سؤال للخوات الي مسويين ليزك لعيونهم من سنوات

[** رش رش **]

السلام عليكم حبيباتي

أنا سويت عمليه ليزك لعيوني من حوالي 6 سنوات عند الدكتور سامي الربيعه جزاه الله الف خير
انا اصلا كان عندي ضعف نظر من ايام المتوسط بالمدرسه و قضيت سنين من عمري بالنظاره او العدسات .... بعد العمليه الحمد تحسن نظري و صار 6/6 :eh_s(15):

المهم ... حاليا ومن فتره بديت أحس أن نظري رد يضعف مره ثانيه و بديت ما اشوف الترجمه الي بالتلفزيون عدل
أنا ادري ان أنا استهلكت نظري حيييل السنين الي طافت مابين لابتوب و تلفون بس معقوله يضعف بهالسرعه :eh_s(11):

الحين ابي أسال الخوات الي مسوين ليزر او ليزك لعيونهم و لهم سنين
تغير نظركم بعد هالسنين و لا للحين نفس اول ايام العمليه ؟؟؟
تراجعون عند الدكتور الي سوالكم العمليه ولا خلاص بعد العمليه مارحتو شيكتو ؟؟
تصدقون مفكره اسوي ليزك مره ثانية .... ما اتخيل نفسي ارد البس نظاره و لا عدسات مره ثانية :bbbiu:

سمعتو عن أحد سوا ليزك مرتين ؟؟؟؟

عفيه بنات لا تهملون الموضوع لانه حييييييل مضايقني

 

[** رش رش **]

أشدعوه بنات محد مسوي ليزر ولا ليزك لعيونه من مده

 

[خوقآقيه]

انا امي سوت ليزك قبل 8 سنوات على ما اظن ..
بس نظرج انتي بدا يضعف لان احتمال الليزر اللي سويته ماكان قوي مرره ..
لانه كان تو طالع الليزك ..
حبيبتي راجعي الدكتور نفسه علشان تتأكدين يمكن تكونين بحاجة عمليه ثانيه !

_

 

[** رش رش **]

تسلمين يا قلبي على الرد
بس ما أظن أن قوه الليزر لها علاقه بالموضوع
لان انا أول ما سويت العملية كان نظري 6/6 و بدا يضعف من حوالي سنه تقريبا
انا الي ابي اعرفه هل ممكن اعيد عملية الليزك و لا هي بس مره و العين ما تتحمل إعادتها
عفيه بنات اي وحده عندها معلومه تفيدني و جزاها عني كل خير يا رب

 

[freethinker]

ماعندي فكره الله يستر

اب اب

 

[صادقة بكلمتي]

حبوبة انا نفسج حالتج سويت من 8سنين ومن فتره صج ما قمت اشوف عدل الترجمه لازم ايي يمه وحتى في الليل بالسيارة مع الشاره تعورني عيوني وان لبست العدسات الملونه يجمرون عيوني وما اشوف عدل فيهم المهم رحت وسويت فحص عند دكتور غير دكتوري لانه مسافر كان ولا بسرعه قالي انتي مسويه عمليه قبل قلت اي وقلتله وضعي قالي لازم تعيدين عليها بالعمليات الجديده واللي تناسبك لان الاغلب 95 من اللي كانو مسوين عمليات بعد 5سنوات مع النت والتلفزيون والتلفونات وووو يضعف النظر طبيعي الانسان الطبيعي مستحيل يضل نظره 6-6 طول عمره الا يضعف لو درجة شلون اللي من الاساس ضعيف ومسوين عمليات فنصحني اشوف مستشفى متخصص ودكتور معروف واسوي عمليه مره ثانية وارجع 6-6 مثل اول والحين بسويها بس افكر اسويها ان رحت زياره لجدة منها نزور جدة غيررررر ويقولون ارخص وفي المركز العيون متخصص واررررررخص بوايد من عندنا ما ادري ان شاء الله هذا اللي حبيت اشاركج فيه من تجربتي

 

[** رش رش **]

جزاج الله الف خير يا صادقه
أنا فعلا مفكره اعيد العمليه مره ثانية بس كنت ابي أتاكد انه ممكن العين تتحمل عمليتين ليزك
لاني بصراحه ما اتخيل نفسي ارد للنظارة و العدسات مره ثانية

 

[صادقة بكلمتي]

جزاج الله الف خير يا صادقه
أنا فعلا مفكره اعيد العمليه مره ثانية بس كنت ابي أتاكد انه ممكن العين تتحمل عمليتين ليزك
لاني بصراحه ما اتخيل نفسي ارد للنظارة و العدسات مره ثانية[/QUOوجزاج الجنه حبيبتي افا عليج ما سويت شي بس اخذيها مني من ثقه باذن اللي ما تنام عينه سوي فحص تحصلين نظرج نزل وعادي ما بتتاثر العين من العمليه الثانيه توكلي على الله وشوفيلج دكتور زين وسويه اللي يناسبج وبلغيني شنو تسوين ان لنا باجي عمر ورجعتي دشيتي المنتدى لا تنسين:eh_s(8)::eh_s(2):

 

[** رش رش **]

إن شاء الله يا صادقه من عيوني
مع ان عيوني صايره تخورها هالايام