سؤال عن لندن

[Amory]

بنات آنا رايحه لندن منزمان قبل 10 اسنين والحين أبي اروح بس يقولون صارت اغلى من قبل ... بس حبيت اسالكم اذا بروح شهر جم يكلفني السكن مع الاكل اذا بسكن ابشقه بس آنا وزوجي؟

اللي عندها خبره بالموضوع اتقولي يزاكم الله خير.

 

[أم طه الحولة]

اموري انا يوم 25 بروح وماخذين شقة شهر 750 دينار تقريبا بالاسبوع الواحد بس يختلف من مكان لمكان لان احنا ماخذين بمكان غالي بالاجور رود بالووتر جاردن يعني اغلى مكان تقريبا بس اكو اماكن حلوة ومعقولة وانا اقوللج قعدي بفندق اوفرلج وهالكلام بعد تجربة يعني

 

[BaiTotia]

ماعندي خبره بالشقق

بس ريكاردي 750 دينار بالأسبوع وايد غالي الصراحة على قولتج لو تقعدين لج بأكشخ فندق بيطلع أرخص لا والفندق فيه خدمه و بوفيه فطور و امان أكثر أحسن من الشقة بوايد

 

[BaiTotia]

إذا تبين فندق روحي ساس موقعه يهبل و سعره معقول

 

[عنايد]

شنو من صجكم هذي الأسعار ؟؟
انزين ماقلتو لنا شنو احسن الاسواق والأماكن السياحيه؟؟

 

[أم طه الحولة]

عنايد اسواقهم ماتخلص والله .. احلى شي اكسفورد وسيلفرجز حلو بعد بس غالي شوي يعني اول بدلة عجبتني ب800 دينار بس من كنزو
واذا تبين مكان حلو اخذي الباص اللي يروح همر سميث راح تلقين بنص الطريج سوق حلو بتلاقين h&m و ماركس سبنسر وgap والله اكو اشياء روعة وفي محل اسمه buffalo خطير كله اشياء غريبة بس غالي شوي

 

[عنايد]

أهاااا

 

[BaiTotia]

بنات أي وحدة بتروح لندن تاخذني معاها خخخخخخخخخخخخخخخخخخخخ

 

[خبيرة اعشاب]

صراحه ما عمري رحت لندن .....
اذا تبين فرنسا او اوربا ممكن افيدج

 

[noony_online]

لندن نااااااار انا رحت شهر اثنين و انا صارلي فتره مو رايحه حسيتها اغلى مكان باوروبا

 

[& مــشــايــخ &]

ياسلااام على لندن<<<مع اني مارحت لها بس اسمع عنها

 

[الأماكن]

آنا توني رادة من لندن 1-3-2007
والله حلوة و باردة حييييل
أخذنا شقة في عمارة إسمها الفورست كورت يم عماير البارك ويست
شقة نظيفة و فوق هذا أماااان
بصراااحة لندن غاااااااااااااااالية ناااااااااااااااااار ما توقعتها جذي أبد
يعني ألف و500 دينار يااااالاا يكفووون بس لمدة 10 أيام
كل شي غالي الأكل و المواصلات
كل شي ولا صموووونة الفلافل تخيلي الصمووونة الوحدة بدينار و البيبسي بدينار
بس السوق حلو ولو تقارنين بالكويت نفس الأسعار أو أرخص شوي
و أنصحج دخلي المحلات إاللي عليها تنزيلاتsale
شارع أكسفورد كل محلاته حلوة
الهامرسميث فيه مجمع ينقاله بريمارك
توب شوب إخذي منه مكياج الشدو عندهم خييييياااااااااااال
وول وورث كاكاووواااااات على كيف كيفج رخييييص
و في سوووق رخيص إسمه شبردز بوش (وفي اللهجة الكويتية المحلية إسمه شبربوش....ههههههه)أحلى مافيه الشالات و الملافع و الدلاغات أشكال و ألوان والسوق شكله يلوع الجبد بس أغراضه رخييييييييييصة
و أسوووووووووووااااااااااااااااااااقهم واااااااايد لو أقولج مراح نخلص

والسياحة عندهم عادية يعني عندج : عين لندن - متحف الشمع - الهايد بارك - الريجنت بارك - حديقة حيوان لندن -......ألخ

 

[استغفرك يارب]

بناااااااااااااااااااااااااااات أي وحدة بتروح لندن تاخذني معاها
ههههههههههههههههههههههههههههههههههههههههههههههه

 

[BaiTotia]

كل شي ولا صموووونة الفلافل تخيلي الصمووونة الوحدة بدينار و البيبسي بدينار
===
لوووووووووووووووووووووووول تدرين آخر مرة رحت لندن من جم سنة كانت الصمونة بدينارين

خخخخخخ يعني صارت أرخص

ترا كل أوروبا غالية ماأشلون عايشين الظاهر معاشاتهم عالية

إيطاليا أرخص دولة أوربية زرتها للحين

 

[manoola]

ايه لندن صايرة نار وبعد الاسترليني ارتفع كملت ........
شوفي الشقق تبدي من 500 كويتي بالاسبوع اذا تبين قريب على اجوارود واماكن العرب بس كل مابعدتي شوي ترخض مو وايد يعني بالهاي سيزون تصير ناار وشرار .............. يعني بالشتا قعدنا بشقة بالاسبوع 350 كويتي واعتقد الحين توصل 700 وفوق لانها شوي تعتبر كبيرة
وبعدين عارفه انتي شققهم نتفه وسعرها اكبر منها وبالصيف الشقق ترتفع والفنادق تنزل اسعارها وبالشتا العكس

 

[koc_dreams]

حبيبيتي معروف انه لندن بالصيف نار وهل حزة الشقق فل واسعارها نار يعني حطي في بالج مو اقل من 500 دينار للشقة في اسبوع اخذي بنصيحة البنات وحجزي الفندق احسن لنج وبعدين على الاسواق والسياحة من توصلين لندن في كتيب يوزع بالمجان اسمه باي باي لندن فيه كل شي اخذي من الماكن سياحية الى الاسواق والمطاعم وشركات الشحن
باصراحة الكتيب وايد نفعني وينباع بالكويت على دينارين في بعض المكاتب ولا دشي هذا السايت
http://www.visitbritain.com/VB3-ar-...tings_and_incentives/sample_itineraries1.aspx

 

[q8_hala]

فيه شارع قريب من شارع اكسفورد
اسمه شارع "اجون روود" << جذي ينطقونه
(اتوقع اسمه جذي بالانجليزي Edjward Road) هالمنطقه كلها عرب وكويتيين وفيها مطاعم لبنانيه وايرانيه
اذا رحتوا عن طريق مطار هيثرو راح تلقون اكراد يعرفون عربي يعرفون هالشارع بس الله يستر عليكم لا تطيحون بواحد نصاب
اذا تحبين اسألج اخوي اذا عنده رقم واحد كردي كنا نتعامل معاه واطرشه لج بالخاص؟
بس انصحج اخذي اكلج معاج هناك واطبخي لان المطاعم غاليه ومو ذاك الزود
والشقق اسعارهم ناااااااار..أجارهم اسبوعي
انا كنت رايحه شهر 11 كان اجار الشقه بالاسبوع 450 باوند يعني تقريبا 200 دينار
ويختلف الأجار من شقه لشقه..ويقولون بالصيف ترتفع الاجارات لدرجة انها توصل الف دينار بالاسبوع
والتكاسي غاليه بعد
لكن اذا لقيتو احد يعلمكم على الـ undergound اللي هو المترو راح توفرون على نفسكم لانه ارخص (لكن الله يعينكم على ريحته تلوع الجبد)

اتمنى اني افدتج

 

[dalprincess]

حبيبتي لندن غاليه ,,, ويبيلج 3000 اقل شي حق لان السكن غالي اذا بشقه ,,, وسوقهم غالي بس روووعه وماتقدرين تطوفين شي

 

[اميرة القلوب]

لاتنسين دعـــــــــــــــــــــــــــــــــــــــــاء السفـــــــــــــــــــــــربالتوفيج،،،،،وتروحين وتردين بالسلامه مقدما>>؛)

 

[brettey]

اوكيه يا حلوين اذا بحجز غرفه بفندق تهقون بجم الليله وابي فندق رخيص مو غالي لاني مفكره اروح لها انشاء الله السنه اليايه