سؤال عن اللقيمات

[حيوته]

تعبت من اللقيمات

السلام عليكم ورحمة الله وبركاته

والله تعبت من اللقيمات ما بقت طريقة الا وجربتها الطعم يطلع لابئس بس تطلع رخوة مو مقروشة وريلي يمووووووووت باللقيمات شسوي ياربي ؟؟؟؟

يبيها مثل لقيمات عواشة ..

تكفون يا أهل الخبرة ساعدوني

 

[كويتيه عبسيه]

رد: ابي طريقه عمل الليقيمات

ما قصروا البنات وياج مشكورين

 

[جارة القمر]

رد : تعبت من اللقيمات

تفضلي طلبك

http://www.q8yat.net/showthread.php?t=671919

 

[أحلى^حياه]

رد: تعبت من اللقيمات

نفس حالتي هههههههه

مشكوورة جارونة

 

[كنوشة 2009]

رد: تعبت من اللقيمات

اهم شي حق اللقيمات مو بس طريقة العجينة اللي اهم صبت اللقيمات في النار لان النار لازم تصير على نار هادية وعلى الحجم الوسط والزيت غزير ولازم تقلبين اللقيمات على طول علشان تتحمش من جميع الجهات بعدين تحطينها في الشيرة وما تكون حارة علشان اللقيمات ما تصير لينة

 

[حيوته]

رد: ابي طريقه عمل الليقيمات

الله يعطيكم العافيه يارب ما قصرتوا بجرب كل يوم طريقة والله كريم

 

[dnyay_mll]

رد : ابي طريقه عمل الليقيمات

اخت حيوته اذا تبينها مقرمشه

جربي هالطريقه

حمري اللقيمات مرتين

اول مره خلي لونها يسير ذهبي فاتح

وطلعيها من الزيت

وردي بعد خمس دقايق حمريها مره ثانيه

واكيد بتظبط وياج

 

[خوااااطر]

رد: ابي طريقه عمل الليقيمات

مرحبا بنات ومبارك عليكم الشهر

ادري ان اللقيمات تخرع مثل الجريش الي اول مره تسوينه

ولي عشر سنوات وانا في حقل تجارب للقيمات اخذت قيمات سعوديه وسويت عراقيه وسويت هنديه وكويتيه
هههههههههههههههههه
المهم مالكم بالطويله اخر ابحاثي في رمضان الي فات وظبطت ولله الحمد في اخر رمضان الي طاف وكتبتها بورقه

وخبيتها بين هدومي

يةم جت السنه هاذي واطلعها الحمدلله والشكر كني مخبيه ذهب ههههههههههههه

المقادير كالتالي

واحد ونص كوب دقيق ابيض
بيضه
ملعقه كبيره ممتلئه خميره
ملعقة سكر
نص ملعقه صغيره ملح
علبه زبادي او روب
ملعقه كبيره حليب بودره جاف
شوي زعفران عشان اللون يطلع ذهبي
نصف كاس ماء دافي

طبعا كلها فالخلاط حق الطماط ماعدا الدقيق

اذا خلظنا كل المقادير نصبهم على الدقيق

واهم شي نضرب الخليط من جهه واحده عشان يدخلها الهواء

بعدين نحطها في بلاستيك ابوغطاء وندخلها في اي درج من دروج المطبخ ونطنشها

واذا جينا نقلي ننتبه لحرارة القلي حار بعدين نقصر عليه لمايدفاء نرفع عليه وهكذا

بالنسبه للاخت الي تركت ملاحظه قيمه جدا وهي القلي مرتين فعلا هي صادقه

تطلع لذيذه مررره ومقرمشه من جد

وسلا متكم ​

 

[بوسه حلوه]

رد : سؤال عن اللقيمات

حبيبتي انا اقولج طريقه سهله وحلوه
كوب ماي ,واحد قيمرصغير ,كريمه حمرا نصها , شويه سكر ,شويه خميره ,كرتون لقيمات اي نوع عادي كله حلو ,هيل وزعفران
بس اذا طلعت ثقيله زيديها طحين اسمر شويه بس

 

[Cinderella]

bnat ana lgeematy kla y6l3 shklhm 7`nafs aw gbagb madry leeish waid lina lgematy

 

[أحلى همبه كويتية]

عليكم بالعافية
كل الطريق حلوة


جربوا طريقة محل الحلوى العمانية
اتهبل انا جربتها ونزلتها في موضو ع الأطباق المجربة
عجيييييييبة