سؤال غريب عن ماليزيا ..تكفون ابي جواب عليه

[نور الفنر]

السلام عليكم ...

اللي زارو ماليزيا ... وحبوووووها ..وعشقوووها ...


انا ولا مرة رحت وان شاء الله بروح ... وكل من سألته عنها مدحها ووصلها السما ... وانها ونااااااااااسه موووطبيعيه وشوقوني حيل..


وما ذكرولي من عيوبها الا شي واحد طبعا غير الرطوبه ...


استغربت منه .... وهذا اللي بسألكم عنه الحييييييييين ...


وهو ...


شي يلووع الجبد ... اسمحوووووووولي ....
7
7
7
7
وهو

الحشرااااااااااات والزهيييويه الحيايا <<<<ييييييييييييييع ارف

والريحه الخايسه اللي في المنطقه!!!


انا انصدمت صدمه خياليه .. ابيييه انا بييييييييتي ما اخلي زهيوي يوطوط ... هالمرة بسفر ووناسه !!؟؟

لي درجه انهم قالولي ان هناك ريحة المنطقه ويع ... وما تشتهين تاكلين من الريحه ... وانهم ياكلون حشرات وتشوفينهم بالمطاعم ينطبخون ييييييييييييع ...لي ددرجه انهم صارو ما ياكلون وردو ضعاف ...


ادري لوووووعت جبدكم << انا مستأرفه حدي ...

سؤالي :


هل هذا بكل مكان بماليزيا؟؟؟ واذا هذا الوضع هناك اشلون تستانسون ...<<اتخيل اني امشي والقاهم بطريجي ولا يتعلقون بريلي وااااااي يمه :eh_s(16):



عفيه ابي اجوبه تبرد القلب ... ليش اني عززززززمت وكل شي بس..... هالشي رددني حييييييييييل ...


ناااااااااطرتكم

 

[om MaRyooM]

هلا قلبي



تصدقين .. انا رحت من سنتين ماليزيا من كثر مامدحوها وفي ناس يعشقونها مادري على شنو

انا حبيتها بس ماتستاهل العنوة والمصاريف والله قطينا شكثر هناك بس جذي على تكاسي ومطاعم !

و اكثر شي حلو فيها المجمعات ... بس على قولتج محد قال عن الزهيوية والبلاوي والقرف الموجود

انا قعد بفندق خمس نجوم وتخيلي متروس زهيوية .. وريحة الكبت خشب قديم . . اصلا من الوصاخة طلعت حساسية بويهي لووول وانتفخ صرت جني منهم استغفرالله لووووووووووووول



والزهيوية مووو بكل مكان .. يعني بالمجمعات والاماكن الراقية ماتلاقين


وعموما شرق اسيا كلها نفس الطقة .. بس تايلند لايعلى عليها صج انها وصخة بس تينن تينن وادمااااااان بعد

 

[فرحه عمر]

والله الديره نظيفه !!! انا حتى في بانكوك ماشفت زهاويه مع انه الديره بانكوك اقصد الارض سوده من الديزل!!!
وسالفه الزهاويه والحشرات هذي قليييييييييل تشوفينها بتايلند واللي يبيعون اهل بسطه ويتنقلون بس ماااااااااااااليزيا ماشفت!!
حبيبتي اذا مسافره خليج بالمناظر الحلوه وطالعي فوق شكو عيونج بالارض وتدورون زهاويه؟؟؟ والسكن فنادق الا 4 نجوم تصك على فنادق اوربا 5 نجوم وانا مجربه ورايحه
ترى في ناس تطير فوووووووووووق وهي اصلا ممكن المكان مو عاجبها بس عياره عن حسافه تضيع الفلوس وفي ناس المناطق حلوه وروعه بس ماتمدحها لانه هالناس نوعيتها متشائمه وتضيق الخلق
ماليزيا يا حبيبتي اذا رايحه على سعه والوقت راهي وكافي وعلى راحتج والميزانيه تمام بتستانسين وبتشوفين الديره على راحتج ووناسه بعد اذا صار احد معاج تستانسين معاه اقصد بنات يونسونج بالسوق مو بس ركضه ورا اليهال
لكن اذا يدوب حده حده والميزان عسى الله تكفي وعسره والوقت قصير ماظن بتستانسين وايد بيصير همج وناسه اليهال بس وبتردين مهدووووووود حيلج

 

[Watches]

أنا ثلاث مرات رحت بسنه وحدة ماشفت الي تقولين عنه خير شر !

 

[Maryam]

انت وين ساكنه ؟؟؟؟؟

 

[نور الفنر]

هلا قلبي



تصدقين .. انا رحت من سنتين ماليزيا من كثر مامدحوها وفي ناس يعشقونها مادري على شنو

انا حبيتها بس ماتستاهل العنوة والمصاريف والله قطينا شكثر هناك بس جذي على تكاسي ومطاعم !

و اكثر شي حلو فيها المجمعات ... بس على قولتج محد قال عن الزهيوية والبلاوي والقرف الموجود

انا قعد بفندق خمس نجوم وتخيلي متروس زهيوية .. وريحة الكبت خشب قديم . . اصلا من الوصاخة طلعت حساسية بويهي لووول وانتفخ صرت جني منهم استغفرالله لووووووووووووول



والزهيوية مووو بكل مكان .. يعني بالمجمعات والاماكن الراقية ماتلاقين


وعموما شرق اسيا كلها نفس الطقة .. بس تايلند لايعلى عليها صج انها وصخة بس تينن تينن وادمااااااان بعد

مشكووورة على الافاده

 

[نور الفنر]

والله الديره نظيفه !!! انا حتى في بانكوك ماشفت زهاويه مع انه الديره بانكوك اقصد الارض سوده من الديزل!!!
وسالفه الزهاويه والحشرات هذي قليييييييييل تشوفينها بتايلند واللي يبيعون اهل بسطه ويتنقلون بس ماااااااااااااليزيا ماشفت!!
حبيبتي اذا مسافره خليج بالمناظر الحلوه وطالعي فوق شكو عيونج بالارض وتدورون زهاويه؟؟؟ والسكن فنادق الا 4 نجوم تصك على فنادق اوربا 5 نجوم وانا مجربه ورايحه
ترى في ناس تطير فوووووووووووق وهي اصلا ممكن المكان مو عاجبها بس عياره عن حسافه تضيع الفلوس وفي ناس المناطق حلوه وروعه بس ماتمدحها لانه هالناس نوعيتها متشائمه وتضيق الخلق
ماليزيا يا حبيبتي اذا رايحه على سعه والوقت راهي وكافي وعلى راحتج والميزانيه تمام بتستانسين وبتشوفين الديره على راحتج ووناسه بعد اذا صار احد معاج تستانسين معاه اقصد بنات يونسونج بالسوق مو بس ركضه ورا اليهال
لكن اذا يدوب حده حده والميزان عسى الله تكفي وعسره والوقت قصير ماظن بتستانسين وايد بيصير همج وناسه اليهال بس وبتردين مهدووووووود حيلج

مشكورة .. بس حلوة هذي ما كو شغل بقعد ادور زهييويه!!! يعني اللي قالو لي هالملاحظات ما حبيت اطوفها شذيه بغيت اتأكد اكثر ... وانا حبيت هالديرة واتشوقت اروح لها وما بي هالمنغصات اتأثر على السفرة ... عموما مشكورة على الرد

 

[نور الفنر]

أنا ثلاث مرات رحت بسنه وحدة ماشفت الي تقولين عنه خير شر !

مووو انا الي قاعدة اقوووول ... الناس اللي راحت من الاهل اهم اللي قالو ... وعشان شذي بتأكد اكثر منكم... وحتى قالو <<<واتنو بكرامه الحشرات والفيران والدود حاطينهم بقراااش بمطاعمهم !!! ...فــــ لا تلموني اذا استفسرت... وانا احب اخذ فكرة كامله عن السفر قبل لا اعزم ...وكل شي احطه بعين الاعتبار واقارن ...
بس صراحه انا ماليزيا اعجبتني

 

[نور الفنر]

انت وين ساكنه ؟؟؟؟؟

هههههههه حبوبه الظاعر ما قريتي الموضوع...انا مووووو رايحه ... انا قاااااااعده استفسر فقط عن معلومه سمعتها ...
مشكورة

 

[نور الفنر]

انت وين ساكنه ؟؟؟؟؟

ههههههههه الظاهر ما قريتي الموضوع ... انا ماااارحت قاعدة استفسر فقط ... عالعموم مشكورة

 

[يازمان العجايب]

حبوبه الوساخه بكل مكان في العالم في اماكن قذره اكثر من سويسرا وصلوها السما كلش ماعجبتني جنيف بس انا رايحه 3 مرات ماشفت اللي قلتيه بتايلند فيه بس ماليزيا دوله اسلاميه توكلي على الله وروحي افتري واستانسي بس رتبي وقتج والفراره

 

[sweetkoko]

كل هذا في بانكوك واكثر بعد اما ماليزيا مافيها جذي طبعا الاحياء والاماكن المشهوره والمعروفه اما الاحياء والدواعيس يمكن لان طبيعة شرق اسيا وحياتهم انا حبيت المنطقة الي يم البرجين انظف واهدي من شارع العرب وشفتي حي الدبلوماسي الي جنج رايح مجمع ون اوتوما المنطقة هناك روعه بس الشارع العرب شوي مزدحم وكله خليجين الي يحب الحياه واللويه واجواء السهر ونيس ومايعيبه شي اما سوالف الشعبيه تشاينا تاون مونظيفه بس مايمنع انج تمرينها لانها موبذاك السوء وفيها فناتك خصوصا الشاي الاخضر وبصراحه انظف مليووون مره من تشاينا بانكوك وييييع هالديره كل مااذكرها ينغم قلبي ريحتها تبط الراس تضل معاج اسبوع ليرديتي السفر وناسه والي يعرف يونس نفسها بيستمتع بس هذا مايمنع ان المكان والنظافه ياثر وخصوصا بالاكل وهذا يمكن من اهم الاشياء الي كرهتني ببانكوك وصااااختها وبيئتها وريحتها والله وكلها شوفي فرق بين اوروبا والاوادم الي فيها وبين شرق اسيا وشعبها وهذي طبيعتها وفي ناس تبالغ بمدح الشي فتخيلين الكمال وعقب تنصدمين والصوره اليترسمينها في بالج غير عموما ماليزيا العيب العود والواضح الي فيها جوهاااااااااااااااا وتوكلي على الله

 

[نور الفنر]

مشكووووووووورين كلامكم كله بعين الاعتبار ... واحب استفيد من اراء غيري وما يمنع اني اجرب بنفسي ..ما قصرتو كلللللكم

 

[نونه العنونه_H]

انا ما شفت زهيويه ابدا.. لو شفت جاااااااان ينيت انا اموت منهم..
بس ريحت اكلهم مو حلوه.. لا تاكلين من اكلهم
اكلوااااااااا ماكدونلدز وبرجر كنج

 

[دلولي]

شوفي حبيبتي كل ديره فيها الزين والشين بس مو لدرجه الي وصلوها لك قرايبك لا حبيبتي انتي اخذي الاماكن الراقيه وان شاالله مايكون الا كل خير

 

[Om Noooono]

بسم الله الرحمن الرحيم


السلام عليكم

اختي نور الفنر بالنسبة لموضوعج الغريب !!!!!!!!!!!!!!!!!!!

انا اول مرة بحياتي اقراء تقرير جذي عن ماليزيا
طبعا وبكل تأكييييييييييييد إلي قالج هالكلام غلطان بحالت اذا كنتي مجدولة رحلتج وساكنة بفنادق فايف ستار او فور ستار
اما إلي قالج هالكلام اتوق انه .... بخيييييل .... ساكن بأماكن ما تنسكن مع احترامي له
وبالنسبة للأخت ام مريوم كلامج مو صحيح ما اتوقع انج ساكنة بفندق فايف ستار واذا متأكدة من كلامج ياريت تذكرين اسم الفندق الي ساكنته

حبيبتي نور الفنر فنادق ماليزيا مصنفة من افضل فنادق العالم ... نظافة الفندق عندهم بالمرتبة الاولى قبل كل شي والسيرفس روم يسوي كلين يومي
اذا الفور ستار عندهم يساوي الفايف ستار عندنا

حبيبتي تروحين وتردين بالسلامة ولاتحاتين الكلام الي انقالج مو صحيح

بس اسكني بفنادق راقية وادعيلي ... اعقليها وتوكلي والله يهنيج بسفرتج

 

[Tender Heart]

لا يبا الديره نظيفه حيل وراقيه والله حتى الرطوبه خفيفه مو ذاك الزود لا يبا توكلي على الله وروحي وشوفي الوناسه وجربي السياحه عدل لان ماليزيا سياحيه درجه اولى وجربي تاكلين بمطاعم فاست فود او مطاعم عربيه مو عن النظافه لا لان اكلهم غريب ومو متعودين عليه وانصحج في مطعم ايراني بشارع العرب اسمه ند وعندج بعد مطعم خيمه الصحرا وسلامتج

 

[OM-3ABADY]

انا رايحه ماليزيا مرتين
وعندي اخوي مدمن ماليزيا
يروووح يسكن بغابه ونرووح جزر ما يروحون لها العرب غير بننج ولنكاوي

نروح ناكل من مطاعهم اللي اهم ياكلون منها (اكل ملاويييي) صج مو حلو بس نظيييييف

والزهيويه اللي تقولين عنهم في تايلند اللللي ادمنتها ام مريييوم

بالعكس ماليزيا ينشهدلها بالنظافه

واذا خايفه من الريحه والوصاخه لا تروحييين شاينا تاون اللي في كوالالبور واللي في بننج احسن لان السوق في شارع مفتوح

فنادقهم الفايف ستار فنادق عالميه يعني حالها من حال اللي عندنا او حتى في دول اوربا

 

[أستغفر الله@]

الصراحه رحتلها ولا شفت زهيويه
بالعكس الديره نظيفه تستحين يطيح منج كلينكس على الأرض
وفيها أماكن سياحيه مو طبيعيه يعني راح تستانسين
بس الي قالج أنها ما تونس هذي ممله ماتعرف تستانس
واللي قالج أنا ريحت شوارعهم خايسه مادري وين راح الصراحه أنا سمعت هذي المعلومه في تايلند

 

[نور الفنر]

عقب كل هالردووووووود الحين تطمنت ... راي الاغلبيه مهم ... واوضح مرة ثانيه اني مااااارحت لها ابد ... بس نااااااويه ان شاء الله ...والمجموعه الي رايحه من الاهل كانو رايحين مع قروبات ... فـــ مستحيل ساكنين بشي جييييييب ...

بس الظاهر انهم رايحين مكان الصينيين اللي بكوالالمبور... وشافو هالبلاوي هناك ... ليش انهم مصورين المطعم اللي قاعد يطبخ حيايا !!!!! وورونا صورهم طبعا...

وعشااااااان شذي انصرعت ...فــ لاتلوموني على هالاسئله لاني فعلا استغربت ...بس الحين زال عني الغموض هههههههههه

مشكووووووووووووورين والله لا يحرمنا منكم ...