سؤال للي تاخذ فيتامينات Pregnaplan ؟؟؟

[قشطـــة]

السلام عليكم

انا كنت اخذ برقنابلان ولله الحمد مرتاحه عليهم ..سألت دكتورتي عنهن قبل لا اخذهم وقالت لي وايد اوكي فيهم كل شي تحتاجينه بالحمل .. المهم دكتورتي طلعت اجازه وشوفت دكتور ثانيه عبال ماترجع .. عاد مادري ليش سألتها عن نسبة الحدبد اللي بالفيتامينات وهيه طبعا 17 ميلجرام قالت لي واااااااااااااااااااااااااااايد النسبه قليله لازم تكون 60 ميلجرام؟

الحين منو ياخذ نفس الفيتامينات هذي ؟ الحمدلله ماعندي فقر دم ... بس مادري اذا اكمل اخذهم ولا اغيرهم
وهم ناطره دكتورتي ترجع واسألها ... ياليت اللي ياخذون نفس الفيتامينات شو رايهم ...

 

[الريشة]

بدام ما فيج فقر دم كمليهم و لما ترجع دكتورتج سأليها عن الحديد
و الحديد تقدرين تاخذينه من الأكل مثل:
البرتقال و اللحم

 

[سلة فراوله]

انا اخذهم بس ماسالت عن نسبة الحديد ومافيني فقر دم بس مااعتقد ان النسبه قليله لان اهو مخصص للحوامل يعني اكيد حاسبين حساب هالشغله

 

[قشطـــة]

مشكورات خواتي .... هم انا قلت بنفسي اكيد النسبه صحيح مايحتاي اكثر بس خوفتني لما قلت النسبه قليله ولا شي لازم 60

 

["*آآآنؤؤؤقهـ*"]

انا كلتهم الكبسولات الحمرا كبار شوي من الرابع لحد قبل لااولد

 

[فله]

انا اكلهم وايد زينة وفيها حديد وفولك اسيد لاتغيرينهم لين تجي دكتورتج

 

[احلى سماء]

حتى زينه للرحم هالحبوب وتغذي الجاهل

 

[um_yoyo]

رد : سؤال للي تاخذ فيتامينات Pregnaplan ؟؟؟

اذا مافيج نقص حديد عادي بس اذا فيج نقص حديد يوصفون لج حبوب حديد اضافيه و استمري فيهم وايد زينين عن تجربه

 

[fofowa_q8]

انا اخذهم واخذ معاهم حبوب حديد لان نسبة الحديد عندي نازله

 

[جبنة بيضة]

لازم تستشرين دكتورة انا كنت نازلة نسبة الحديد و خذيت حبوب حديد معاه

 

[pink Flamingo]

رد : سؤال للي تاخذ فيتامينات Pregnaplan ؟؟؟

انا سمعت انه هالجبوب واااايد زينه و ذكي الياهل بس كملي عليهم وخل الدكتوره توصفلج حبوب حديد ازياده اذا تحتاجين

 

[الحلوه الأموره]

حبيبتي .. انا كل الدكاتره قالولي ان بريقنا بلان احسن شي حق الحمال .. واصلا لما تقرين النشره

مكتوب ان فيها الكميات المطلوبه عشان الجنين ..

وانتي اكلي عدل

نطري دكتورتج ترد وهم سأليها

بعدين عشان ترتاحين سوي تحليل حديد وشوفي الحديد بجسمج

لان البيبي ما ينقصه شي .. ياخذ من جسمج .. لكن انتي تحتاجين هالفيتامينات عشان لا تتعبين

 

[جبنة بيضة]

لازم تستشرين دكتورة انا كنت نازلة نسبة الحديد و خذيت حبوب حديد معاه

 

[غنوة ستايل]

انا اخذ برجلن بلان اول الاشهر كامله
ومن الشهر الخامس زدت عليهم كالسيوم ـ وحديد ـ وبرجلن بلان ( فصار 3 فيتامينات )

 

[Om Ali 86]

انا على حمالي الاول كنت آخذ حبوب حديد + مالتي فيتامين لأن دمي ضعيف
بس هالحمل اول مره تكتبلي دكتورتي على برقنابلان و الحمدلله ماشين علي و ما احتجت آخذ حبوب حديد اضافية

يعني اذا ما كنتي تحسين بالتعب و تحسين جسمج ضعيف او انج تحسين برقعه بالقلب لما تسوين مجهود معناته انتي ماخذه حاجتج من الحديد
و اذا تبين تتطمنين اكثر سوي تحليل نسبة الحديد و يبين اذا تحتاجين تاخذين حبوب حديد اضافية و الا لأ

 

[^noonaa^]

انا كنت اخذهم رووووعه وكنت اخذ وياهم حبوب الحديد ولازم تاخذين حديد لانه البيبي قاعد ياخذ منج انتي الحين مو حاسه بشي بس بعد الولاده راح تحسين بدوخه لانه كل الفيتامينات خذاها البيبي

 

[دمثة]

نفس كلام غنوة ستايل


انا اخذ برجلن بلان اول الاشهر كامله
ومن الشهر الخامس زدت عليهم كالسيوم ـ وحديد ـ وبرجلن بلان ( فصار 3 فيتامينات )

 

[Tulips]

انا قاعده اخذهم الحين حييييييييييييييييل دكتوري يمدح فيهم

 

[أحلى الألماس]

عاااااااااااادي اخذيهم واذا محتاجه حبوب حديد معاهم دكتورتج راح توصفه لج
اماااااااااااا الحبووب حلووووووووه ماعليها كلام

 

[قشطـــة]

مشكووووووووووووورات حبيباتي على الردود
انطر دكتورتي وشوف شنو تقولي عليهم ... الحمدلله اكلي زين ... وهم راح سوي فحص للحديد

ربي يتمم للجميع ويرزق الجميع ان شاءالله