سؤال عن نظام وجبات قططكم "؟؟*#

[Catino]

السلام عليكم ورحمه الله و بركاته

من زمان وانا مهتمه بالقطط وحبيت اتعلم عنهم اكثر >>ما لي بالمقدمات خخخخ
المهم ...
انا ابي اعرف وقت اكل قططكم له وقت محدد او انه كل ما جاعت القطوة عطيتوها ؟

وشنو الوجبات نفس الشي ولا تغيرون لها ؟

وكم وجبه باليوم تعطونها ؟؟

وسؤااال غير عن الوجبات

اللحين ابنات اللي عندهم قطاوة شرازيه وخاصه اللي تكون بيور وشعرها كثييف و طوييل حيل
تتعبون معاهم حييل ولا عادي وشعرهم يتساقط بكثره ولا طبيعي
لان كان عندي قطوة سياميه شعرها قصير بس هم القا شعرها بكل مكان كللل مكان بمعنى الكلمه
وابي انتوو تجاربكم مع الشرايزات شلوون؟؟؟؟

و ان شاء االله القى اجابات ع اسألتي و ما اكون كثرة من الاسأله خخخخ

 

[om-bassma]

خلي لها 3 مواعين بس مو بلاستك اهم شي القطاوه ترا تتحسس منها
واحد يكون للماي و دايم موجود
واحد يكون للبسكوت و دايم موجود لها و افضل الانواع ( رويال كانون )
و واحد يكون للوجبات الثقيله معلبه ( دجاج لحم - او تسوين لها بالبيت من غير بهارات و لا توابل ) في وحده اهني بالمنتدى حاطه و جبات للقطط بالبيت اتسوينه
بس الوجبه الاخيره تعطينها يا مره بالاسبوع او 3 مرات بالشهر
مو وايد لان تعتبر هذي الوجبه جنها ماكدونالدز لنا فهمتي قصدي

 

[om-bassma]

و عن الشعر سمعت و قريت عند وحده بالنت عن زيت الزيتون قبل الاستحمام ادهنه و اتسبح بعدها و اتحط بماي الشرب 3 نقط زيت زيتون و تلقينه يخف تدريجيا لما يوقف
انا ما جربت سألي احد مجرب افضل
انا قطوتي ما فيها شعر ما عندي الامور هذي وايد:eh_s(6):

 

[Catino]

اهاا مششكوره حياتي ماقصرتي
بس ابي الوقت اللي تعطونهم ؟؟؟ منظم ولا متى ماجاعت القطوة عطيتوها ؟؟

ي ليت الكل يفيدني ويفيد البنات ابي تجارب اكثر من وحده
اوقات وكم وجبه

 

[om-bassma]

خلي الاكل موجود دايم و القطوه اذا ياعت تاكل مو احنا اذا يعنا بطلنا الثلاجه ههههه
اهي اذا ياعت اتروح تاكل فخلي الاكل متوفر دايم بس الاكل الي قلت لج عنه بفترات عطيها وقت الغدا عرفتي
يعني لا تخلين الصحن فاضي عن البسكوووت كل ما قل حطي لها

 

[Catino]

مو اخاف اذا حطيته لها طول اليوم يخيس او يبرد انا بعطيها اكل بيت (؛ واهي اكيد تاكل من الجوع ويضرها
ايي صح والدراي فود قريت انه مو زين اذا كثرناه للقطوه يعني يضرها

وشكرا لانج افدتيني

 

[سنونو282]

السلام
انا عن قطوي احط له بالصحن الدراي فود طول اليوم مايخترب اهوه يروح يلعب و كل ماياع يروح ياكل و الدراي فود مايخترب مثل الويت فود ساعتين حده و نشيلة و باليوم الصبح اترس صحنة لي بليل يكون مخلصة تقريبا و هم بليل احط له بالصحن لانه ماينام بالليل كله يتحرك و يتعب فلازم الاكل متوفر له حتى واحنا نايمين.
اما عن الشعر الكثيف كان وايد متعبني معني كنت امشطة كل يوم و اغسله كل ويكند بس هم كان وايد يطيح ليمن وديته البيطري حلقوه و صج ارتحت بعدها و المفروض كل ما طال شعر القطو لازم تحلقينة عشان يطلع احسن منه و ترتاحين من مشكلة الشعر الي بكل مكان
و قبل لمن كنت اسبحه كنت اقعد 3 ساعات انشف شعره اما الحين بعد التحليق بالكثير ساعة و يكون ناشف خلاص
تقبلي مروري

 

[سنونو282]

اي صح قالوا ان الدراي فود يسبب ظهور حصوات خصوصا للذكر بس انا طول عمره اعطيه الدراي فود وما فيه الا العافية الحمدلله

 

[Catino]

اييي انا احب الشرازي بس مشكلته الشعر بيكون بكل مكان بس احب الببيكي فيس مافي كلهم شرازي بسس دورت اكزوتيك مالقيت بالكويت >_< واذا لقيت غاليه حيل
وبالنسبه للاكل يعني لازم احطله دراي فود دايم ولا اعطيه بين فتره ووفتره احسن يعني مكافأة؟؟؟؟؟؟
سووري ادري اسألتي واايد )":

 

[A.M ART]

انا عن نفسي الاكل دايم بصحن قطوتي كلما خلصته احط جديد بحكم انو قطوتي مرضعه وشهيتها مفتووووحه حيييل ماشاءالله

 

[غلاى الغويليه]

السلام عليكم

شوفى غلط تخلين الاكل عند القط اربعه وعشرين
ساعه لانى ماتفهم بتاكل كل شوى واذا كلت كلت وراء بعض بدون لا تروح
الحمام يصير فيها تلبك بالامعاء

فـ لازم تقسمين الوجبات على فترات مثلا

الصبح : عسل مع روب او جبن المثلت
الغداء : دجاج مسلوق مع خضروات مصبوخه مع شويه عيش تطحنينهم مع بعض وياكلونه
العشاء : تقدرين تعطينها معلبات رويال كانن حيل ممتازه

وتقدرين بفتره العصر تعطينهم بسكووت وجذى يعنى

بالنسبه لتساقط الشعر هذا شئ طبيعى بالقطط الكثيفه الشعر بس الى يقلل التساقط

الشعر التمشط اليومى + الاكل الصحى

واذا تبين نتيجه احسن واحسن فى فيتامينات عند اى صيدليه بيطريه حق
تقليل تساقط الشعر او فتح الشهيه تحطين قطره مع الاكل
وياكلها وتحسين بتحسن وفرق كبير

 

[Catino]

مشششكووره غلا ع الكلام الحلو جذي اقتنعت لان فكرة اني اخلي الاكل قبالها ما اقتنعت فيها
وو مششكوره ع مرورج الحلو مرة ثانيه

 

[dodash1984]

بالنسبة لأكل القطط فأنتى لازم توفرى ليها التلت وجبات الأسياسية اللى هم الفطار والغداء والعشاء علشان تقدرى توصلى ليها كل الفيتامينات الكافية اللى بيحتاجها جسمها وبالنسبة للاكلات اللى ممكن تعمليها للقطط عندك فهى
​

الفطور :​

1- بيضة مسلوقة وتهرسيها بالشوكة وعليها رشة ملح
2- فول مطبوخ وعليه عيش فينو
3- جبنة كيرى
4- كباية زبادة ومهروس فيها قطعة جبنة نستون
​

الغداء:​

1- فراخ مسلوقة ومتقطعة
2- خضار سوتية مطبوخ ومتقطع جواه قطع فراخ مسلوقة
3- تسلقى بططساسة ومعاها حبتين كوسة ومعاهم واحدة مكعب فاين فودز مع كبايتين ماية واول ما تتسلق تحطى كل المقادير فى الخلاط ومعاهم فراخ مسلوقة فى الخلاط وتضربيهم كلهم فى بعض وتحطى الخيط فى طبق ولو زيادة حطى نص الكمية وشيلى الباقى فى التلاجة واستعمليه تانى يوم
4- كبدة فراخ مسلوقة وتهريسها مع معلقتين رز مسلوق
5- سمك فيليه على رز
6- بسلة على رز ومعاها قطع فراخ​

العشاء:​

1- ممكن بطاطس مهروسة مع كوسة
2- جبنة نستون​

ومتنسيش الماية واللبن دايما يكونو جنبه وميتشالوش أبدا من قدامه ويستحسن يكون لبن بودر لان اللبن الحليب بيعملهم إسهال
​

الممنوعات:​

1- التونة ممنوعة لانها بتبقى جواها بواقى شوك مفروم مع لحم التونة وممكن ياثر على معدتهم ويعملو فى التواليت دم
2- السلامون ممنوع منعا باتا لانه بيوقع الشعر
3- الجمبرى ممنوع لانه بيحتوى على نسبة فسفور عالية
4- ممنوع الثوم فى الأكل والبهرات لانها بتأثر على معدتهم وبتخليهم يتقيأو
5- ممنوع الأكلات اللى فيها شطة لانها بتأثر على البواسير عندهم
​

أما بالنسبة لسقوط شعر القطط الشيرازى فهو ممكن يكون الشعر الميت هو اللى بيسقط بس سقوط الشعر برده بيكون نتيجة حاجتين يا اما الجو بيكون حر والقط بيحاول يخفف من حرارة جسمه يا أما ممكن يكون مش بيتغذا كويس ومحتاج للفيتامينات اللى بتقدرى تعوضيه بيها من خلال الاكل الكويس ولازم كل شوية تمشى شعر القطط علشان يفتح مسام جسمه ويقلل من سقوط شعره
​

 

[نمروق]

انا احط حق قطوتي صحن في الاكل و متى ما ياعت راح له ما في وقت محدد للاكل و على سالفة الشعر اهو كان يطيح وايد بس استخدمت لها شامبو نيزوال ما قام يطيح وايد و لمن تمشطينها يوميا ما يطيح وايد وحاولي تسبحينها مرة بالاسبوع

 

[Ayami]

شوفي اهو اهم شي الماي موجود ٢٤ ساعه ويكون بعيد عن مكان اللتربوكس ، اما الاكل افضل الدراي فود واخليه طول اليوم وجم مره بالشهر اعطيهم معلبات يعني مو دايم لان ريحة اكلهم موحلوه ، بس الأصح بالنسبه للاكل مثل ماقريت يقولون ٤ وجبات باليوم او ٣ وكل وجبه تحطين للقطوه اللي يملى كف الايد وتخلينه ربع او نص ساعه وتشيلينه ..
وهم بعد مرات اعطيهم من اكل البيت اذا ماكان فيه توابل وبهارات..

والله الشعر مادري سمبا شعره ماكان يطيح وايد بس اهو طويل حيل سافرت جم يوم ورديت ولا شعره كله متعقد الخدم موامشطينه واضطريت اني احلقه <>

 

[مزيوونة]

اب اب