبرة يا ريتقولي ؟
مشكورين

 

[Q 8 Y A t]

الدكتورة الثانية الظاهر تبي تربح صيدليتهم


ما عليج منها. انا حامل واكلهم يهبلون بس يسبب لي امساك مو طبيعي

 

[حنووونه25]

انا كاتبتلي دكتورتي واستخدمت بقنا ابلان وحديد وكالسيوم
ومراجعتي باجر يمكن اتشيل عني الحديد واتخليني عالبرقنا ابلان والحديد بس
لا يكفي وايوفي