سؤال لـخبيرات الكروشيه بليز ساعدوني :(

[ملاك بلا أجنحة]

السلام عليكم


بنات انا صارلي فترة قصيرة متعلمة الكروشيه و قاعده اشتغل

بس توهقت بشي

ماعرف شنو افضل خيط صوف اشتغل فيه

يعني عرفت اختار افضل انواع القطن و شنو المناسب حق البيبي و حق البروشات و حق الجناط

بس لو بشتغل حق الكبوس ولا بالشال ابي صوف بس ماني محصله شي زيييين

اللي ثقيل مو مال شغل و اللي يطلع شعر و اللي يتقطع

جربت ماركة حريري و جربت ماركة الخروف و جربت كشمير و جربت كشميرا

بليز يا خبيرات الكروشيه

شنو افضل نوع بكره صوف تستعملونها ولا تطلع شعر ولا تكش

و شنو ماركتها و جم سعرها و من وين شريتيها

انطركم

 

[مهاووي*]

انا مو خبيرة كروشيه انا اعرف غرزات وااايد و مسوية شغلات وااايد

و حبيبتي بالنسبة للخيووط
انا اشتري بعض خيووطي من بركات و في بعد عند الكلف و ارووح حق محل كلف بس اهوو بالمنقف و عندة خيووط حلوة و كلة اخذ منه اذا ما كان متوفر في بركات

و كشمير حلوو و في واايد خيووط كشمير ما توبر يعني ما تطلع شعر

و بالنسبة حق الجنط احسن شي حق الجنط اخذي صووف
لانه ما يتعب و يتحمل اذا حق جنطة و بعد حق لفاات الشتاا واايد انفع الصووف

و اذا بتسوين حق البيبي انا افضل القطن لانه احسن حق البيبي

و انا مسوية شغلات البيبي بالقطن و طلع وااايد احسن من الصووف

و ان شاء الله اكوون فدتج بشغله و رووحي بركاات اذا تبين خيووط و يفضل بركات السالمية لان في خيووط احلى

و بعد اذا عندج احد بيرووح الصين او تايلند و من هالدوول هنااك الخيووط تطلع علييج ارخص و احلى

و موفقة ان شاء الله حبيبتي

 

[ملاك بلا أجنحة]

مشكوووورة حبوبة

انطر الباجي

 

[الـحـرامـيـة]

ممممم كشمير على حسب لوول
يعني يطلع لج واحد زين وواحد مو زين :/



بس انا احسن شي عندي al-burj

انا آخذه من كلف جمعية الفيحه

100 جرام بـ850 فلس
وايد حلو والوانه حلوة .. وينفع حق الكبابيس والشالات
وما يطلع شعر


اتمنى اني افدتج ​

 

[بحرينيه عنيده]

لاتاخذين الصوف الرخيص ابو 200 فلس لانه مو صوف طبيعي مخلوط بالنايلون في صوف من لمسته تحسينه حلو انتي سالي محلات الخياطه طلبي منه احسن انواع الصوف راح تعرفين الفرق

 

[ملاك بلا أجنحة]

اب

 

[mrs_sugar]

احلى صوف اشتغلت فيه اسمع

Bravo

تحصلينه عند بركات البكرة بنص دينار تقريبا

بس روعه

ناعم وايد عاللبس و حلو و سلس بالشغل و ما يوبر ولا شي

جربيه و ادعيلي

 

[chocolat]

السلام على الجميع و الله حبوبه انا اشتري من بركات خيوطهم حلوه وايد الصراحه و اذا عندج احد بروح البحرين او الامارات او سوريا وطبعا" تركيا خيوطهم حدها غريبه و حلوه

 

[ملاك بلا أجنحة]

مشكورين حبايبي ما قصرتوا

 

[الـحـرامـيـة]

سوري عالمرور الثاني




بس حبيت اقولج ان بركات نزلوا دفعه يديده من انواع الصوف والقطن ..
انا رحت ولقيت عندهم اشياااء تيننننننن

واخذت من صوف bravo مثل ما قالت الاخت

وايد زيييين .. وما فيه شعر <<< صوف ذرب لوول ​

​