سؤال للكل :منهي أحلى أبله عندج أو شسم أكثر أبله تحبينها؟ليش؟ وبأي مرحله؟ وشتدرس؟

[sweety - Q8]

احلى واروع ابله مرت علي

ابله غدير كانت تدرسني رياضيات بالمتوسطة الرابيــة
صج خلتني احب الرياضيات وللحين احبهاا واحب حصتها

 

[Ju$t a g!rl]

وي عآد آنا مافي أبله ما حبيتها >> ماكو شغل لووول
امممم
أول شي بالإبتدائي
( سعاد البصمان ) الله يذكرها بالخير تينن هالأبله اموووت بحصتها

بالمتوسط
( منال الركيبي ) اقتصاد منزلي
يوووه عآد هذي الأبله لو أتكلم مني لي باجر ماراح أخلص
أحبها حييييل ,, تحسسني جنها أمي فديتها والله ربي يوفقها وين ما تروووح
( أسماء العتيبي )عربي
حبيت العربي منها و إلى الآن احبه و السبب اهي , شرحها وآيد ممتع , و طيبه وآآيد
( فجر الديحاني )
أكثر أبله خلتني اتضايق يوم خلييت المتوسط وآآآي احبها موووووت طيبه هالإنسانه
ما ترضى على بناتها كله توقف معانا غير شرحها الحلوووو
( جليله الرشيدي ) حصتها و لا أروووع للأمانه كانت الحصه الوحيييده
اللي تجذبني ما اسرح فيها ولا أنام و أتشووق فيها ,, و أتضايق اذا غابت
( منى العدواني )- ( حنان الديحاني ) -( منى الشلاحي )-قسم الرياضيات كله -

بالثانويه
( هنادي الجسار ) عربي
امووووت فيها هالأبله توووونس حصتها وايد حلوووه و بعدين اللي فووق ^^^
تقووول عنها رافعه خشمها بالعكس أبله هنادي وينها وين الغروور حبووبه وآيد و قمه في الأخلاق
( بشاير البذال )
تهبل هالأبله دايمه مبتسمه و حتى و اهي تشرح تبتسم حبوووبه وآيد و اسلوبها وايد حلو
و تعاملها راقي الله يحفظها
( سحر - فيزياء ) - ( فاطمه الشلاحي ) - ( جميله الرشيدي ) - ( سعاد الخرينج )

صج الأبلات يخلووونج تحبين الماده الله يحفظهم أبلاتي يهبلوووون

و يسلمووو ع ــالطرح الحلووو :ggdw:

:bye22:

 

[ريحة الكويت]

مشكووووورة يا just agirl على كلامج الطيب

 

[Galb.sh]

طحنا علييييييج ابله جواهر اللي تدرس عربي وكان عندها عصايه اسمها محبوبه او حبوبه ههههههههه
اميمه بنت النعمان صح


انا كنت احب واموت بابله الاجتماعيات (( سعاد خداده )) ثانويه الفروانيه مقررات
وكنت اتمنى ادرس هالماده بالجامعه بس لسبب مرضي ما دخلت الجامعه
الله يوفقها يارب وين ما كانت

صج انتي اي دفعه كنتي بثانويه الفروانيه ..؟؟!

لان انا كنت فيها ... بس مااذكر ان في وحده ادرس اجتماعيات اسمها سعاد خداده .!
تعرفين أبله منى الفودري ..؟!

 

[Oml3i3n]

انا ام لست اولاد احب وانا اشتغل الحين احب ابلة نوال الزامل وللي عجبني فيها شخصيتها القوية درستني بمعهد السكرتارية

 

[RoRo_97]

ابلات العربي(هند-افنان-نوف-عهود-اسماء)
وابلات الرياضيات(فاطمه-ريم)
وابلات اجتماعيات(امال)
وابلات الانجليزي (رشا)
وبـــس

 

[أم الخجل]

انا كنت ابثانوية الرووووضة .. توني متخرجه تقريبا.... كل الابلات احبهم بس
اكثر ابلة احبها : ابله سميه >>>>تاريخ .. ابصراحه كلها ذرابه واخلاق واسلوب
و ابله نادية الفيلجاووي >>>> علم نفس ومن كثر ما احبها ان شاء الله راح اصيير ابلة علم نفس .. احبها لانها دايما كانت تشجعني <3

 

[تحداها بشر]

انا صــــراحة :

إيــــــمان _ علـــــوم

تهــبل هالابــلة واللهـ حــبوبــة

 

[رشيديه وافتخر]

انا احب مس فتووم << فاطمه بس هذا دلعها
يمه اموووووووت عليها
جان زين مو وجوده اهني
اسمها فاطمه العازمي بثانويه الدوحه

 

[بلا وجع قلب]

انا مالي شغل بأحد ولاني هاديه عاد محد يزفني عشان جذي احب ثلاث ارباع ابلاتي

بس الي صج صج اموووووووووووووووووووووووووووووووووووووووووووووووت عليهم

مـــــــــــــــــــــدام حنان فرنسي السنه الي 11 كويتيه الحين انتقلت للاسف بس هم ابلتي الحين تهبل مدام فكتوريـا

وابله اسـراء علم نفس بعد درستني ب11 تهـــــــــــــــــــــــــــــــــــــببببببببببببببببل هالأبله ماتملين من حصتها اتينن ماشاءالله عليها عليها طريقة شرح عجـــــــــــــــــــــــــــــــــــــــــــــــــــــــــــــيبه تفهمين تفهمين غصب

وابلاتي هالسنه كلهم يهبلووون بقول اساميهم كلهم لان يستاهلون والله

ابله منى الختلان << اسلآميه ياااااااااربي تحسينها اختج مو ابلتج حدددددددددددددددددها طيبه وتخاف على درجاتنا اكثر منا

ابله وداد تاريخ << صج شديده بس احسن حق مصلحتنا بس هم تسولف معانا وحيل طيبه

ابله زهره بوخمسين < جغرافيا اتيـــنن هالأبله

مس رينيتاااااا < انقلش يمه فديتها والله على كثر مااكره هالماده حبيتها هالسنه

مدام فكتوريـا <فرنسي < تشرح من قــــــــــــــــــــــــــــــــــلب شرحها وايد حلوووووو وحبوبه حيــــــــــــــــــــل

ابله بدريه < بدنيه < خذيت اختيار حر بدنيه عشان عندها اتــــــــينن وتسولف وتضحك معانا

ابله سحر العتيبي < دستور< وايد حبوبه هالأبله اتينن كلل المدرسه يحبونهاااااااااااااااااااااااااااااااااااااااااااا

واكثـــــــــــــــــــر ابله احبـــــــــــها واموووووووووووووووووووووت عليها واحب حصتها وقررت اتخصص نفس تخصصها وشرحها ايــــــــــــــــــــــــــــــــــــــــــــنن تحسين الماده سهله حدهاااااااااا

اهيا ابله وداد الدريع << فلـــــــــــــسفه

طبعا كل هالأبلات بخالده بنت الأسود

وكنت بأمامه احب ابله اسمها
امنه فيزيا مع اني ادبي بس شرحها كان وايد حلو
وابله فاطمه احياء الله يذكرهم بالخير


ياااااااااااااااااااااااااااااااارب باجر اصير ابلة فلسفه وبناتي يتذكروني بالخير ويحبوني مثل ماحب ابلاتي

 

[زنبق الكويت]

بنــــــــــــــــــااااااااات أنـــــــــــــــا احـــــــــــــــب ابـــــــــــــــلة عجـــــــــــــــــمية ....
أسمها :؟؟؟؟؟؟؟؟
والله ما اقدر اقووول ..... مــــــــــــــي مــــــــــــــي (( دلعها))

 

[ريـــــم]

آبله بشاير >> اقصتآد

بس حسآآآفه راحت لأنهآآآ تربيه عمليه

فديتهآآآآ

 

[يانة العود]

كل أبلاتي أكن لهن كل الاحترااااام والتقدير

أحب أبله عبير الديحاني مدرسة فلسفة لها قلب حنون وطيب وقمة بالتعامل والادب والرقي
وأحب أبله فوزية الديحاني مدرسة جغرافيا ياربي عليها وعلى رقتهاااااا مووووت كلها طيبه وحنية
وأحب أبله مريم الشمري مدرسة جغرافيا ماتفارقها الابتسامه طيب لأبعد الحدود وحبيبه
وأحب أبله حنان العجمي مدرسة فلسفة ياحلوهاااا وياحلو طلتهااااا علينا
وأبله وداد الفضلي مدرسة تاريخ هذي عالم وبحر من الحنان والطيب والرقي والذوووووق

فديت قسم العلوم الفلسفية في ثانوية أم الحارث الانصارية

 

[عفـــاف]

أنا أحب أبله هبه سالمين
في مدرسه فاطمه بنت عتبه وهي مثال أعلى للأخلاق الحميده

 

[عفـــاف]

انا احب ابله هبه سالمين ادرس اجتماعيات
وهي الصراحه مثال أعلى للأخلاق الحميده

 

[الملقووووفة]

:dddds:اول شى مشكووووووووووووورين على الموضوع الحلو انا كنت احب ابله موضى العتيبى فى المتوسطة ومها السعيدي فى الثانوية:fun:

 

[هاله بنت خويلد]

انا من مدرسه هاله بنت خويلد واكثرابله احبها هي وضحه السعيدي تدرس عربي لان اخلاقها عاليه ولها محبين وااايد
راح اشتاقلها لاني بتاسع واخر سنه لي وانا احبها اربع سنين= يعني من سادس ادعولي بالتوفيق واني التقي فيها لما افارقها

 

[shaikha al-h]

أبلة أشواق العنزي درستني بثانوية اليرموك لغة عربية هالأبلة أحبها حيييل و مستحيل أنساها قمـــة بالذوق و الأدب و الاحترام شخصيتها قوية بس بنفس الوقت تحبب الطالبات فيها و أمينة بشكل مو طبيعي بالشرح ما شاء الله عليها ربي يوفقها وين ما راحت ..

مادرستني بس كنت اسمع ان دمهااا خفيف
أبلة فلسفة مــضاوي ما أذكر شنو عايلتها حدي نساية همن باليرموك هالأبلة عســـل عســـل لا من الشخصية ولا من التعامل اللي يهبل مع البنات الله يخلي لها عيالها و زوجها و يحفظهم و يسخرهم لها..

كنت اشووفهاا ومبين عليها حليوه
أبلة تاريخ إسلامي عمشة المطيري واي أحببببببببببببببها هالأبلة تهبل كانوا البنات يخاااافوووون منها بس أحسن مشتهم على العجين هههه أنا كنت شاطرة أم قليب و أكره الشياطين فاستانس لما توقفهم عند حدهم و تخليهم غصب يحترمونها فديتها
هالابله زوووغه لووول كنت كله اشوفها تزف البنات
مس بشاير الونيان .. درستني إنجليزي بثانوية اليرموك أحبها و مستحيل أنساها روعة هالإنسانة يعجبني فيها إنها فارضة هيبتها و احترامها على البنات و حقـــاااانية بالدرجات و اللي كانوا ميح بالانجليزي طلعوا من عندها يعرفووون القواعد عـــدل يعني أسستنا من جديد ..
درستني مس بشاير وااي ياحلووها

و قسم الاجتماعيات كله خاصةّ أبلة نـــادية أممم و الله ناسية اسم عايلتها بس أذكر بنتها اسمها ليـــال زغيرونة و كله تجي المدرسة تهبل ، هالأبلة اهي اللي حببتني بالدراسة و بالتخصص الأدبــــي ..
اذا ناديه التمار ياحلوها بس اذا الثانية ماابي اقول عايلتها كلش ماكنت احبها :eh_s(1): امبيه اسلوووبها ينرفززز ويييع:eh_s(14):
===========================================

امممم
بالابتدائي (بحره) اذكر كانت عندنا ابله تدرس عربي واسلاميه اسمها بدريه واااي تينن .. وفي مدرسه رياضيات اسمها نوريه اكررررهها كانت كله تطق البنات على روسهم وانا حاشتني كفخه منها
بليلى القرشيه كنت احب مس عواطف والله نسيت عايلتها بس كانت زوووووغه صج صج تحسس البنات انها امهم
واذكر أبله هبه حماده تدرس عربي .. صغيرونه واسلوبها اينن كانت كله تتكلم لغه عربيه بالحصه
والباجي ناسيتهم
بثانويه اليرموك
ابله فضه .. جيولوجيااا هالانسااانه ذذذذهبه ماكو منها امبيه تينن وكانت عنووونه فمثل اختنااا
ابله سفانه .. عربي , هالابله فيها طيبه الدنيا بس مو الكل يعرف لها
ابله منى .. رياضيات , واااااااااي عسسسل تشششرح بضمييير ماشاءالله عليها وهم مو الكل يعرف لها
ابله ناديه .. اسلاميه واهيا اردنيييه اذكررر كانت ساعتها كلها غشمره غصب تدخل الضحك بالدرس لين نفهمه عدل واخلاقها ماكو عليها
ابله هنيه .. احياء , تشرح بضمير ماشاءالله وصج صج حبيتها واحسها مظلومه بالثانوي المفروض تدرس بالجامعه
وبسسس اذا تذكرت بيي

واااااااااااااي قطيييييييييييعة مس بشااااااير
حقيرة ماحبهااااااااااا
وابله فضة صج صج تينن
وابله مضاوي عجييييييييييييييبة ( اليوم شايفتها لوووووول < ما تخرجت )
وابله سفانه هاذي ماكو منها 2 كلااااااااااامها عجييييييب خصوصا اذا قعدت تنصح امبيه الصف يصير هدووووء كلامها صج صج يدش القلب
وابله الاسلامية ابله ايمان الاردنيه تينن (صج ان اليوم زافتني بس احبها لوول)
لووووووول ابله نادية الثانية الي تطلع قذلتها الشفرة هههههههههههههههههههههههههههههههههه

 

[دلوعة الـ غ ـيم]

الأبلات اللي أحبهم من الإبتدائي لي الثانويه هم :

أبلتي أمل البكر درستني لغه عربيه بالإبتدائي مدرسه عموريه

أبلتي ابتسام العازمي درستني إجتماعيآت بالإبتدائي مدرسه عموريه

أبلتي بدريه العتيبي درستني إجتماعيات بالمتوسط مدرسه الزهراء

أبلتي سهام العازمي درستني إجتماعيات بالمتوسط مدرسه الزهراء

أبلتي نآهده حيدر التميمي درستني الرسم بالمتوسط مدرسه الزهراء

طبعاً كل مدرسات الإقتصاد المنزلي بمدرسه الزهراء المتوسطه و أبلات المكتبه حيل كنت أحبهم

و بالثانويه طبعاً أبلتي العربي حنان السيد مصريه بمدرسه صبآح السالم ( عامه )

و نوال المطيري

و مدرسات قسم التربيه الإسلاميه كلهم عسسسسسل

ابله موضي العجمي و أبله منيرة العتيبي و أبله ساره العجمي و أبله منى العازمي فديتهم كلهم عسولات

<< أقولهم أنا وحده من التوأم إن شاااء الله للحين تتذكرونا

و هم أبلاتي لما كآآنت صبآح السالم نظام مقررات كنت دفعه 99

أبله إلهام عربي

أبله خلود الأحياء

أبله مها الشمري ريآضيات

أبله نوف يمكن إقتصاد منزلي

و ابلات المكتبه كلهم امووووت فيهم

طبعاً أغلب مدرساتي بالمقررات كنت أحبهم الا مدرسه الفيزياء كااانت غثيثه

بنآآآت بليييز اللي يعرف أبله ناهده حيدر التميمي مدرسه الرسم أو اذا هي موجوده هني

بلييييييييييييييييييييييييييييييييييييييييز خل يراسلني ع الخآآآآص لأن آخر مكالمه لي معاها سنه 2001

و الله جد جد اشتقت لها و اشتقت لسوالفها ، أهي كانت ساكنه بالسالميه و عندها ولد أسمه رضوان

الحين ما أدري عنها أي شي ودي بس أتطمن عليها و على آخبارها ؟

شآآآكره لكم على الموضوع الأكثر من رآآآئع

دمتم بود

 

[هاله بنت خويلد]

واحب اضيف اني احب ابله سلمى العجمي لغه عربيه لانها هيبه وفديت كلمتها يياربيييه يمه تجنن