سؤال لكل وحدة زوجها عقيم

[حلمي الأمومة]

السلام عليكم ورحمة الله وبركاته


كيف تتعاملون مع اهلكم يعني عندهم خبر ولا ماقلتو لهم لاني ما قلت لاهلي ما خلق لسوالف والاسئلة ونظرات الناس فانا مسكته على الموضوع ولما احد يسألني اقول ربي ماكتب وفي ناس مليغه تسأل زيادة شلون وليش ماتراجعيين ويسألون السؤال المحرج الي ما احبه حلل زوجج عاد انا ما احب اجذب اقول زوجي سليم بنيه انه سوا عمليه ولقوا حيوانات منويه

بس ما دري تكتب لي كذبه يارب سامحني
بنات ابي اسألكم شلون تتعاملون مع الوضع
وبس:eh_s(22):

 

[سارووه الاموره]

انا عن نفسي محد يسالني واذا احد سالني اجذب ماقول رلي فيه ضعف اقول انا فيني ضعف ..

 

[ام عبودي1]

الله يكون بالعون لا والله لاتعلمين احد ماله داعي صدقيني مهما يكون بتمل امج او اهلج من اسالت الناس
وبيقولون ان بنتنا سليمه هو اللي منه التاخير .... وراح يسبب لج انتي وياه مشاكل
وان سكتي احسن والله تكبرين بعينه زياده ...... والحمدلله دام عنده حيوانات منويه حيه
مايعتبر عقيم ... والله يسهل امورج ياااارب ..

 

[chanel N22]

الله يعين الجميع
الناس لو تخلي الوحده بحالها جان زين
كلام + نظرات+ مواقف = نفسيه خايسه الله يعيناا يارب

 

[بغمزة اطيح خمسة]

لا حبيبتي لاتعلمين عالجي
واذا احد سال قولي الله يرزقنا مافينا شي

 

[احلى سماء]

انا زوجي فيه ضعف

ولا راضي يعالج ولا يروح طبيب

 

[غالي حبكـ]

انا اهلي مايدرون وكل ماسئلون اقول من الله عاد امي الا تعرف ليش وكل ماتشوفني تقولي تعالي اوديج طب بديل واتهرب واهل زوجي هم ماكانو يدرون لين طفح الكيل في زوجي وعلمهم بس مايعطيهم مجال انهم يكلمونه او يقولون له روح عالج طفاارته اللي ينصحه وبنسبه لناس هم الناس مايخلون احد بحاله الا يعرفوون ليش ماحملت للحين وكل ماشافوني قال يوه للحين ماحملتي ويقولون اصغر اخوانه بيعرس ويجيله عيال وانتم للحين بس الحمد لله زوجي عندي بدنيا الله يخليه لي

 

[بنت الشمس]

ترى مايجى من الناس خيرر
عبالهم يعنى احنا مرتاحين مايدرون انة نتغذب كل يوم واى احد نسمعة ولدة وحملت توها عروس شوفى نظراتهم جنج متهمة بقضية بس الحمدالله على كل حال والله يتمم على كل حامل ويرزق كل عروس ويسهل ولادتهم يار ب
وترزقنا بالذرية الصالحة المعافا كل قسم تاخير الانجاب
يار ب

 

[حلمي الأمومة]

انا عن نفسي محد يسالني واذا احد سالني اجذب ماقول رلي فيه ضعف اقول انا فيني ضعف ..

بصراحة اذكر خواتي احكروني مرة وغصب احلف ان زوجي سليم وحلفت انه سليم بنية ثانية والله يسامحني
ولو سويت مثلج وقلت انا فيني ضعف والله امي ماراح تخليني بتوديني كل مكان فأنا مسكرة هالباب من الاساس

 

[حلمي الأمومة]

الله يكون بالعون لا والله لاتعلمين احد ماله داعي صدقيني مهما يكون بتمل امج او اهلج من اسالت الناس
وبيقولون ان بنتنا سليمه هو اللي منه التاخير .... وراح يسبب لج انتي وياه مشاكل
وان سكتي احسن والله تكبرين بعينه زياده ...... والحمدلله دام عنده حيوانات منويه حيه
مايعتبر عقيم ... والله يسهل امورج ياااارب ..

معاج حق عاد شفكنا من القيل والقال وزوجي حساس حيل من هالناحية

والله يرزقنا

 

[حلمي الأمومة]

الله يعين الجميع
الناس لو تخلي الوحده بحالها جان زين
كلام + نظرات+ مواقف = نفسيه خايسه الله يعيناا يارب

اااه من كلام الناس الحين حتى اقرب الناس تشوفين منهم نظرات تدرووووووون طفارتي شنو جمعه حريم ونكون مستانسين تنط وحدة وتقول الله يرزقج بالولد عاد هني نفسيتي تصير خايسه شجاب الطاري الحين

 

[lala2]

يارب يرزقكم بالذرية الصالحة يارب ويحقق امانيكم آآآآآآآآآآآآآآآآآآمين والله احبكم وادعيلكم من قلبي
يارب ترزق كل محروم

 

[حلمي الأمومة]

لا حبيبتي لاتعلمين عالجي
واذا احد سال قولي الله يرزقنا مافينا شي

لا والله ماني قايله لاحد والله يشافي زوجي وافتك

 

[كويتيه مذهله 87]

الله يشافي ازواجكم ياااارب
ويرزقكم 10 يهال

 

[حلمي الأمومة]

انا زوجي فيه ضعف

ولا راضي يعالج ولا يروح طبيب

زوجج مبين خايف ما يلقى علاج ويدري ان هالطريق طويل فخايف يمشي فيه عشان جذي مريح راسة
ويبجي يوم يتحسف على كل هالوقت الي يضيعه
فنصيحتي لج انج تاخذينه حبه حبه وماتضغطيين عليه ومع الدعاء ان الله يسخرة لج واذا كلش حاولي تتخذيين موقف حازم بس بحكمة شوووي
لاني في البدايه زوجي جذي بس ما الومة الله يلوم الي يلومة من اثر الصدمة فكان رافض العلاج بس انا دايما قدامة اجيب طاري الجهال واسولف عن عيالنا لو جو شنو بنسوي لهم ومن هالمواضيع وبنفس الوقت استغل المواقف الي يكون فيها مستانس وطاخ واكلمة وساعات اقعد معاه بحوار جاااااااد ولحد ما اقتنع وسوا العمليه بس والله كنت اراعي نفسيتة لان والله صدمة عليه وحسسته اني ماراح اتخلى عنه لان الي يربطني فيه مو بس العيال اكيد هم نور الدنيا بس انا كنت اعطية هالشعور لحد ماعدى الازمة النفسية ترا الرجال مايبين عليه بس من داخل يتألم

الله يهديه لج ويرزقج الذرية

 

[حلمي الأمومة]

انا اهلي مايدرون وكل ماسئلون اقول من الله عاد امي الا تعرف ليش وكل ماتشوفني تقولي تعالي اوديج طب بديل واتهرب واهل زوجي هم ماكانو يدرون لين طفح الكيل في زوجي وعلمهم بس مايعطيهم مجال انهم يكلمونه او يقولون له روح عالج طفاارته اللي ينصحه وبنسبه لناس هم الناس مايخلون احد بحاله الا يعرفوون ليش ماحملت للحين وكل ماشافوني قال يوه للحين ماحملتي ويقولون اصغر اخوانه بيعرس ويجيله عيال وانتم للحين بس الحمد لله زوجي عندي بدنيا الله يخليه لي

والله صاجة مايخلون احد بس والله عيب يقولون الصغير بيجيب عيال وانتي لا شنو معدومين المشاعر هالاوادم بعدين جنه الحمل بايدج ما يدور انه بايد رب العالمين
الله يوفقج ويرزقج وتسكريين حلوجهم هالناس المتفرغة

 

[حلمي الأمومة]

ترى مايجى من الناس خيرر
عبالهم يعنى احنا مرتاحين مايدرون انة نتغذب كل يوم واى احد نسمعة ولدة وحملت توها عروس شوفى نظراتهم جنج متهمة بقضية بس الحمدالله على كل حال والله يتمم على كل حامل ويرزق كل عروس ويسهل ولادتهم يار ب
وترزقنا بالذرية الصالحة المعافا كل قسم تاخير الانجاب
يار ب

الي بالقلب ما يعلم فيه الا الله من هموم وغموم والحمدلله الله يرزقج ان شاء الله وكل البنات

 

[حلمي الأمومة]

lala الله يجزاج خير على هالدعوه هالحلوة الي تدخل على طيب اصلج والله يرزقج بكل الي تتمنينه

كويتية مذهله الله يرزقنا ويرزقج وكل البنات راضيين والله بواحد او اثنين بس ربي كريم واذا عطا يعطي بسخاء

 

[نكهةالبرتقال]

حبيبتي حلمي الأمومة ، غيري سياستك ، لي أحد سألك حتى لو يعرف إن العلة من زوجك ، ردي : الله ما كتب حمل و الحمد لله

بس لا تزيدين ولا كلمة و الله مادري شنو هالفضول اللي مقطعهم !
رفيجاتي القراب حيل ، وحدة توها حامل ماشاالله بعد سبع سنين انتظار و وحدة ما شاالله يابت ولد بعد 3سنين و نص انتظار

و الله عمري ما فكرت أسألهم شنو السبب ، أحس عيب ، مادام ماقالولي من نفسهم ، و حتى أنا لي أحد سألني أقولهم من الله بس

المهم حبيبتي احنا كلنا اتييلنا حالات انتكاسة و تكون النفسية اكس ، لكن لازم نوقف على ريولنا مرة ثانية و نواصل المشوار بتحدي و اصرار

 

[حلمي الأمومة]

نكوهة كلامج والله مثل الدوا الله يجزاج خير وياليت كل الناس مثلج تصدقيين حتى الرياييل نفس الشيء زوجي قام يمل ويكرة يطلع دووايين يقول انهم يحرجونه ليش وماليش قدام الناس !