سؤال عن شركه الخليج للتأمين ؟؟؟؟

[^kloOot^]

بنات وانا بدوام اليوم ولا وحده حاطينها بنص الوزاره مدير واداره تسويق (شي جذي ) حق شركه الخليج للتأمين

المهم قااااااااعده تسولف صارلها ساعتين

تقول تبين معاش غير معااااااااااشج ؟؟

اذا تقاعدتى راح ينفعج


يعنى تستثمرين اموالج معاهم كل شهر تدفعين مثلا مثال : 30دينار طبعا اقل مبلغ
وبعد 15 سنه طبعا مثلا جمعتى معاهم المبلغ طوووووووووول السنين قولى 12 الف



عندج جم خيار
1- انج تطلبين منهم معاش مدى الحياه مثلا شهريا 200 دينار
2-او يعطونج شيك كامل بقيمه 24دك دبل اللى عطيتهم
3-يعطونج شيك كل سنه بقيمه 3000دك لمده 10 سنوات


وفي طبعا اذا الشخص توفى يورثونه اهله

وقالتلى انه يستثمرون اموالج بالعقار ومضمون وفي عقد مع البنك المركزي وانه شركه الخليج قديمه مو توها فاتحه

المهم بنات طولت عليكم

ابي احد مجربها عشان الكل يستفيد


لانى محتاره والواحد وده يكون له دخل ثانى لازززززززززززززززززززززززززم


يليت تساعدونى

 

[**بياض الثلج**]

ياريت البنات اللي يعرفون يفيدونا

 

[أم وهابي]

انا موظفه معاهم اهى شوى عقدت الامور عليج

راسلينى على الخاص وافهمج الطريقه وشنو الاحسن لج

 

[تيجان]

ام وهااابي ياريت اتوضحين دام انتي معاهم عالخاص وشنو الأفضل

 

[أم وهابي]

ام وهااابي ياريت اتوضحين دام انتي معاهم عالخاص وشنو الأفضل

امرى يا تيجان حبيبتى
حبيبتى هذى الموظفه جنها شوى بالغت بالكلام

اذا تدفعين 30 شهرى بعد 15 سنه تستلمين 7821 دينار على الصندوق العالمى
" " 40 " " " " " 10638 دينار
" " 50 " " " 13479 دينار

بنات الحسبه كبيره التى تبى تحط مبلغها وانا احط الحسبه

وفى شركه الخليج هذا افضل شى يعنى لحد يقص عليكم

يعنى تحطين المبلغ وتاخذينه بعد 15 سنه بفايده كبيرة

 

[^kloOot^]

هلا ام وهابي

بصراحه صارلتلى شوى ظروف ماقدرت ادق عليج

يليت كل شيء بالعام عشانالكل يستفيد

اللى كانت تتكلم اهي مصريه ومدير مسماها

بس انا اللى كشيت من الموضوع انه في حاله انى اخترت طول العمر معاش مدى الحياه قالتى في حالت الشخص توفى تروح عليه الفلوس يعنى مايمشي المعاش حق الورثى ويروح كفاله الايتام مبلغ بسيط
اما حالات الثانيه الشيك وغيره لا يورثونج وتحطين اسامى الى تبينهم زوجج او عيالج مثلا

عندى سؤال يليت تتكلمين شنو اللى يضمنلي حقي يعنى العقد اكيد من البنك المركزي واقدر استفسر من البنك المركزي نفسهم عشان انا ارتاح نفسيا

والشركه من متى فاتحه صج قديمه على كلامها وايد
وليش اهي احسن شركه قصدج بالنسبه للارباح والفوائد ولا شنو

سوري سألت وايد بس ابي الكل يستفيد

 

[أم وهابي]

حبيبتى الجورى

انتى بوزارة الكهرباء


انا كنت منزله موضوع اول بخصوص هالشركه عشان جذى قلت خلى على الخاص

انا مسويه حق عيالى من 2004

الشركه قديمه من 1962 ضمانات الشركه انها مالت الشيخ حمد صباح الاحمد ورؤساء مجلس الاداره عيال العيار والصانع
والشركه مضمونه من كل النواحى حتى فى حاله الوفاه تضمن للعميل حقه حتى لو ثانى يوم من توقيع العقد

من الناحيه الدينيه بالنسبه للشيعه والسنه موجوده الفتاوى فى حاله احد قال حرام

شنو تبين بعد سألى حبيبتى مع انى ما احب اكتب وبغيت القرقر يصير بالتلفون اسرع لان هالشغله وايد موسعه ويبيلها فهم

على فكره انا وايد وايد وايد متحيزه للكويتين بطريقه عنصريه ومع احترامى للعرب بس ما حب اتعامل معاهم

الاخت المصريه شويه صعبت وبالغت حتى بالحسبه

الحسبه ترى موجذى والمفروض تعطيج احسن شى بس اهى ما يهمها الا توقع عقد

السالفه باختصار حطى لى المبلغ وانا اسويلج الحسبه

الشركه معروفه وراس مالها قوى بأول سنه افتحت تعدى راس المال المليون بعدين معروفه واى استفسار نا بالخدمه

ارد يا بنات واقول انا مسويه لعيالى من 2004 وعمرى ما فكرت انزل اعلان او حتى المح عن الشركه بس اللى تسأل ارد واجاوب والسالفه مو اعلاه وما ابى منكم غير الدعاء لعيالى بالهدايه

 

[^kloOot^]

مشكوره ام وهابي

اى انا بالكهرباء شدراج

والله مادري ريلي مو مقتنع كلش
بس انا يمكن افكر فيها بالمستقبل اانشالله مشكوووووووووووووووووره ياقلبي ماقصرتى وانشالله اذا نويت رقمج موجود عندي راح استفسر اكثر منج ماقصرتى حياتى

 

[Queen-q8]

اذا المبلغ اختي مثلا 75 على صندوقين يعني 75 و75 كل صندوق يطلع جم ؟؟

واذا 100 دك جم يطلع ؟؟

 

[confused]

متابعه ..
عندي استفسار ..
اذا وقفت وماقدرت ادفع هالثلاثين ولا الخمسين اخر كل شهروبغيت اوقف عقدي او استثماري معاهم .. شيصير ؟
تروح فلوسي ؟ عالاقل خل يردونهم لي مثل ما اهما :d !

 

[confused]

up

 

[^kloOot^]

انا قالتلى تقدرين توقيفين بس للازم يطوف سنتين على الاقل وتاخذين فلوسج ونسبه ارباح بسيطه


هذا اللى قالتلى ياه المره

 

[مع حبي]

بنات عفيه عطوني رقمهم تكفوووووووووووووووون

 

[confused]

انا قالتلى تقدرين توقيفين بس للازم يطوف سنتين على الاقل وتاخذين فلوسج ونسبه ارباح بسيطه


هذا اللى قالتلى ياه المره

ثنكيوووو عالرد :eh_s(6):

 

[^kloOot^]

انشالله باجر اييبلج رقمها اذا داومت كرتها بالدوام

 

[dan]

انا و اخواني مساهمين فيها بصراحه تحسفنا لأن نطامنا ندفع دفعه سنويه و اهو ينفع حق الصغار بس اذا انتي كبيره و فيها نطره بعد 15 سنه شل فايده في استثمار افضل يتراولي بس احنا على 20 سنه على ما اعتقد

 

[مع حبي]

أم جوري ناطرتج فديتج

 

[^kloOot^]

دانه مو فاهمه شي من اللى قلتيه

شلون سنويه

انا صغيره 23 سنه

شلون ماتدفعين شهريا ولا شنو



انشالله باجر اييب رقمها

 

[أم وهابي]

اذا المبلغ اختي مثلا 75 على صندوقين يعني 75 و75 كل صندوق يطلع جم ؟؟

واذا 100 دك جم يطلع ؟؟

اذا 100 دينار شهرى بعد 15 سنه بالصندوق العالمى راح يطلع لج 27638 دينار


ما راح نقول 75 دينار خلينا على 70 دينار

اذا 70 دينار على العالمى شهرى يطلع 19128 دينار
الصندوق المضمون من 70 دينار يطلع 14021 دينار
الصندوق المحلى 16352 دينار

ملاحظه : الدفع الشهرى تصير الفائده اقل من الربع سنوى والسنوى والنص السنوى

 

[أم وهابي]

متابعه ..
عندي استفسار ..
اذا وقفت وماقدرت ادفع هالثلاثين ولا الخمسين اخر كل شهروبغيت اوقف عقدي او استثماري معاهم .. شيصير ؟
تروح فلوسي ؟ عالاقل خل يردونهم لي مثل ما اهما :d !

راح تروح عليج فلوسج لانج ما التزمتى بالعقد

بينج وبينهم عقد مدته 15 سنه ومبلغ التامين فى حاله الوفاه راح يكون 5000 دينار اذا غطيتى مبلغ التامين اللى قيمته 5000 دينار تاخذين فلوسج مع خصم 3% من اصل المبلغ