سؤال عن كل وحده حملت بتوأم بخصوص الربط ؟؟ فيدوني

[فديت من يشبهني]

مساء الخير

بنات بسالكم اللي حملو توأم بستفسر منهم شغله وحده
انا حامل بتوام بشهر ثالث قريت وايد بالمنتديات ان كل حامل توام
تركب ربط ؟؟

هو لازم ولا حاله عن حاله تفرق
انا عندي خبر عن قياس عنق الرحم اذا صغير يركبون
انا براجع بعد جم اسبوع وبسال دكتورتي

بس سؤالي في بنات حملو بتوام وولدو الحمدالله
ولاركبو ربط ؟؟؟



جزاكم الله خير
وعسي الله يثبت بيبياتي يارب

 

[الماس2008]

رفع

 

[yes or no]

عسي الله يثبتهم لج بس ماعندي خلفيه

برفع لج موضوع

 

[alhnan]

مو شرط التوأم ربط
على حسب الحالة في واحد و يربطون
الدكتور أدرى
و الربط للوحدة اللي عندها اجهاضات متكررة

 

[ذكرى الفراق]

حبيبتي انا عيالي البجر توأم وسويت ربط فيهم لاني كنت مجهضة قبل لااحمل فيهم بشهر ...ووطبعا الدكتور منصور العرف خيرني بدون مايقيس عنق الرحم ولا شي وقال الامان من بعد الله اتسوينه فانا وافقت اني اسويه على طول وهو قالي ان الجماع عادي بس انا خوافه وماقرب زوجي طول فترة حمالي اصلا وحامي كان متعب حيييل والربط ياذي بالافرازات الزايدة والحمدالله ولدت عيالي قيصيرية لانه رووسهم فوق ...وفبنتي اللي وراهم ماربطت ولاشي والحمدالله ربي تمم علي ....انتي اذا معاج دم ولا خايفه من الاجهاض سويه والله الحافظ ...واستخيري قبل كل شي الله يتمم عليج وعلينا ان شالله

 

[*caramel macchiato*]

انا بعد سويت ربط ..وهم رفيجتي يابت توام وسولها ربط...احسن لج سوي ربط لان يصير ثقل ويمكن يتبطل الرحم باي لحظة...يعني يقلل الخطر نوعا ما

 

[الأمل الأبيض]

انا ولدت بالسادس و انا مسويه ربط
اهم شي بالتوم الراحه و الاكل الصحي

 

[fattooma]

حماتي سوت ربط و اهيا حامل ببجرها لان رحمها ضعيف و ما يتحمل

و رفيجتي سوت ربط مع انها حامل ببيبي واحد لان رحمها بدا يتبطل بالسابع و خافو انها تولد

الاحسن انج تسئلين دكتورتج لان الربط يعتمد على رحم الحامل و وزن الجنين

و عسى الله يقومج بالسلامه

 

[ABEER FLOWER]

ما عندي فكره

ربي يثبّت حملج ويحفظ مافي رحمج

: )​

 

[romance 1]

الله يثبتهم لج

رفع

 

[ام الحلوااات]

اللــــه يـــثـــبـــت حــــــمـــلـــج ويـــتــــمـــم عـــــلـــيـــــج


اااااااااااااب

 

[أحلام العمر]

الامان والحافظ اللهً دام توؤم توكلي علي الله وسوي ربط

 

[&موناليزا&]

عاااااااااااااااادي حبيبتي مو لازم الربط اذا مافي خطر اجهاضات سابقه لاسمح الله