سؤال عن " الكلوميد "

[om-s3oodi]

السلام عليكم ..

بغيت أسأل عن : حبوب الكلوميد ..

آنا دورتي تخرطبت وصارت إتييني كل 14 يوم , وتستمر مدة 7 أيام وأنتظمت على هـ الموال ..

رحت الطبيبة سوّت سونار عالرحم وكل شي تمام ..

وسوّت سونار داخلي .. عالمبايض .. بس كانت طريقتها غلط .. لأنه خبري المبايض يتم الفحص عنها بأيام معينة صح ؟


وتحليلين لهرمون الحليب والغدة الدرقية وهمن كل شي تمام ..

قبل أشوي أتقول : أخذي كلوميد 50 مل ثاني يوم الدورة لمدة 5 أيام .. مرة الصبح ومرة بالليل ..

السؤال :

الكلوميد ينظم الدورة مثلا ؟ ؟


مع العلم آنا صار لي شهرين بس متزوجة ..


ومنو أستخدمت الكلوميد قبل ,, وحق شنو ؟

ومشكورين ..

 

[ftana]

رد : سؤال عن " الكلوميد "

الكلوميد حق التبويض حبيبتي انتي تبين تحملين؟؟

لان الكلوميد ينشط البويضات .. ويساعد على الحمل ...ماله علاقه بالدوره ...

لا ينظمها ولاهم يحزنون ..

واذا على انها تفحص تبويضج لازم تفحصه باليوم ال12 من الدوره تيينها وتشوف بويضاتج اذا اوكي او لا ...

شكلها دكتورتج ثولا .. هههههه

نصيحه روحي حق ماجده اليتامى تنظم دورتج انشالله وتساعدج على الحمل باذن الله على الاقل انسانه فاهمه مو مثل الي رحتيلها الي ماشرحتلج شي !!

 

[sh@tha alk@di]

رد : سؤال عن " الكلوميد "

حبيبتي انا اعرف انه الكلوميد يستخدم للي عندها التبويض ضعيفاختي اخذت كلوميد ..كانت تاخذه خامس يوم الدوره حبيتين في اليوموجابت توأم بنات..وكانت الدوره تتأخر يعني تجيها كل شهر ونص مره وحده..كانت الدكتوره اعطتها قبل الكلوميد حبوب منع الحمل لمدة ثلاثة شهور عشان تنتظم الدوره وبعدها اعطتها الكلوميديارب اكون افدتك بشيوالله يرزقك بالذريه الصالحه

 

[طيف2006]

منو دكتورتج وانتي قلتيلها تبين تحملين اولا

 

[ام فوااز]

رد : سؤال عن " الكلوميد "

حبيبتي الكلوميد ينشط ويحفز المبايض يساعد علي انتاج البويضات وانا كنت أخذه والحمدالله حملت عليه
ماله شغل بتنظيم الدورة ماينظم ليش ما عطتج منظم ؟

 

[om-s3oodi]

رد : سؤال عن " الكلوميد "

بطت جبدي هالدكتورة

بنات توي متزوجة آنا

ما قلت لها بحمل

سوت لي سونار داخلي يوم الخميس اللي طلف

كانت الدورة مو يايتني

واليوم ثاني يوم

تقولي مبايض صغيرة !!!!!!!

سألت صيدلانية قالت لي هذي هبلة لازم أوقات معينة لفحص المبايض

عاد ألحين أخذت كلوميد اليوم حبة وبالليل بآخذ حبة

واااااااااي الله يستر عيل



بنات ماجدة اليتامى وين ؟؟؟

 

[om-s3oodi]

رد : رد: سؤال عن " الكلوميد "

منو دكتورتج وانتي قلتيلها تبين تحملين اولا

سلوى محمد مصرية


لاء ما قلت لها


بس قلت لها دورتي تخرربطت وبنظمها بسس

 

[ftana]

رد : سؤال عن " الكلوميد "

ماجده اليتامى بالجابريه ... تصير يم تشامبينز اليديد .. وبطريج تشامبين القديم

واسم عيادتها دار البراء الطبي .. دزي مسج حق 1808080 وخل يعطونج رقمهم .. ودقي ويوصفون لج عدل ولازم موعد قبلها بفتره علشان ادشين عليها فا دقي من الحين اخذي موعد
وااااااااااااااااااااااايد الدكتوره شاااااااااطره مشالله ...

 

[خضيرة]

انا لما تاخرت الدورة شهر ونص اوصفتلى الدكتورة الكلوميد عشان تنتظم الدورة وللحمل

 

[passion.666]

عندي سؤال
اللي ياخذ كلوميد لازم ياخذ ابرة تفجير ولا عادي من غير ابرة تفجير

 

[om-s3oodi]

رد : رد: سؤال عن " الكلوميد "

انا لما تاخرت الدورة شهر ونص اوصفتلى الدكتورة الكلوميد عشان تنتظم الدورة وللحمل

عاد انتظمت ؟؟

آنا ما تتأخر ,,إتييي كل 14 يوووم

 

[عروس نجد]

انا بصراحة الدورة منتظمة عندي الكلومي اخرها اسبوع

 

[الأميرة جوري]

رد : سؤال عن " الكلوميد "

بعد الزواج وخصوصا الشهور الالولي تتلخبط لان من النفسيه بعدها تنتظم لا تلعبين بروحج ,,,,

 

[نـور الكويت]

عسى الله يرزقج يارب العالمين

 

[om-s3oodi]

رد : سؤال عن " الكلوميد "

بعد الزواج وخصوصا الشهور الالولي تتلخبط لان من النفسيه بعدها تنتظم لا تلعبين بروحج ,,,,

آنا تعبت كل أسبوعين دورة , فرحت أبي أنظمها أمبجر

 

[حرم_طيار]

رد : سؤال عن " الكلوميد "

الكلوميد لتنشيط التبويض فقط ماله علاقه بالدورة
انا استخدمته لان التبيويض عندي ضعيف وحملت من غير ابرة تفجيريه

 

[مشاعر الروح]

اي انا الدورة متلخبطة عندي و ابي احمل رحت للدكتورة عطتني كلوميد عشان ينشط المبايض و عطتني دوفاتسون عشان تنزل بمودها ك 28 يوم و اذا تاخرت تتاخر شوي و تكون بجذيه منتظمة

بس حاسبي اذا ما تبين تحملين لا تستعملين الكلوميد لان ناس وايد يحملون علي بسرعة و من مميزاته توائم بعد

 

[فرفشه منعنشه]

بنات الموضوع صارله سنه هههههههههههههههههههههههههههه

 

[ابـــ بنت ـــوهاا]

حبوب زهرة الربيع المسائيه
تنظم الدوره والهرمونات وهي اساسا للبشره والشعر والاظافر
انا وصفتها لي دكتوره ايفا بالراشد


موفقه،،،،،

 

[ام ساره 4]

الله يرحم زوجج يا أم سعود ويصبر قلبج